ദേ​ശ​സാ​ത്​​കൃ​ത റൂ​ട്ടു​ക​ളി​ൽ ദുരിതയാത്ര

കൊ​ച്ചി: ഗ​താ​ഗ​ത​ക്കു​രു​ക്കും ബ​സു​ക​ളു​ടെ കു​റ​വും. യാ​ത്രാ​ക്ലേ​ശ​ത്തി​ൽ വ​ല​യു​ക​യാ​ണ്​ ജി​ല്ല​യി​ലെ കെ.​എ​സ്.​ആ​ർ.​ടി.​സി യാ​ത്ര​ക്കാ​ർ. ന​ഗ​ര​ത്തി​ലെ അ​ഴി​യാ​ത്ത ഗ​താ​ഗ​ത​ക്കു​രു​ക്കും വി​വി​ധ ഡി​പ്പോ​ക​ളി​ലെ ബ​സ് ദൗ​ർ​ല​ഭ്യ​വു​മാ​ണ് യാ​ത്ര​ക്കാ​രെ വ​ല​ക്കു​ന്ന​ത്. ഇ​ത് മൂ​ലം ദേ​ശ​സാ​ത്കൃ​ത റൂ​ട്ടു​ക​ളി​ല​ട​ക്കം യാ​ത്ര​ക്കാ​ർ ദു​രി​തം സ​ഹി​ക്കു​ക​യാ​ണ്. കെ.​എ​സ്.​ആ​ർ.​ടി.​സി ബ​സു​ക​ൾ മാ​ത്രം സ​ർ​വി​സ് ന​ട​ത്തു​ന്ന ഏ​റെ തി​ര​ക്കു​ള്ള എ​റ​ണാ​കു​ളം-​മൂ​വാ​റ്റു​പു​ഴ അ​ട​ക്കം റൂ​ട്ടു​ക​ളി​ലെ യാ​ത്ര​ക്കാ​രാ​ണ് ഏ​റെ ദു​രി​തം പേ​റു​ന്ന​ത്.

ഓ​ണ​ത്തി​ന് ശേ​ഷം ന​ഗ​ര​ത്തി​ൽ രൂ​പ​പ്പെ​ട്ട സ്ഥി​ര​മാ​യ ഗ​താ​ഗ​ത​ക്കു​രു​ക്കി​നൊ​പ്പം ബ​സു​ക​ളി​ല്ലാ​ത്ത​തും ഇ​വ​ർ​ക്ക് തി​രി​ച്ച​ടി​യാ​വു​ക​യാ​ണ്. തി​ര​ക്കേ​റി​യ രാ​വി​ലെ​യും വൈ​കു​ന്നേ​ര​വു​മാ​ണ് കൂ​ടു​ത​ൽ ബു​ദ്ധി​മു​ട്ട്. മ​ണി​ക്കൂ​റു​ക​ൾ കാ​ത്ത് നി​ന്ന് ബ​സ് കി​ട്ടി​യാ​ൽ ത​ന്നെ അ​ഴി​യാ​കു​രു​ക്കി​ൽ അ​ക​​പ്പെ​ടും. എ​റ​ണാ​കു​ളം- മൂ​വാ​റ്റു​പു​ഴ റൂ​ട്ടി​ൽ ഒ​രു മ​ണി​ക്കൂ​ർ 40 മി​നി​റ്റാ​ണ് ബ​സു​ക​ളു​ടെ റ​ണ്ണി​ങ്​ സ​മ​യം. എ​ന്നാ​ൽ, തി​ക്കേ​റി​യ ഈ ​സ​മ​യ​ത്ത് ര​ണ്ട​ര മു​ത​ൽ മൂ​ന്ന് മ​ണി​ക്കൂ​റെ​ടു​ത്താ​ണ് ബ​സു​ക​ൾ ല​ക്ഷ്യ​ത്തി​ലെ​ത്തു​ന്ന​ത്. ന​ഗ​ര​ത്തി​ലേ​യും സ​മീ​പ​പ്ര​ദേ​ശ​ങ്ങ​ളി​ലെ​യും വി​വി​ധ സ​ർ​ക്കാ​ർ-​സ്വ​കാ​ര്യ സ്ഥാ​പ​ന​ങ്ങ​ളി​ലെ ജീ​വ​ന​ക്കാ​രും വി​ദ്യാ​ർ​ഥി​ക​ളു​മാ​ണ് ഈ ​സ​മ‍യ​ങ്ങ​ളി​ലെ യാ​ത്ര​ക്കാ​രി​ൽ ഭൂ​രി​ഭാ​ഗ​വും.

പ​രാ​തി​ക്ക്​ പ​ഴ​ക്ക​മേ​റെ; പ​രി​ഹാ​രം അ​ക​ലെ

ദേ​ശ​സാ​ത്കൃ​ത റൂ​ട്ടു​ക​ളി​ലെ യാ​ത്രാ​ക്ലേ​ശം സം​ബ​ന്ധി​ച്ച പ​രാ​തി​ക​ൾ​ക്ക് ഏ​റെ പ​ഴ​ക്ക​മു​ണ്ട്. എ​ന്നാ​ൽ, പ​രി​ഹാ​രം മാ​ത്രം അ​ന്യ​മാ​ണ്. ജി​ല്ല​യി​ലെ പ്ര​ധാ​ന ദേ​ശ​സാ​ത്കൃ​ത റൂ​ട്ടാ​യ എ​റ​ണാ​കു​ളം- മൂ​വാ​റ്റു​പു​ഴ റൂ​ട്ടി​ലാ​ണ് പ്ര​ധാ​ന പ​രാ​തി. തി​ര​ക്കേ​റി​യ സ​മ​യ​ത്തെ ബ​സ് ദൗ​ർ​ല​ഭ്യ​വും ബ​സു​ക​ളു​ടെ സ​മ​യ​ക്ലി​പ്ത​ത​യി​ല്ലാ​യ്മ​യു​മാ​ണ് ഇ​തി​ൽ പ്ര​ധാ​ന വി​ല്ല​ൻ. എ​റ​ണാ​കു​ളം, മൂ​വാ​റ്റു​പു​ഴ, തൊ​ടു​പു​ഴ ഡി​പ്പോ​ക​ളി​ൽ​നി​ന്നു​ള്ള ഫാ​സ്റ്റ് പാ​സ​ഞ്ച​ർ ബ​സു​ക​ളാ​ണ് ഈ ​റൂ​ട്ടി​ലെ പ്ര​ധാ​ന സ​ർ​വി​സ്. ഇ​തി​ന് പു​റ​മേ വൈ​റ്റി​ല- മൂ​വാ​റ്റു​പു​ഴ റൂ​ട്ടി​ൽ ഓ​ർ​ഡി​ന​റി സ​ർ​വി​സു​ക​ളു​മു​ണ്ട്.

എ​റ​ണാ​കു​ളം ന​ഗ​ര​ത്തി​ലേ​ക്കു​ള്ള ദീ​ർ​ഘ ദൂ​ര​യാ​ത്ര​ക്കാ​ർ ഭൂ​രി​ഭാ​ഗ​വും ഫാ​സ്റ്റ് പാ​സ​ഞ്ച​ർ ബ​സു​ക​ളാ​ണ്​ ആ​ശ്ര​യി​ക്കു​ന്ന​ത്. എ​ന്നാ​ൽ, കാ​ല​പ്പ​ഴ​ക്കം മൂ​ലം ബ​സു​ക​ൾ അ​ടി​ക്ക​ടി ത​ക​രാ​റി​ലാ​വു​ന്ന​തും മ​റ്റ് റൂ​ട്ടു​ക​ളി​ലേ​ക്കും ഡി​പ്പോ​ക​ളി​ലേ​ക്കും വ​ഴി​മാ​റ്റു​ന്ന​തും തി​രി​ച്ച​ടി​യാ​കു​ക​യാ​ണ്. ഏ​റെ തി​ര​ക്കേ​റി​യ​തും ലാ​ഭ​ക​ര​വു​മാ​യ റൂ​ട്ടി​ലെ യാ​ത്ര​ക്കാ​രോ​ടാ​ണ് ഈ ​ചി​റ്റ​മ്മ ന​യം.

ഓ​ർ​ഡി​ന​റി ബ​സു​ക​ൾ കൂ​ടു​ത​ലി​റ​ക്കും -​ജി​ല്ല ട്രാ​ൻ​സ്പോ​ർ​ട്ട് ഓ​ഫി​സ​ർ

കെ.​എ​സ്.​ആ​ർ.​ടി.​സി ബ​സു​ക​ൾ സ്പെ​ഷ്യ​ൽ ഡ്യൂ​ട്ടി​ക്കാ​യി പോ​കു​മ്പോ​ഴു​ള്ള യാ​ത്രാ​ക്ലേ​ശം പ​രി​ഹ​രി​ക്കാ​നാ​യി കൂ​ടു​ത​ൽ ഓ​ർ​ഡി​ന​റി ബ​സു​ക​ൾ രം​ഗ​ത്തി​റ​ക്കു​മെ​ന്ന് ജി​ല്ല ട്രാ​ൻ​സ്പോ​ർ​ട്ട് ഓ​ഫി​സ​ർ റോ​യി ജേ​ക്ക​ബ്. യാ​ത്ര​ക്കാ​ർ കൂ​ടു​ത​ലു​ള​ള റൂ​ട്ടു​ക​ളി​ൽ ഇ​തി​ന് മു​ൻ​ഗ​ണ​ന ന​ൽ​കു​മെ​ന്ന് അ​ദേ​ഹം മാ​ധ്യ​മ ത്തോ​ട് പ​റ​ഞ്ഞു. പ​ര​മാ​വ​ധി യാ​ത്രാ​ക്ലേ​ശം ഒ​ഴി​വാ​ക്കാ​നു​ള്ള നീ​ക്ക​ങ്ങ​ളാ​ണ് ന​ട​ത്തു​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ശ​ബ​രി​മ​ല; ജി​ല്ല​യി​ൽ​നി​ന്ന് പോ​യ​ത് 42 ബ​സു​ക​ൾ

ശ​ബ​രി​മ​ല സീ​സ​ൺ ആ​രം​ഭി​ച്ച​തോ​ടെ ജി​ല്ല​യി​ൽ​നി​ന്ന് സ്പെ​ഷ്യ​ൽ സ​ർ​വി​സാ​യി പോ​കു​ന്ന​ത് 42 ബ​സു​ക​ളാ​ണ്. ഇ​തെ​ല്ലാം ത​ന്നെ കെ.​എ​സ്.​ആ​ർ.​ടി.​സി​യു​ടെ ഫാ​സ്റ്റ്- സൂ​പ്പ​ർ​ഫാ​സ്റ്റ് ബ​സു​ക​ളാ​ണ്. ഇ​ക്കൂ​ട്ട​ത്തി​ൽ 19 എ.​സി ബ​സു​ക​ളും ഉ​ൾ​പ്പെ​ടു​ന്നു​ണ്ട്. സീ​സ​ൺ ക​ഴി​ഞ്ഞാ​ലേ ഇ​വ തി​രി​ച്ചെ​ത്തൂ. ഇ​ത്ര​യും ബ​സു​ക​ൾ കൂ​ട്ട​ത്തോ​ടെ മാ​റു​ന്ന​ത് ഈ ​റൂ​ട്ടു​ക​ളി​ലെ യാ​ത്രാ​ക്ലേ​ശം ഇ​ര​ട്ടി​യാ​ക്കും. കാ​ര്യ​മാ​യ ബ​ദ​ൽ സം​വി​ധാ​ന​ങ്ങ​ളൊ​ന്നും ഇ​തു​വ​രെ ഇ​ക്കാ​ര്യ​ത്തി​ൽ അ​ധി​കൃ​ത​ർ ഏ​ർ​പ്പെ​ടു​ത്തി​യി​ട്ടു​മി​ല്ല.