കൊച്ചി-ധനുഷ്കോടി ദേശീയപാത നവീകരണത്തിന് തുടക്കം

മൂ​വാ​റ്റു​പു​ഴ: കൊ​ച്ചി - ധ​നു​ഷ്‌​കോ​ടി ദേ​ശീ​യ​പാ​ത​യു​ടെ ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ​ക്ക് തു​ട​ക്ക​മാ​യി. മൂ​ന്ന​ര പ​തി​റ്റാ​ണ്ട് മു​മ്പ് ദേ​ശീ​യ​പാ​ത​യാ​യി പ്ര​ഖ്യാ​പി​ച്ച റോ​ഡി​ന്റ ആ​ദ്യ ന​വീ​ക​ര​ണ​മാ​ണ് ന​ട​ക്കു​ന്ന​ത്. നേ​ര്യ​മം​ഗ​ലം പാ​ല​ത്തി​ന് സ​മാ​ന്ത​ര​മാ​യി പു​തി​യ പാ​ലം നി​ർ​മി​ക്കു​ന്ന​ത​ട​ക്കം നി​ർ​മാ​ണ പ്ര​വ​ർ​ത്ത​ന​ത്തി​ലു​ണ്ട്. കൊ​ച്ചി- ധ​നു​ഷ്‌​കോ​ടി ദേ​ശീ​യ പാ​ത​യി​ൽ കു​ണ്ട​ന്നൂ​ർ മു​ത​ൽ മൂ​ന്നാ​ർ വ​രെ​യാ​ണ് ദേ​ശീ​യ പാ​ത വി​ക​സ​നം ന​ട​ക്കു​ന്ന​ത്. ഇ.​കെ.​കെ ഇ​ൻ​ഫ്ര​സ്ട്ര​ക്‌​ച​ർ ക​മ്പ​നി​യാ​ണു നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കു തു​ട​ക്ക​മ​ത്.

ര​ണ്ട് വ​ർ​ഷം കൊ​ണ്ട് ദേ​ശീ​യ​പാ​ത ന​വീ​ക​ര​ണം പൂ​ർ​ത്തി​യാ​ക്ക​ണ​മെ​ന്നാ​ണ് ക​രാ​ർ വ്യ​വ​സ്‌​ഥ. 1073.8 കോ​ടി രൂ​പ​യാ​ണ് ചെ​ല​വ്. കൊ​ച്ചി മു​ത​ൽ മൂ​ന്നാ​ർ വ​രെ 125 കി​ലോ​മീ​റ്റ​ർ ദൈ​ർ​ഘ്യ​ത്തി​ലാ​ണ് പ​ദ്ധ​തി ന​ട​പ്പാ​ക്കു​ന്ന​ത്. ഒ​മ്പ​ത്​ പാ​ല​ങ്ങ​ൾ വീ​തി കൂ​ട്ടാ​നും പ​ദ്ധ​തി​യി​ൽ ഉ​ൾ​പ്പെ​ടു​ത്തി​യി​ട്ടു​ണ്ട്. വെ​ള്ള​ക്കെ​ട്ടു​ക​ൾ ഒ​ഴി​വാ​ക്കാ​ൻ റോ​ഡി​ന്‍റെ ഇ​രു വ​ശ​ങ്ങ​ളി​ലു​മാ​യി 186 കി​ലോ​മീ​റ്റ​ർ ദു​രം പു​തി​യ കാ​ന​ക​ൾ നി​ർ​മി​ക്കു​ക​യും മോ​ശ​മാ​യ​വ ന​വീ​ക​രി​ക്കു​ക​യും ചെ​യ്യും. ഇ​തി​ന്റെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കാ​ണ് തു​ട​ക്ക​മി​ട്ട​ത്.

റോ​ഡി​ന്റെ ഇ​രു​വ​ശ​ങ്ങ​ളി​ലും കു​ഴി​ച്ച് നി​ർ​മാ​ണ പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ച​തോ​ടെ ദേ​ശീ​യ​പാ​ത​യി​ൽ ചെ​റി​യ തോ​തി​ൽ ഗ​താ​ഗ​ത​ക്കു​രു​ക്ക് അ​നു​ഭ​വ​പ്പെ​ടു​ന്നു​ണ്ട്.

പ​ക​ൽ അ​ധി​കം പ്ര​വ​ർ​ത്ത​ന​ങ്ങ​ൾ ന​ട​ക്കാ​ത്ത​തി​നാ​ൽ ത​ൽ​ക്കാ​ലം ഗ​താ​ഗ​ത​ത്തെ വ​ലി​യ തോ​തി​ൽ ബാ​ധി​ച്ചു തു​ട​ങ്ങി​യി​ട്ടി​ല്ല. നി​ർ​മാ​ണ പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ന്തോ​റും ഗ​താ​ഗ​ത നി​യ​ന്ത്ര​ണം വേ​ണ്ടി വ​ന്നേ​ക്കു​മെ​ന്ന് ഉ​ദ്യോ​ഗ​സ്‌​ഥ​ർ പ​റ​ഞ്ഞു.