അ​വ​ഗ​ണ​ന​യു​ടെ തു​രു​ത്തി​ൽ വൈ​പ്പി​നി​ലെ ആ​ശു​പ​ത്രി​ക​ൾ

വൈ​പ്പി​ന്‍: ഞാ​റ​ക്ക​ല്‍ താ​ലൂ​ക്കാ​ശു​പ​ത്രി​യി​ല്‍ ആ​ധു​നി​ക സൗ​ക​ര്യ​ങ്ങ​ളോ​ടെ പു​തി​യ കെ​ട്ടി​ട​ങ്ങ​ൾ പൂ​ര്‍ത്തീ​ക​രി​ച്ചി​ട്ടും രോ​ഗി​ക​ളു​മാ​യി സ്വ​കാ​ര്യ ആ​ശു​പ​ത്രി​യി​ലേ​ക്കോ എ​റ​ണാ​കു​ളം ജ​ന​റ​ല്‍ ആ​ശു​പ​ത്രി​യി​ലേ​ക്കോ ഓ​ടേ​ണ്ട ഗ​തി​കേ​ടി​ലാ​ണ്​ വൈ​പ്പി​ന്‍ തീ​ര​ദേ​ശ ജ​ന​ത. പ​നി​യും അ​നു​ബ​ന്ധ അ​സു​ഖ​ങ്ങ​ളു​മാ​യി ദി​വ​സ​വും മ​ത്സ്യ​ത്തൊ​ഴി​ലാ​ളി​ക​ളും അ​ല്ലാ​ത്ത​വ​രു​മാ​യ നി​ര​വ​ധി​പേ​ർ ചി​കി​ത്സ തേ​ടി​യെ​ത്തു​ന്ന ആ​ശു​പ​ത്രി​യി​ലാ​ണ് ഈ ​ദുഃ​സ്ഥി​തി.

വ​നി​ത വാ​ര്‍ഡു​ള്‍പ്പെ​ടെ നി​ർ​മാ​ണം പൂ​ര്‍ത്തി​യാ​യി​ട്ടും ആ​ശു​പ​ത്രി​യി​ല്‍ ല​ഭ്യ​മാ​കു​ന്ന​ത് ഒ.​പി ചി​കി​ത്സ മാ​ത്രം. പേ​രി​ല്‍ താ​ലൂ​ക്ക് ആ​ശു​പ​ത്രി​യാ​ണെ​ങ്കി​ലും പ്രാ​ഥ​മി​കാ​രോ​ഗ്യ​കേ​ന്ദ്രം പോ​ലെ​യാ​ണ് പ്ര​വ​ര്‍ത്ത​നം. നി​ല​വി​ല്‍ ആ​റ്​ ഡോ​ക്ട​ര്‍മാ​രു​ടെ സേ​വ​നം ല​ഭ്യ​മാ​ണ്. എ​ന്നാ​ല്‍, വൈ​കീ​ട്ട് ആ​റ്​ മ​ണി ക​ഴി​ഞ്ഞാ​ല്‍ ഡോ​ക്ട​ര്‍മാ​രി​ല്ല. അ​ത്യാ​ഹി​ത വി​ഭാ​ഗ​ത്തി​ന്​ വേ​ണ്ടി പ​ണി​ത പു​തി​യ കെ​ട്ടി​ടം പൂ​ര്‍ത്തി​യാ​യി​ട്ടും തു​റ​ന്നു​കൊ​ടു​ക്കാ​നാ​യി​ട്ടി​ല്ല. ഐ​സോ​ലേ​ഷ​ന്‍ വാ​ര്‍ഡി​ന്റെ പ​ണി തു​ട​ങ്ങി​യി​ട്ട് നാ​ളു​ക​ള്‍ പി​ന്നി​ട്ടെ​ങ്കി​ലും പൂ​ര്‍ത്തീ​ക​രി​ച്ചി​ട്ടി​ല്ല. ഒ​ന്ന​ര കോ​ടി ചെ​ല​വി​ല്‍ നി​ർ​മി​ച്ച സ്ത്രീ​ക​ളു​ടെ വാ​ര്‍ഡ് 2022 ഡി​സം​ബ​റി​ൽ ആ​രോ​ഗ്യ​മ​ന്ത്രി വീ​ണ ജോ​ർ​ജ്​ ഉ​ദ്ഘാ​ട​നം ചെ​യ്‌​തെ​ങ്കി​ലും ഇ​പ്പോ​ഴും വെ​ള്ള​വും ക​റ​ന്റും ഇ​ല്ല. ര​ണ്ട്​ ഡോ​ക്ട​ര്‍മാ​രു​ടെ സേ​വ​നം ഉ​ണ്ടെ​ങ്കി​ല്‍ രാ​ത്രി ചി​കി​ത്സ തു​ട​ങ്ങാ​മെ​ന്നി​രി​ക്കെ അ​ധി​കൃ​ത​ർ​ക്ക്​ ഇ​ക്കാ​ര്യ​ത്തി​ലും അ​നാ​സ്ഥ​യാ​ണെ​ന്ന്​ നാ​ട്ടു​കാ​ര്‍ കു​റ്റ​പ്പെ​ടു​ത്തു​ന്നു.

ര​ണ്ടു തു​റ​മു​ഖ​ങ്ങ​ള്‍ പ്ര​വ​ര്‍ത്തി​ക്കു​ന്ന വി​നോ​ദ​സ​ഞ്ചാ​ര മേ​ഖ​ല​കൂ​ടി​യാ​യ മു​ന​മ്പ​ത്തെ സ​ര്‍ക്കാ​ര്‍ ആ​ശു​പ​ത്രി​യും അ​വ​ഗ​ണ​ന​യി​ലാ​ണ്. ഒ​രു​കാ​ല​ത്ത് പ്ര​സ​വ​വും പോ​സ്റ്റു​മോ​ര്‍ട്ട​വും ഉ​ള്‍പ്പെ​ടെ ന​ട​ന്നി​രു​ന്ന ആ​ശു​പ​ത്രി​യി​ൽ ഇ​പ്പോ​ൾ അ​ടി​സ്ഥാ​ന സൗ​ക​ര്യ​ങ്ങ​ൾ പോ​ലു​മി​ല്ല. 200ഓ​ളം പേ​ര്‍ ദി​നേ​ന ഇ​വി​ടെ ചി​കി​ത്സ​ക്കാ​യി എ​ത്തു​ന്നു​ണ്ടെ​ങ്കി​ലും തു​ട​ര്‍പ​രി​ശോ​ധ​ന​ക​ളു​ടെ​യും കി​ട​ത്തി ചി​കി​ത്സ​യു​ടെ​യും അ​ഭാ​വം മൂ​ലം മ​റ്റ്​ ആ​ശു​പ​ത്രി​ക​ളെ ആ​ശ്ര​യി​ക്കേ​ണ്ട സാ​ഹ​ച​ര്യ​മാ​ണ്. നാ​ലും അ​ഞ്ചും ഡോ​ക്ട​ര്‍മാ​രു​ടെ സേ​വ​നം മു​മ്പ്​ ല​ഭ്യ​മാ​യി​രു​ന്നു. ഇ​പ്പോ​ള്‍ മൂ​ന്നു ഡോ​ക്ട​ര്‍മാ​രു​ണ്ടെ​ങ്കി​ലും അ​വ​രു​ടെ പേ​രു​ക​ള്‍ ബോ​ര്‍ഡി​ല്‍ മാ​ത്ര​മാ​ണ്. മെ​ച്ച​പ്പെ​ട്ട ചി​കി​ത്സ സൗ​ക​ര്യ​ങ്ങ​ളി​ല്ല. ലാ​ബ് പ​രി​ശോ​ധ​ന​ക​ള്‍ പ​ല​തും പു​റ​ത്ത്​ ന​ട​ത്ത​ണം. ജീ​വി​ത​ശൈ​ലീ​രോ​ഗ​ങ്ങ​ള്‍ക്കു​ള്ള മ​രു​ന്നു​ക​ളും പു​റ​ത്തേ​ക്ക് കു​റി​ച്ചു​ന​ല്‍കു​ക​യാ​ണ്.

നാ​ലേ​ക്ക​റി​ല​ധി​കം ഭൂ​മി​യി​ലാ​ണ് ആ​ശു​പ​ത്രി കെ​ട്ടി​ടം. നേ​ര​ത്തെ കി​ട​ത്തി ചി​കി​ത്സ​യു​ണ്ടാ​യി​രു​ന്ന മു​റി​ക​ൾ പി​ന്നീ​ട്​ ഫാ​ര്‍മ​സി​യാ​ക്കി. ആ​ശു​പ​ത്രി​ക്ക് ചു​റ്റും കാ​ടു​പി​ടി​ച്ച നി​ല​യാ​ണ്. ആ​ശു​പ​ത്രി കെ​ട്ടി​ട​ത്തി​നു​പി​ന്നി​ലെ സ്ഥ​ല​ത്ത്​ വ​യോ​ജ​ന​ങ്ങ​ള്‍ക്ക്​ ഉ​ള്‍പ്പെ​ടെ ന​ട​ക്കാ​ൻ സൗ​ക​ര്യം ഏ​ര്‍പ്പെ​ടു​ത്ത​ണ​മെ​ന്നാ​ണ് ആ​വ​ശ്യം. ആ​ശു​പ​ത്രി വ​ള​പ്പി​ല്‍ തെ​രു​വ് നാ​യ്ക്ക​ള്‍ കൂ​ട്ട​മാ​യി ത​മ്പ​ടി​ക്കു​ന്ന​ത് പ​തി​വാ​ണ്. മു​ന​മ്പം ആ​ശു​പ​ത്രി​യെ കു​ടും​ബാ​രോ​ഗ്യ കേ​ന്ദ്ര​മാ​ക്കാ​ൻ ന​ട​പ​ടി പു​രോ​ഗ​മി​ക്കു​ന്ന​താ​യി ജ​ന​പ്ര​തി​നി​ധി​ക​ള്‍ അ​വ​കാ​ശ​പ്പെ​ടു​മ്പോ​ഴും ആ​ശു​പ​ത്രി​യു​ടെ ശോ​ച​നീ​യാ​വ​സ്ഥ നാ​ള്‍ക്കു​നാ​ള്‍ വ​ര്‍ധി​ക്കു​ക​യാ​ണെ​ന്ന് നാ​ട്ടു​കാ​ര്‍ പ​റ​യു​ന്നു.