കൊച്ചിക്കാരുടെ ഓരു വെള്ള ദുരിതത്തിന് പരിഹാരം കാണാൻ കൊച്ചി നഗരസഭ

കൊ​ച്ചി: വേ​ലി​യേ​റ്റ സ​മ​യ​ങ്ങ​ളി​ല്‍ വീ​ടു​ക​ളി​ല്‍ ഓ​രു​വെ​ള്ളം ക​യ​റു​ന്ന പ്ര​ശ്‌​ന​ത്തി​ന് ശാ​ശ്വ​ത പ​രി​ഹാ​രം ആ​വ​ശ്യ​പ്പെ​ട്ട്​ കേ​ന്ദ്ര​ത്തെ സ​മീ​പി​ക്കാ​ൻ ഒ​രു​ങ്ങി കൊ​ച്ചി കോ​ര്‍പ​റേ​ഷ​ന്‍. തു​റ​മു​ഖ, തീ​ര​ദേ​ശ വി​ക​സ​ന​ത്തി​നാ​യി ന​ട​പ്പാ​ക്കു​ന്ന സാ​ഗ​ര്‍മാ​ല പ​ദ്ധ​തി​യി​ല്‍ വി​ഷ​യം ഉ​ള്‍പ്പെ​ടു​ത്തി പ​ദ്ധ​തി ആ​വി​ഷ്‌​ക​രി​ക്ക​ണ​മെ​ന്നാ​ണ് ആ​വ​ശ്യം. ഇ​തു സം​ബ​ന്ധി​ച്ച് കേ​ന്ദ്ര സ​ഹ​മ​ന്ത്രി ജോ​ര്‍ജ് കു​ര്യ​ന്‍വ​ഴി കേ​ന്ദ്ര സ​ര്‍ക്കാ​രി​ന് ക​ത്ത് ന​ല്‍കു​മെ​ന്ന് മേ​യ​ര്‍ അ​ഡ്വ.​എം. അ​നി​ല്‍കു​മാ​ര്‍ കൗ​ണ്‍സി​ല്‍ യോ​ഗ​ത്തെ അ​റി​യി​ച്ചു. ഇ​തി​നാ​യി ബി.​ജെ.​പി കൗ​ണ്‍സി​ല​ര്‍മാ​രു​ടെ സ​ഹാ​യ​വും ആ​വ​ശ്യ​പ്പെ​ട്ടു. മ​ന്ത്രി പി.​രാ​ജീ​വ് വ​ഴി സം​സ്ഥാ​ന സ​ര്‍ക്കാ​രി​ലും വി​ഷ​യം ഉ​ന്ന​യി​ക്കും.

കൊ​ച്ചി നി​വാ​സി​ക​ള്‍ നേ​രി​ടു​ന്ന ഗു​രു​ത​ര പ്ര​ശ്‌​ന​ത്തി​ന് പ​രി​ഹാ​രം കാ​ണാ​ന്‍ രാ​ഷ്ട്രീ​യ വ്യ​ത്യാ​സ​മി​ല്ലാ​തെ എ​ല്ലാ​വ​രും ഒ​റ്റ​ക്കെ​ട്ടാ​യി നി​ല്‍ക്ക​ണ​മെ​ന്ന്​ മേ​യ​ര്‍ അ​ഭ്യ​ര്‍ത്ഥി​ച്ചു. കോ​ര്‍പ​റേ​ഷ​ന്റെ ഒ​ട്ടേ​റെ ഡി​വി​ഷ​നു​ക​ളെ ബാ​ധി​ക്കു​ന്ന വി​ഷ​യം പ്ര​തി​പ​ക്ഷ നേ​താ​വ് ആ​ന്റ​ണി കു​രീ​ത്ത​റ​യും പ്ര​തി​പ​ക്ഷ കൗ​ണ്‍സി​ല​ര്‍ അ​ഭി​ലാ​ഷ് തോ​പ്പി​ലും ചേ​ര്‍ന്നാ​ണ് പ്ര​മേ​യ​മാ​യി അ​വ​ത​രി​പ്പി​ച്ച​ത്.

പ​ശ്ചി​മ​കൊ​ച്ചി മേ​ഖ​ല​യി​ല്‍ കാ​യ​ലോ​ര ഡി​വി​ഷ​നു​ക​ളി​ലും തേ​വ​ര-​പേ​ര​ണ്ടൂ​ര്‍ ക​നാ​ലി​നോ​ട് ചേ​ർ​ന്ന ഡി​വി​ഷ​നു​ക​ളി​ലു​മാ​ണ് ഓ​രു​വെ​ള്ള ക​യ​റ്റം രൂ​ക്ഷ​മെ​ന്ന് പ്ര​മേ​യ​ത്തി​ല്‍ പ​റ​യു​ന്നു. കാ​യ​ല്‍ തീ​ര​ങ്ങ​ളി​ല്‍ സം​ര​ക്ഷ​ണ ഭി​ത്തി ഇ​ല്ലാ​ത്ത​തും വെ​ള്ള​ക്ക​യ​റ്റം ത​ട​യു​ന്ന​തി​ന് സ്ലു​യി​സു​ക​ള്‍ ഇ​ല്ലാ​ത്ത​തു​മാ​ണ് കാ​ര​ണം. സ്ലു​യി​സു​ക​ളു​ടെ നി​ര്‍മാ​ണ​ത്തി​ന് ഫ​ണ്ട് അ​നു​വ​ദി​ച്ചെ​ങ്കി​ലും ഭ​ര​ണാ​നു​മ​തി ല​ഭി​ച്ച സം​ര​ക്ഷ​ണ ഭി​ത്തി നി​ര്‍മാ​ണ​ത്തി​ന് പ​ണം ക​ണ്ടെ​ത്തേ​ണ്ട​താ​യു​ണ്ട്.

ഡി​വി​ഷ​ന്‍ ഫ​ണ്ടു​ക​ള്‍ക്ക് പു​റ​മേ എം​പി, എം.​എ​ൽ.​എ ഫ​ണ്ടു​ക​ള്‍ ഉ​പ​യോ​ഗ​പ്പെ​ടു​ത്തു​ന്ന​തി​ന്റെ സാ​ധ്യ​ത​ക​ള്‍ ഭ​ര​ണ​പ​ക്ഷ കൗ​ണ്‍സി​ല​ര്‍മാ​ര്‍ മു​ന്നോ​ട്ടു​വ​ച്ചെ​ങ്കി​ലും കേ​ന്ദ്ര പ​ദ്ധ​തി​യി​ലൂ​ടെ മാ​ത്ര​മേ ശാ​ശ്വ​ത പ​രി​ഹാ​രം സാ​ധ്യ​മാ​കൂ എ​ന്ന്​ മേ​യ​ര്‍ ചൂ​ണ്ടി​ക്കാ​ട്ടി.