വിദേശ എം.ബി.ബി.എസ്: 'മാധ്യമം' വെബിനാർ ഇന്ന്
text_fieldsകൊച്ചി: വിദേശത്തെ എം.ബി.ബി.എസ് പഠന സാധ്യതകളെക്കുറിച്ചും അവസരങ്ങളെക്കുറിച്ചും അറിയാൻ അവസരമൊരുക്കുന്ന 'ഹെൽപ് അബ്രോഡ്'-'മാധ്യമം' വെബിനാർ ശനിയാഴ്ച നടക്കും. നമ്മുടെ നാട്ടിലെ ഭൂരിഭാഗം വിദ്യാർഥികൾക്കും വിദേശത്ത് എം.ബി.ബി.എസ് പഠനം നടത്താൻ ആഗ്രഹമുണ്ടെങ്കിലും ഇതേക്കുറിച്ച് അവർക്ക് വ്യക്തമായ ധാരണയുണ്ടാകാറില്ല. ഉന്നതപഠനത്തിനായി ഏറ്റവും കൂടുതൽ അവസരങ്ങളുള്ള ഉക്രെയ്ൻ, റഷ്യ, മാൾഡോവ, അർമീനിയ, ഖസാക്കിസ്ഥാൻ, കിർഗിസ്ഥാൻ, ഉസ്ബെക്കിസ്ഥാൻ, അസർബൈജാൻ, പോളണ്ട്, ന്യൂസിലാൻഡ്, മലേഷ്യ, ഈജിപ്ത്, കാനഡ, നെതർലാൻഡ് എന്നിവിടങ്ങളിലെ പ്രശസ്ത യൂനിവേഴ്സിറ്റികളിൽനിന്ന് എം.ബി.ബി.എസ് ആഗ്രഹിക്കുന്നവർക്കായി ഈ മേഖലയിൽ പ്രവൃത്തി പരിചയമുള്ള 'ഹെൽപ് അബ്രോഡ്' സ്ഥാപനവുമായി ചേർന്നാണ് 'മാധ്യമ'ത്തിെൻറ നേതൃത്വത്തിലുള്ള വെബിനാർ. ശനിയാഴ്ച വൈകീട്ട് 7.30ന് സൂം പ്ലാറ്റ്ഫോമിലാണ് വെബിനാർ നടക്കുക.
വിവിധ യൂനിവേഴ്സിറ്റികളിലെ പ്രതിനിധികളുമായി നേരിട്ട് സംവദിക്കാനും സംശയനിവാരണത്തിനും അവസരമുണ്ടാകും. വിദേശ യൂനിവേഴ്സിറ്റികൾ തെരഞ്ഞെടുക്കാനുള്ള ഉപദേശങ്ങളും സ്കോളർഷിപ് സാധ്യതകളെക്കുറിച്ചും അറിയാം. നിലവിൽ എങ്ങനെയാണ് ക്ലാസുകൾ നടക്കുന്നത്, ക്വാറൻറീൻ, കോഴ്സുകളുടെ വിവരങ്ങൾ, പ്രവേശന രീതി, കോഴ്സുകളുടെ ദൈർഘ്യം, പാർട്ട്ടൈം ജോലി, കോഴ്സ് പൂർത്തിയായശേഷമുള്ള കാര്യങ്ങൾ തുടങ്ങിയവയും പങ്കുവെക്കും. പങ്കെടുക്കാൻ സൗജന്യ രജിസ്ട്രേഷനായി www.madhyamam.com/webinar സന്ദർശിക്കുക. ഫോൺ: 9037640007,+91 884-8306671.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.