നഗരത്തിന്‍റെ മുഖച്ഛായ മാറ്റാൻ മാസ്റ്റർ പ്ലാൻ

കൊ​ച്ചി: പൈ​തൃ​ക​ങ്ങ​ൾ സം​ര​ക്ഷി​ച്ച്, നൂ​ത​ന പ​ദ്ധ​തി​ക​ൾ അ​വ​ത​രി​പ്പി​ച്ച് അ​ടു​ത്ത 25 വ​ർ​ഷം മു​ന്നി​ൽ​ക്ക​ണ്ട് ന​ഗ​ര​ത്തി​ന്‍റെ വി​ക​സ​നം വി​ഭാ​വ​നം ചെ​യ്യു​ന്ന മാ​സ്റ്റ​ർ പ്ലാ​നി​ന് അം​ഗീ​കാ​രം. ഐ.​ടി ഇ​ന്‍ഡ​സ്ട്രീ​സ്, ഹോ​ള്‍സെ​യി​ല്‍ മാ​ര്‍ക്ക​റ്റ്, അ​ര്‍ബ​ന്‍ അ​ഗ്രി​ക​ള്‍ച​ര്‍ ഫെ​സി​ലി​റ്റേ​ഷ​ന്‍ സെ​ന്‍റ​ര്‍ എ​ന്നീ മൂ​ന്ന് സ്‌​പെ​ഷ​ല്‍ സോ​ണു​ക​ള്‍ മാ​സ്റ്റ​ര്‍ പ്ലാ​നി​ലു​ണ്ട്. വെ​ള്ള​ക്കെ​ട്ട് പ്ര​ദേ​ശ​ങ്ങ​ളു​ടെ പു​ന​രു​ദ്ധാ​ര​ണം മു​ത​ൽ മ​റൈ​ന്‍ ഡ്രൈ​വ് വി​ക​സ​നം, മ​ട്ടാ​ഞ്ചേ​രി​യി​ല്‍ ഹെ​റി​റ്റേ​ജ് സോ​ണ്‍, ബ​ഫ​ര്‍സോ​ണ്‍ ഇ​ള​വു​ക​ള്‍ എ​ന്നി​വ​യും ഇ​തി​ൽ ഇ​ടം​പി​ടി​ച്ചി​ട്ടു​ണ്ട്. ന​യ​പ​ര​മാ​യ പ​ല നി​ര്‍ദേ​ശ​ങ്ങ​ളും ഉ​ള്‍പ്പെ​ടു​ത്തി​യി​ട്ടു​ള്ള​തി​നാ​ല്‍ കെ​ട്ടി​ട​നി​ര്‍മാ​ണം ഉ​ൾ​പ്പെ​ടെ അ​പ്രാ​യോ​ഗി​ക നി​ബ​ന്ധ​ന​ങ്ങ​ളി​ല്‍ നി​ന്നൊ​ക്കെ​യും ജ​ന​ങ്ങ​ള്‍ക്ക് ആ​ശ്വാ​സം ല​ഭി​ക്കു​മെ​ന്ന് മേ​യ​ര്‍ അ​ഡ്വ. എം. ​അ​നി​ല്‍കു​മാ​ര്‍ വാ​ർ​ത്ത​സ​മ്മേ​ള​ന​ത്തി​ല്‍ പ​റ​ഞ്ഞു.

മാ​സ്റ്റ​ര്‍പ്ലാ​ന്‍ സം​ബ​ന്ധി​ച്ച് ആ​ക്ഷേ​പ​ങ്ങ​ളും അ​ഭി​പ്രാ​യ​ങ്ങ​ളും അ​റി​യി​ക്കാ​ന്‍ ഒ​രാ​ഴ്ച​കൂ​ടി സ​മ​യം നീ​ട്ടി​യി​ട്ടു​ണ്ട്. അ​ടി​സ്ഥാ​ന സ്വ​ഭാ​വ​ത്തി​ല്‍ മാ​റ്റം വ​രു​ത്താ​തെ ആ​വ​ശ്യ​മാ​യ മാ​റ്റം വ​രു​ത്തി ക്രി​സ്​​മ​സി​ന് ശേ​ഷം മാ​സ്റ്റ​ര്‍പ്ലാ​ൻ സ​ര്‍ക്കാ​റി​ന് സ​മ​ര്‍പ്പി​ക്കും. സ​ര്‍ക്കാ​ർ അ​നു​മ​തി ല​ഭി​ച്ചാ​ൽ കൊ​ച്ചി കോ​ര്‍പ​റേ​ഷ​ൻ പ​രി​ധി​യി​യി​ൽ പു​തി​യ മാ​സ്റ്റ​ര്‍ പ്ലാ​നാ​ണ് ബാ​ധ​ക​മാ​കു​ന്ന​ത്. മോ​ഡ്യൂ​ള്‍ മാ​പ്പി​ല്‍ സ​ര്‍വേ ന​മ്പ​റു​ക​ള്‍ രേ​ഖ​പ്പെ​ടു​ത്തി​യി​ട്ടു​ള്ള​തി​നാ​ല്‍ കെ​ട്ടി​ട നി​ര്‍മാ​ണാ​നു​മ​തി​യു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ള്‍ കൂ​ടു​ത​ല്‍ എ​ളു​പ്പ​ത്തി​ൽ ചെ​യ്യാ​ന്‍ ക​ഴി​യും. കോ​ര്‍പ​റേ​ഷ​ന്‍ വെ​ബ്‌​സൈ​റ്റി​ലും നി​ര്‍ദി​ഷ്ട മാ​പ്പു​ക​ള്‍ ല​ഭി​ക്കും. ജി​യോ റ​ഫ​റ​ന്‍സ് ചെ​യ്ത ബേ​സ് മാ​പ്പി​ല്‍ ജി.​ഐ.​എ​സ് പ്ലാ​റ്റ്‌​ഫോ​മി​ലാ​ണ് മാ​സ്റ്റ​ര്‍ പ്ലാ​ന്‍ ത​യാ​റാ​ക്കി​യി​ട്ടു​ള്ള​ത്.

ന​ഗ​ര​ത്തി​ലെ പൈ​തൃ​ക പ്രാ​ധാ​ന്യ​മു​ള്ള സ്ഥ​ല​ങ്ങ​ള്‍ അ​ന്താ​രാ​ഷ്ട്ര മാ​തൃ​ക​യി​ൽ സം​ര​ക്ഷി​ച്ചു​കൊ​ണ്ടാ​യി​രി​ക്കും മാ​സ്റ്റ​ർ പ്ലാ​ൻ ന​ട​പ്പാ​ക്കു​ക. കെ​ട്ടി​ട​ങ്ങ​ള്‍, പ​രി​സ്ഥി​തി​ലോ​ല പ്ര​ദേ​ശ​ങ്ങ​ള്‍ എ​ന്നി​വ​യു​ടെ സം​ര​ക്ഷ​ണ​വു​മു​ണ്ടാ​കും. ഉ​ചി​ത​മാ​യ ഭൂ​വി​നി​യോ​ഗ​ത്തി​ലൂ​ടെ ഇ​വി​ടെ അ​ടി​സ്ഥാ​ന സൗ​ക​ര്യ​ങ്ങ​ള്‍ വി​പു​ല​പ്പെ​ട​ത്തു​ക വ​ഴി കൂ​ടു​ത​ല്‍ നി​ക്ഷേ​പം ആ​ക​ര്‍ഷി​ക്കാ​നും ക​ഴി​യു​മെ​ന്നാ​ണ് കോ​ർ​പ​റേ​ഷ​ൻ അ​ധി​കൃ​ത​രു​ടെ പ്ര​തീ​ക്ഷ.

നി​ല​വി​ലെ മാ​സ്റ്റ​ര്‍പ്ലാ​നി​ന് 53 വ​ർ​ഷ​ത്തെ പ​ഴ​ക്കം

കൊ​ച്ചി കോ​ർ​പ​റേ​ഷ​നി​ലെ നി​ല​വി​ലെ മാ​സ്റ്റ​ർ പ്ലാ​നി​ന് 53 വ​ർ​ഷ​ത്തെ പ​ഴ​ക്ക​മാ​ണു​ള്ള​ത്. 1970 ലാ​ണ് കൊ​ച്ചി​ക്ക് ആ​ദ്യ​മാ​യി മാ​സ്റ്റ​ര്‍ പ്ലാ​ന്‍ ഉ​ണ്ടാ​കു​ന്ന​ത്. എ​ന്നാ​ല​ത് ടൗ​ണ്‍ പ്ലാ​നി​ങ്​ വി​ഭാ​ഗ​ത്തി​ന്റേ​താ​യി​രു​ന്നു. കൊ​ച്ചി കോ​ര്‍പ​റേ​ഷ​ന്റേ​താ​യ മാ​സ്റ്റ​ര്‍ പ്ലാ​നി​ന് ദി​നേ​ശ് മ​ണി മേ​യ​റാ​യ ഘ​ട്ട​ത്തി​ല്‍ ശ്ര​മം ന​ട​ത്തി​യി​രു​ന്നെ​ങ്കി​ലും വി​ജ​യി​ച്ചി​ല്ല. മാ​സ്റ്റ​ര്‍ പ്ലാ​നി​ന്റെ കാ​ലാ​വ​ധി 25 വ​ര്‍ഷ​മാ​യി​രി​ക്കെ 50 വ​ര്‍ഷ​മാ​യി 1970 ലെ ​മാ​സ്റ്റ​ര്‍ പ്ലാ​നാ​ണ് കൊ​ച്ചി​യി​ല്‍ ന​ട​പ്പാ​ക്കി​വ​രു​ന്ന​ത്. പു​തി​യത്​ ന​ട​പ്പാ​കു​ന്ന​തോ​ടെ കെ​ട്ടി​ട നി​ര്‍മാ​ണം ഉ​ൾപ്പെ​ടെ നേ​രി​ട്ടു​ന്ന ത​ട​സ്സ​ങ്ങ​ള്‍ക്ക് പ​രി​ഹാ​ര​മു​ണ്ടാ​കു​മെ​ന്നും മേ​യ​ര്‍ പ​റ​ഞ്ഞു.

പൊ​തു​ഗ​താ​ഗ​ത വി​ക​സ​നം

പൊ​തു​ഗ​താ​ഗ​ത സം​വി​ധാ​ന​ങ്ങ​ളി​ലൂ​ടെ ന​ഗ​ര​വി​ക​സ​നം സാ​ധ്യ​മാ​ക്കു​ന്ന​തി​നും മാ​സ്റ്റ​ർ പ്ലാ​നി​ൽ നി​ർ​ദേ​ശ​ങ്ങ​ളു​ണ്ട്. ട്രാ​ന്‍സി​സ്റ്റ് ഓ​റി​യ​ന്റ​ഡ് ഡെ​വ​ല​പ്‌​മെ​ന്റ് (ടി.​ഒ.​ഡി) എ​ന്ന ആ​ശ​യ​ത്തി​ലൂ​ടെ​യാ​ണ് ഇ​ത് ന​ട​പ്പാ​ക്കു​ക. മെ​ട്രോ പാ​ത ക​ട​ന്നു​പോ​കു​ന്ന ഇ​ട​ങ്ങ​ളി​ല്‍ ഇ​രു​വ​ശ​വും 5000 മീ​റ്റ​റി​ല്‍ വാ​ണി​ജ്യ, പാ​ര്‍പ്പി​ട നി​ര്‍മാ​ണ​ങ്ങ​ള്‍ക്ക് ഇ​ള​വ് ന​ല്‍കു​ന്ന​താ​ണ് ഇ​തി​ല്‍ പ്ര​ധാ​നം.

ഇ​ള​വി​ന് പ​ക​ര​മാ​യി ഗു​ണ​ഭോ​ക്താ​ക്ക​ള്‍ സൗ​ക​ര്യ​പ്ര​ദ​മാ​യ സ്ഥ​ങ്ങ​ളി​ല്‍ ലൈ​ഫ് മാ​തൃ​ക​യി​ല്‍ പാ​വ​പ്പെ​ട്ട​വ​ര്‍ക്ക് വീ​ട് ന​ല്‍ക​ണ​മെ​ന്നും നി​ര്‍ദേ​ശ​ത്തി​ലു​ണ്ട്.

ഓ​രോ ഡി​വി​ഷ​നു​ക​ളി​ലും ക​ളി​സ്ഥ​ല​ങ്ങ​ള്‍, പാ​ര്‍ക്ക്, മാ​ലി​ന്യ​സം​സ്‌​ക​ര​ണ സം​വി​ധാ​നം, വെ​ല്‍ന​സ് സെ​ന്റ​ര്‍, അ​ംഗൻവാ​ടി എ​ന്നി​വ ഒ​രേ ഇ​ട​ത്തി​ല്‍ ഒ​രു​മി​ച്ച് കൊ​ണ്ടു​വ​ന്ന് ഓ​പൺ സ്‌​പേ​സി​ലെ ക്രി​യാ​ത്മ​ക​മാ​യി ഉ​പ​യോ​ഗി​ക്കു​ന്ന നി​ര്‍ദേ​ശ​ങ്ങ​ളും മാ​സ്റ്റ​ര്‍ പ്ലാ​നി​ലു​ണ്ട്. അ​ഹ​്​മദാ​ബാ​ദ് സെ​പ്റ്റ് യൂ​നി​വേ​ഴ്‌​സി​റ്റി​യു​ടെ സ​ഹ​ക​ര​ണ​ത്തോ​ടെ​യാ​കും ലോ​ക്ക​ല്‍ ഏ​രി​യ പ്ലാ​ന്‍ ന​ട​പ്പാ​ക്കു​ക. ഇ​തു​മാ​യി ബ​ന്ധ​പ്പെ​ട്ട വി​ശ​ദ​മാ​യ ച​ർ​ച്ച​ക​ൾ ജ​നു​വ​രി​യി​ൽ ന​ട​ക്കും.

173 പ​രാ​തി​ക​ള്‍

മാ​സ്റ്റ​ര്‍ പ്ലാ​നു​മാ​യി ബ​ന്ധ​പ്പെ​ട്ട് ഇ​തു​വ​രെ 173 പ​രാ​തി​ക​ളാ​ണ് ല​ഭി​ച്ചി​ട്ടു​ള്ള​ത്. റോ​ഡി​ന്റെ വീ​തി കൂ​ട്ട​ല്‍, കെ​ട്ടി​ട​ങ്ങ​ള്‍ പൊ​ളി​ച്ചു നീ​ക്ക​ല്‍ തു​ട​ങ്ങി​യ​വ സം​ബ​ന്ധി​ച്ചാ​യി​രു​ന്നു പ​രാ​തി​ക​ളേ​റെ. വി​വി​ധ ഘ​ട്ട​ങ്ങ​ളി​ലാ​യി ന​ട​ത്തി​യ ച​ര്‍ച്ച​ക​ളി​ലൂ​ടെ​യും മീ​റ്റി​ങ്ങു​ക​ളി​ലൂ​ടെ​യും ഈ ​പ​രാ​തി​ക​ള്‍ക്ക് പ​രി​ഹാ​രം ക​ണ്ടു​ള്ള നി​ർ​ദേ​ശ​ങ്ങ​ളു​ടെ അ​ടി​സ്ഥാ​ന​ത്തി​ലാ​ണ് മാ​സ്റ്റ​ര്‍ പ്ലാ​നി​ന് അ​ന്തി​മ രൂ​പം ന​ല്‍കി​യ​തെ​ന്ന് മേ​യ​ർ വ്യ​ക്ത​മാ​ക്കു​ന്നു.