പീഡന ശ്രമക്കേസിൽ ഗ്യാസ് ഏജൻസി ജീവനക്കാരൻ അറസ്റ്റിൽ

കൊച്ചി: പ്രായപൂർത്തിയാകാത്ത പെൺകുട്ടിയെ പീഡിപ്പിക്കാൻ ശ്രമിച്ച ഗ്യാസ് ഏജൻസി ജീവനക്കാരൻ അറസ്റ്റിൽ. ചേരാനല്ലൂരിൽ പ്രവർത്തിക്കുന്ന ഗ്യാസ് ഏജൻസിയിൽ ജോലി ചെയ്യുന്ന നോർത്ത് പറവൂർ കൈതാരം സ്വദേശി തേവരുപറമ്പിൽ വീട്ടിൽ അജീന്ദ്രനെയാണ് (51) അറസ്റ്റ് ചെയ്തത്. പെൺകുട്ടി ബഹളം വെക്കുകയും പരിസരവാസികൾ തടഞ്ഞുനിർത്തി പൊലീസിനെ ഏൽപിക്കുകയുമായിരുന്നു.