എങ്ങുമെത്താതെ ന്യൂനപക്ഷ ക്ഷേമപദ്ധതികൾ; ചെലവിട്ടത്​ 2.79 ശതമാനം

കൊ​ച്ചി: സം​സ്ഥാ​ന സ​ർ​ക്കാ​റി​ന്‍റെ ന്യൂ​ന​പ​ക്ഷ ക്ഷേ​മ​പ​ദ്ധ​തി​ക​ൾ ഇ​ഴ​യു​ന്നു. ന്യൂ​ന​പ​ക്ഷ ക്ഷേ​മ​ത്തി​നാ​യി മൈ​നോ​റി​റ്റി വെ​ൽ​ഫെ​യ​ർ ഡ​യ​റ​ക്​​ട​റേ​റ്റ്​ ബ​ജ​റ്റി​ൽ വ​ക​യി​രു​ത്തി​യ 63.01 കോ​ടി​യി​ൽ ഇ​തു​വ​രെ ചെ​ല​വാ​ക്കി​യ​ത് 2.79 ശ​ത​മാ​നം മാ​ത്രം.

13 പ​ദ്ധ​തി​ക​ളാ​ണ് മൈ​നോ​റി​റ്റി വെ​ൽ​ഫെ​യ​ർ ഡ​യ​റ​ക്ട​റേ​റ്റി​ന് കീ​ഴി​ൽ ന​ട​പ്പാ​ക്കാ​ൻ ല​ക്ഷ്യ​മി​ട്ട​ത്. ആ​സൂ​ത്ര​ണ ബോ​ർ​ഡ് ക​ണ​ക്ക് പ്ര​കാ​രം ഇ​തി​ൽ പ​ത്ത്​ പ​ദ്ധ​തി​ക​ൾ​ക്ക് ഒ​രു​രൂ​പ പോ​ലും ചെ​ല​വ​ഴി​ച്ചി​ട്ടി​ല്ല. മു​സ്‍ലിം സ്ത്രീ​ക​ൾ​ക്ക് പ്രീ​മാ​രി​റ്റ​ൽ കൗ​ൺ​സ​ലി​ങ്, കു​ടി​വെ​ള്ള പ​ദ്ധ​തി തു​ട​ങ്ങി​യ​വ പ്ര​ഖ്യാ​പ​ന​ത്തി​ല്‍ ഒ​തു​ങ്ങി. പ​ഠ​ന​മി​ക​വ് പു​ല​ർ​ത്തു​ന്ന ന്യൂ​ന​പ​ക്ഷ വി​ദ്യാ​ർ​ഥി​ക​ൾ​ക്ക് സ്കോ​ള​ർ​ഷി​പ്പി​ന് വ​ക​യി​രു​ത്തി​യ 6.52 കോ​ടി​യി​ൽ ഒ​രു​രൂ​പ പോ​ലും ന​ൽ​കി​യി​ല്ല. ന​ഴ്സി​ങ് ഡി​പ്ലോ​മ, പാ​രാ​മെ​ഡി​ക്ക​ൽ കോ​ഴ്സു​ക​ൾ​ക്ക്​ പ​ഠി​ക്കു​ന്ന​വ​ർ​ക്ക് സ്കോ​ള​ർ​ഷി​പ്, സി.​എ, ഐ.​സി.​ഡ​ബ്ല്യു.​എ കോ​ഴ്സി​നു​ള്ള സ​ഹാ​യം, മൈ​നോ​റി​റ്റി റി​സ​ർ​ച്​ ഇ​ൻ​സ്റ്റി​റ്റ്യൂ​ട്ട് തു​ട​ങ്ങി​യ വി​ദ്യാ​ഭ്യാ​സ സ​ഹാ​യ പ​ദ്ധ​തി​ക​ളും ബ​ജ​റ്റി​ൽ ഒ​തു​ങ്ങി.

വ​കു​പ്പി​ന്റെ ആ​ധു​നി​ക​വ​ത്ക​ര​ണം ല​ക്ഷ്യ​മി​ട്ട​തും ​വെ​റു​തെ​യാ​യി. ക​രി​യ​ർ ഗൈ​ഡ​ൻ​സ് പ്രോ​ഗ്രാ​മി​ൽ വ​ക​യി​രു​ത്തി​യ​തി​ന്‍റെ 1.67 ശ​ത​മാ​നം തു​ക മാ​ത്ര​മാ​ണ് ന​ൽ​കി​യ​ത്. മൈ​നോ​റി​റ്റി വി​ഭാ​ഗ​ത്തി​ൽ വി​വാ​ഹ​ബ​ന്ധം ഉ​പേ​ക്ഷി​ച്ച സ്ത്രീ​ക​ൾ​ക്കാ​യു​ള്ള ഭ​വ​ന​പ​ദ്ധ​തി​ക്കാ​യി അ​ഞ്ചു​കോ​ടി ബ​ജ​റ്റി​ൽ നീ​ക്കി​വെ​ച്ച​തി​ൽ ഇ​തു​വ​രെ ന​ൽ​കി​യ​ത് ഒ​രു​കോ​ടി രൂ​പ. ന്യൂ​ന​പ​ക്ഷ​ങ്ങ​ളു​ടെ ബ​ഹു​മു​ഖ വി​ക​സ​ന​ത്തി​നു​ള്ള 24 കോ​ടി രൂ​പ​യു​ടെ​യും 16 കോ​ടി​യു​ടെ​യും ര​ണ്ട് കേ​ന്ദ്ര പ​ദ്ധ​തി​ക​ളി​ൽ ഒ​ന്നി​ലും തു​ക ചെ​ല​വ​ഴി​ച്ചി​ട്ടി​ല്ല. ഡി​പ്ലോ​മ കോ​ഴ്സി​ന് 82 ല​ക്ഷം അ​നു​വ​ദി​ച്ച​തി​ൽ 84 ശ​ത​മാ​ന​വും ചെ​ല​വ​ഴി​ച്ച​താ​ണ്​ അ​പ​വാ​ദം.