ഭൂമി തരംമാറ്റം: കലക്ടർ പറയുന്നു, മാനുഷിക പരിഗണന നൽകണം

കൊ​ച്ചി: ഭൂ​മി ത​രം മാ​റ്റു​ന്ന​തു​മാ​യി ബ​ന്ധ​പ്പെ​ട്ട് ല​ഭി​ക്കു​ന്ന അ​പേ​ക്ഷ​ക​ളി​ൽ ന​ട​പ​ടി​ക്ര​മ​ങ്ങ​ൾ പാ​ലി​ച്ച്​ വേ​ഗ​ത്തി​ൽ പ​രി​ഹ​രി​ക്ക​ണ​മെ​ന്ന് ക​ല​ക്ട​ർ ജാ​ഫ​ർ മാ​ലി​ക് നി​ർ​ദേ​ശി​ച്ചു. അ​പേ​ക്ഷ​ക​ളി​ൽ സ​മ​യ​ബ​ന്ധി​ത​മാ​യി പ​രി​ഹാ​രം കാ​ണ​ണം. നി​ല​വി​ലെ നി​യ​മ​പ്ര​കാ​രം ന​ട​പ​ടി ക്ര​മ​ങ്ങ​ളി​ൽ മാ​റ്റം വ​രു​ത്താ​നാ​കി​ല്ല. എ​ങ്കി​ലും അ​പേ​ക്ഷ​ക​ളി​ൽ പ്രാ​യോ​ഗി​ക​മാ​യി ഉ​ണ്ടാ​കു​ന്ന താ​മ​സം ഒ​ഴി​വാ​ക്ക​ണം.

ഭൂ​മി ത​രം മാ​റ്റു​ന്ന​തി​ന്​ ല​ഭി​ക്കു​ന്ന അ​പേ​ക്ഷ​ക​ൾ വേ​ഗ​ത്തി​ൽ പ​രി​ഹ​രി​ക്കു​ന്ന​തു സം​ബ​ന്ധി​ച്ച് എ.​ഡി.​എം, ഫോ​ർ​ട്ട്കൊ​ച്ചി സ​ബ് ക​ല​ക്ട​ർ, മൂ​വാ​റ്റു​പു​ഴ ആ​ർ.​ഡി.​ഒ, ഡെ​പ്യൂ​ട്ടി ക​ല​ക്ട​ർ​മാ​ർ, ത​ഹ​സി​ൽ​ദാ​ർ​മാ​ർ, ഡെ​പ്യൂ​ട്ടി ത​ഹ​സി​ൽ​ദാ​ർ​മാ​ർ, വി​ല്ലേ​ജ് ഓ​ഫി​സ​ർ​മാ​ർ, മ​റ്റ് റ​വ​ന്യൂ ഉ​ദ്യോ​ഗ​സ്ഥ​ർ തു​ട​ങ്ങി​യ​വ​രെ പ​ങ്കെ​ടു​പ്പി​ച്ച് ന​ട​ത്തി​യ പ്ര​ത്യേ​ക യോ​ഗ​ത്തി​ലാ​ണ് ക​ല​ക്ട​റു​ടെ നി​ർ​ദേ​ശം. ഓ​ഫി​സു​ക​ളി​ൽ വ​രു​ന്ന ജ​ന​ങ്ങ​ളോ​ട് സൗ​മ്യ​മാ​യി പെ​രു​മാ​റ​ണം. ഒ​രാ​ൾ​ക്കു പോ​ലും ബു​ദ്ധി​മു​ട്ട് ഉ​ണ്ടാ​ക​രു​ത്. അ​പേ​ക്ഷ​ക​ളി​ൽ ല​ളി​ത​മാ​ക്കേ​ണ്ട​ത് സ​ങ്കീ​ർ​ണ​മാ​ക്കാ​തി​രി​ക്കു​ക. മ​നഃ​പൂ​ർ​വം കാ​ല​താ​മ​സം ഉ​ണ്ടാ​ക്കാ​തി​രി​ക്ക​ണം. അ​പേ​ക്ഷ​യു​മാ​യി വ​രു​ന്ന​വ​രു​ടെ ആ​വ​ശ്യം ന്യാ​യ​മാ​ണെ​ന്ന്​ ബോ​ധ്യ​പ്പെ​ട്ടാ​ൽ മാ​നു​ഷി​ക പ​രി​ഗ​ണ​ന​കൂ​ടി ക​ണ​ക്കി​ലെ​ടു​ത്ത് അ​തു വേ​ഗ​ത്തി​ൽ പ​രി​ഹ​രി​ക്ക​ണം.

ചി​ല​ർ വ​രു​ത്തു​ന്ന പി​ഴ​വ് മു​ഴു​വ​ൻ ജീ​വ​ന​ക്കാ​രെ​യു​മാ​ണ്​ ബാ​ധി​ക്കു​ന്ന​തെ​ന്ന് ക​ല​ക്ട​ർ പ​റ​ഞ്ഞു. ന​ട​പ​ടി ക്ര​മ​ങ്ങ​ൾ വേ​ഗ​ത്തി​ലാ​ക്കു​ന്ന​തി​ന് ഫോ​ർ​ട്ട് കൊ​ച്ചി സ​ബ്‌ ക​ല​ക്ട​റി‍െൻറ നേ​തൃ​ത്വ​ത്തി​ൽ ഒ​മ്പ​തം​ഗ സ​ബ് ക​മ്മി​റ്റി രൂ​പ​വ​ത്​​ക​രി​ച്ച് ഒ​രാ​ഴ്ച​ക്കു​ള്ളി​ൽ റി​പ്പോ​ർ​ട്ട് സ​മ​ർ​പ്പി​ക്കാ​നും ക​ല​ക്ട​ർ നി​ർ​ദേ​ശി​ച്ചു. ഭൂ​മി ത​രം​മാ​റ്റ​ത്തി​നാ​യി അ​പേ​ക്ഷ സ​മ​ർ​പ്പി​ച്ച് ഏ​റെ​ക്കാ​ല​മാ​യി​ട്ടും ന​ട​പ​ടി​യൊ​ന്നു​മു​ണ്ടാ​യി​ല്ലെ​ന്ന്​ ചൂ​ണ്ടി​ക്കാ​ട്ടി പ​റ​വൂ​ർ മൂ​ത്ത​കു​ന്ന​ത്ത് മ​ത്സ്യ​ത്തൊ​ഴി​ലാ​ളി​യാ​യ സ​ജീ​വ​ൻ ആ​ത്മ​ഹ​ത്യ ചെ​യ്തി​രു​ന്നു. ഇ​തി​നു പി​ന്നാ​ലെ​യാ​ണ് ഈ ​വി​ഷ​യ​ത്തി​ൽ ക​ല​ക്ട​ർ പ്ര​ത്യേ​ക യോ​ഗം വി​ളി​ച്ച​ത്.

'നി​യ​മം ല​ഘൂ​ക​രി​ക്കാ​ൻ ബാ​ങ്കു​ക​ൾ ശ്ര​മി​ക്ക​ണം'

ഭൂ​മി ത​രം മാ​റ്റി​യ രേ​ഖ​ക​ൾ ആ​വ​ശ്യ​പ്പെ​ട്ട് അ​പേ​ക്ഷ​ക​ർ​ക്ക് വാ​യ്പ ന​ൽ​കു​ന്ന​തി​ൽ വ​രു​ന്ന താ​മ​സം ഒ​ഴി​വാ​ക്കാ​ൻ ബാ​ങ്കു​ക​ൾ പ​ര​മാ​വ​ധി ശ്ര​ദ്ധിക്ക​ണ​മെ​ന്ന് ക​ല​ക്ട​ർ ജാ​ഫ​ർ മാ​ലി​ക് ആ​വ​ശ്യ​പ്പെ​ട്ടു. ക​ല​ക്ട​റു​ടെ അ​ധ്യ​ക്ഷ​ത​യി​ൽ ചേ​ർ​ന്ന ബാ​ങ്കു​ക​ളു​ടെ ജി​ല്ല ത​ല പ്ര​തി​നി​ധി​ക​ളു​ടെ യോ​ഗ​ത്തി​ൽ വായ്​പക​ൾ അ​നു​വ​ദി​ക്കു​ന്ന​തി​നു​ള്ള ന​ട​പ​ടി​ക​ൾ ല​ഘു​ക​രി​ക്കാ​നു​ള്ള സാ​ധ്യ​ത​ക​ൾ ച​ർ​ച്ച ചെ​യ്തു.

അ​ടി​യ​ന്ത​ര സാ​ഹ​ച​ര്യ​ത്തി​ൽ ബാ​ങ്കു​ക​ൾ ഭൂ​മി​യു​ടെ ത​രം സം​ബ​ന്ധി​ച്ച് ഡാ​റ്റ ബാ​ങ്ക് പ​രി​ശോ​ധി​ക്കു​ക​യും വി​ല്ലേ​ജ് ഓ​ഫിസ​ർ ന​ൽ​കു​ന്ന റി​പ്പോ​ർ​ട്ടി​ന്റെ​യും അ​ടി​സ്ഥാ​ന​ത്തി​ൽ വാ​യ്പ​ക​ൾ അ​നു​വ​ദി​ക്കാ​ൻ ശ്ര​മി​ക്ക​ണ​മെ​ന്നും ക​ല​ക്ട​ർ നി​ർ​ദേ​ശി​ച്ചു. ഭൂ​മി നേ​രി​ട്ട് പ​രി​ശോ​ധി​ച്ച ശേ​ഷം ത​രം മാ​റ്റി ന​ൽ​കാ​ൻ യോ​ഗ്യ​മാ​യ ഭൂ​മി ആ​ണെ​ന്ന് ഉ​റ​പ്പാ​ക്കി​യാ​ൽ മാ​ത്ര​മേ വി​ല്ലേ​ജ് ഓ​ഫിസ​ർ സ​ർ​ട്ടി​ഫി​ക്ക​റ്റ് അ​നു​വ​ദി​ക്കാ​ൻ പാ​ടു​ള്ളു. മാ​നു​ഷി​ക പ​രി​ഗ​ണ​ന കൂ​ടി ക​ണ​ക്കി​ലെ​ടു​ത്ത് അ​ർ​ഹ​രാ​യ​വ​ർ​ക്ക് വാ​യ്പ അ​നു​വ​ദി​ക്കാ​ൻ ബാ​ങ്കു​ക​ൾ​ക്ക് ക​ഴി​യ​ണ​മെ​ന്നും ക​ല​ക്ട​ർ പ​റ​ഞ്ഞു.