കേരള ഹൈകോടതി ആദ്യ സമ്പൂർണ കടലാസ്​ രഹിത കോടതി

കൊ​ച്ചി: രാ​ജ്യ​ത്തെ ആ​ദ്യ​ സ​മ്പൂ​ർ​ണ ക​ട​ലാ​സ് ര​ഹി​ത കോ​ട​തി​യെ​ന്ന ഖ്യാ​തി കേ​ര​ള ഹൈ​കോ​ട​തി​ക്ക്. ഇതിനായി ചീ​ഫ് ജ​സ്റ്റി​സി​ന്‍റേ​ത്​ അ​ട​ക്കം ആ​റ് കോ​ട​തി​ക​ളി​ൽ സ്മാ​ർ​ട്ട്​ കോ​ട​തി​മു​റി​യൊ​രു​ക്കി​. ഔ​പ​ചാ​രി​ക ഉ​ദ്​​ഘാ​ട​നം ശ​നി​യാ​ഴ്​​ച സു​പ്രീം​കോ​ട​തി ജ​ഡ്​​ജി ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ് നി​ർ​വ​ഹി​ക്കും.

കോ​ട​തി​യി​ലേ​ക്കെ​ത്തു​ന്ന അ​ഭി​ഭാ​ഷ​ക​ർ​ക്ക്​ ഇ​നി വ​ലി​യ ഫ​യ​ൽ​​ക്കെ​ട്ടു​ക​ൾ കൈ​യി​ൽ ക​രു​തേ​ണ്ടി​വ​രി​ല്ല. ഹ​ര​ജി​യ​ട​ക്കം ഫ​യ​ൽ ചെ​യ്ത രേ​ഖ​​ക​ളെ​ല്ലാം കോ​ട​തി​മു​റി​യി​ൽ അ​ഭി​ഭാ​ഷ​ക​െൻറ മു​ന്നി​ലെ ക​മ്പ്യൂ​ട്ട​റിൽ തെ​ളി​യും. ജ​ഡ്ജി​യു​ടെ മു​ന്നി​ലും ഇ​ത്​ ല​ഭി​ക്കും. ട​ച് സ്ക്രീ​നി​ൽ നി​ന്ന്​​ഏ​ത് രേ​ഖ​യും പ​രി​ശോ​ധി​ച്ച് വാ​ദിക്കാം. ഓ​ൺ​ലൈ​ൻ വ​ഴി ഹാ​ജ​രാ​കു​ന്ന അ​ഭി​ഭാ​ഷ​ക​ർ​ക്ക്​ അതി​നു​ം സൗ​ക​ര്യ​ം ഒ​രു​ക്കി​യി​ട്ടു​ണ്ട്. കോ​ട​തി​യി​ൽ നേ​രി​ട്ടെ​ത്തി​യും വി​ഡി​യോ കോ​ൺ​ഫ​റ​ൻ​സ്​ വ​ഴി​യും വാ​ദം പ​റ​യാ​ൻ ക​ഴി​യു​ന്ന വെ​ർ​ച്വ​ൽ ഹി​യ​റി​ങ് വി​ത്ത് ഹൈ​ബ്രി​ഡ് ഫെ​സി​ലി​റ്റി​യാ​ണ്​ ഒ​രു​ക്കി​യ​ത്. മൈ​ക്കും സ്പീ​ക്ക​റും ഓ​ൺ ലൈ​നു​മാ​യും ബ​ന്ധി​പ്പി​ക്കും. കേ​സ് ഫ​യ​ലു​ക​ളി​ൽ മാ​ർ​ക്ക്​ ചെ​യ്യാം. കേ​സു​ക​ൾ ഫ​യ​ൽ ചെ​യ്യു​ന്ന​തും പ​രി​ശോ​ധ​ന​ പൂ​ർ​ത്തി​യാ​ക്കു​ന്ന​തും ജ​ഡ്ജി​മാ​ർ ഉ​ത്ത​ര​വിടുന്ന​തും ഇ-​മോ​ഡ് വ​ഴി​യാ​കും. ഉ​ത്ത​ര​വു​ക​ൾ ജീ​വ​ന​ക്കാ​ർ എ​ഴു​തി​യെ​ടു​ക്കു​ന്നതിന്​ പ​ക​രം ക​മ്പ്യൂ​ട്ട​റി​ൽ സ്വ​യം രേ​ഖ​പ്പെ​ടു​ത്തു​ന്ന ക്ര​മീ​ക​ര​ണ​മാ​ണ്​ വ​രു​ത്തി​യത്.

പ​രി​ഗ​ണി​ക്കു​ന്ന കേ​സ്​ ഏ​തെ​ന്ന്​​ കോ​ട​തി​ക്ക​ക​ത്ത്​ പു​റ​ത്തും ഡി​സ്​​പ്ലേ വഴി അ​റി​യാ​ം. കേ​സു​മാ​യി ബ​ന്ധ​പ്പെ​ട്ട എ​ല്ലാ വി​വ​ര​ങ്ങ​ളും ല​ഭ്യ​മാ​ക്കു​ന്ന കി​യോ​സ്ക് എ​ല്ലാ സ്മാ​ർ​ട്ട്​ കോ​ട​തി​ക​ളി​ലും ഉ​ണ്ടാ​കും. എ​ല്ലാ​യി​ട​ത്തും വൈ-​ഫൈ സൗ​ക​ര്യ​മുണ്ട്. സ​ഹാ​യ​ത്തി​ന്​ ഇ-​സേ​വ കേ​ന്ദ്ര​വു​മു​ണ്ട്. ഹൈ​കോ​ട​തി​യി​ൽ ജാ​മ്യ​ഹ​ര​ജി​ സ​മ​ർ​പ്പി​ക്കു​ന്ന​ത്​​ 2020 ജൂ​ൺ 15 മു​ത​ൽ ഇ-​ഫ​യ​ലി​ങ് വ​ഴി​യാ​ക്കി​യി​രു​ന്നു. ക​ഴി​ഞ്ഞ മേ​യ് 17 മു​ത​ൽ എ​ല്ലാ ഹ​ര​ജി​ക​ളും ഇ-​ഫ​യ​ൽ വ​ഴി ആക്കി. ഡി​ജി​റ്റ​ൽ ഒ​പ്പോ​ടെ​ ജാ​മ്യ ഉ​ത്ത​ര​വു​ക​ൾ ഒ​ക്​​ടോ​ബ​ർ 27 മു​ത​ൽ പു​റ​പ്പെ​ടു​വി​ച്ച്​ തു​ട​ങ്ങി.

ഇ-​ഫ​യ​ലി​ങ് ആ​പ്ലി​ക്കേ​ഷ​ൻ ഹൈ​കോ​ട​തി​യി​ലെ ഇ​ൻ​ഹൗ​സ് ഐ.​ടി സം​ഘ​മാ​ണ് വി​ക​സി​പ്പി​ച്ച​ത്. ഹൈ​കോ​ട​തി​യു​ടെ ഔ​ദ്യോ​ഗി​ക വെ​ബ്സൈ​റ്റി​ലാ​ണ് ഓ​ൺ​ലൈ​നാ​യി കേ​സ് ഫ​യ​ൽ ചെ​യ്യാ​ൻ സൗ​ക​ര്യ​ം ഒ​രു​ക്കി​യി​രി​ക്കു​ന്ന​ത്. തീ​ർ​പ്പാ​യ കേ​സു​ക​ളു​ടെ​ രേ​ഖ​ക​ൾ ഡി​ജി​റ്റ​ലൈ​സ് ചെ​യ്യു​ന്ന​ പ്ര​വൃ​ത്തി​ക​ൾ ന​ട​ക്കുന്നു. 20 ല​ക്ഷ​ത്തോ​ളം പേ​പ്പ​റു​ക​ൾ ആ​വ​ശ്യ​മാ​യി വ​രു​ന്ന 40,000 കേ​സു​ക​ളു​ടെ രേ​ഖ​ക​ൾ ഡി​ജി​റ്റ​ലൈ​സ് ചെ​യ്തു. കീ​ഴ്​​കോ​ട​തി​ക​ളി​ൽ കേസ്​ ഫ​യ​ൽ ​ചെ​യ്യേ​ണ്ട​ത്​ ഇ-​ഫ​യ​ലി​ങ് മു​ഖേ​ന​യാ​ണ്. തി​രു​വ​ന​ന്ത​പു​രം അ​ഡീ​ഷ​ന​ൽ സി.​ജെ.​എം, എ​റ​ണാ​കു​ളം കോ​ല​ഞ്ചേ​രി മു​ൻ​സി​ഫ് മ​ജി​സ്ട്രേ​റ്റ് കോ​ട​തി​ക​ളാ​ണ്​ സം​സ്ഥാ​ന​ത്ത്​ നി​ല​വി​ലെ ര​ണ്ട്​ ക​ട​ലാ​സ്​ ര​ഹി​ത കോ​ട​തി​ക​ൾ.