മോപ്പസാങ്: ചായക്കൂട്ടുകളാൽ മായാജാലം സൃഷ്ടിച്ച മാന്ത്രികൻ

കൊ​ച്ചി: പ്ര​കൃ​തി​യു​ടെ പ​ല​വി​ധ വ​ർ​ണ​ങ്ങ​ൾ പോ​ലെ​ത്ത​ന്നെ മ​നു​ഷ്യ​രു​ടെ മു​ഖ​ത്ത് വി​രി​യു​ന്ന പ​ല ഭാ​വ​ങ്ങ​ളെ​യും ചാ​യ​ക്കൂ​ട്ടു​ക​ളാ​ൽ സ​മ​ഗ്ര​ത​യോ​ടെ പ​ക​ർ​ത്തി​യ ആ ​ക​ലാ​കാ​ര​ൻ ഇ​നി​യി​ല്ല. ജ​ല​ച്ഛാ​യ​ത്തി​ലും അ​ക്രി​ലി​ക്കി​ലും ഒ​രു​പോ​ലെ അ​ഗ്ര​ഗ​ണ്യ​നാ​യി​രു​ന്ന, മ​ല​യാ​ളി​ക​ൾ​ക്കി​ട​യി​ൽ ചി​ത്ര​ക​ല​യെ ജ​ന​പ്രി​യ​നാ​ക്കി​യ ഒ​രാ​ളാ​ണ് മോ​പ്പ​സാ​ങ് വാ​ല​ത്തി​ന്‍റെ വി​യോ​ഗ​ത്തോ​ടെ ഇ​ല്ലാ​താ​വു​ന്ന​ത്.

ക​ഥ​ക​ളി ക​ലാ​കാ​ര​ൻ​മാ​രെ കാ​ൻ​വാ​സി​ൽ പ​ക​ർ​ത്തു​ന്ന​തി​ൽ ഏ​റെ ത​ൽ​പ​ര​നാ​യി​രു​ന്നു മോ​പ്പ​സാ​ങ്. അ​ദ്ദേ​ഹം വ​ര​ച്ച ക​ഥ​ക​ളി ആ​ചാ​ര്യ​ൻ ക​ലാ​മ​ണ്ഡ​ലം ഗോ​പി​യു​ടെ ന​വ​ര​സ പ​ര​മ്പ​ര​യി​ൽ വ​രു​ന്ന പെ​യി​ൻ​റി​ങ്ങു​ക​ൾ നെ​ടു​മ്പാ​ശ്ശേ​രി വി​മാ​ന​ത്താ​വ​ള​ത്തി​ന്‍റെ ബി​സി​ന​സ് ജെ​റ്റ് ടെ​ർ​മി​ന​ലി​ൽ സ്ഥാ​പി​ച്ച​ത് ക​ഴി​ഞ്ഞ ന​വം​ബ​റി​ലാ​ണ്. ത​ന്‍റെ ഒ​മ്പ​ത്​ ര​സ​ഭാ​വ​ങ്ങ​ളു​ടെ സൂ​ക്ഷ്മാം​ശ​ങ്ങ​ൾ ത​നി​മ ചോ​രാ​തെ പെ​യി​ന്റി​ങ്ങി​ൽ ആ​വി​ഷ്‌​ക്ക​രി​ച്ച​ത്​ കാ​ണാ​ൻ പ്രാ​യാ​ധി​ക്യ​ത്തി​ന്‍റെ അ​വ​ശ​ത​ക​ൾ​ക്കി​ട​യി​ലും ഗോ​പി​യാ​ശാ​ൻ നേ​രി​ട്ടെ​ത്തി​യി​രു​ന്നു. കൂ​ടു​ത​ലാ​യും ജ​ല​ച്ചാ​യ ചി​ത്ര​ങ്ങ​ൾ വ​ര​ച്ചി​രു​ന്ന മോ​പ്പ​സാ​ങ് പ​ക്ഷേ ന​വ​ര​സ​ങ്ങ​ൾ വ​ര​ക്കാ​ൻ അ​ക്രി​ലി​ക്ക് പെ​യ്ന്‍റാ​ണ് ഉ​പ​യോ​ഗി​ച്ച​ത്.

ഈ ​ചി​ത്ര​ങ്ങ​ൾ വ​ര​ച്ചു തീ​ർ​ക്കാ​ൻ ഒ​രു​ദി​വ​സം മു​ഴു​വ​നും ക​ലാ​മ​ണ്ഡ​ലം ഗോ​പി ക​ഥ​ക​ളി വേ​ഷം ധ​രി​ച്ച് സി​യാ​ലി​നാ​യി ഭാ​വ​പ്ര​കാ​ശം ന​ട​ത്തു​ക​യും അ​വ​യെ വി​ശ​ദ​മാ​യി ഫോ​ട്ടോ​ഗ്രാ​ഫു​ക​ളി​ലാ​ക്കി ചി​ത്ര​കാ​ര​ൻ മോ​പ്പ​സാ​ങ് കാ​ൻ​വാ​സി​ൽ ആ​വി​ഷ്‌​ക്ക​രി​ക്കു​ക​യും ചെ​യ്യു​ക​യാ​യി​രു​ന്നു.

ചി​ത്രം​വ​ര​ക്കൊ​പ്പം ത​ന്നെ ചി​ത്രം​വ​ര​യു​ടെ പാ​ഠ​ങ്ങ​ൾ പ​ക​ർ​ന്നു​ന​ൽ​കു​ന്ന​തി​ലും മോ​പ്പ​സാ​ങ് മു​ന്നി​ട്ടു​നി​ന്നു. സം​സ്ഥാ​ന​ത്തു​ട​നീ​ളം നി​ര​വ​ധി ചി​ത്ര​ക​ല ക്യാ​മ്പു​ക​ളും പ്ര​ദ​ർ​ശ​ന​ങ്ങ​ളും സം​ഘ​ടി​പ്പി​ച്ചു. ആ​ഴ്ച​ക​ൾ​ക്ക്​ മു​മ്പ് കൊ​ല്ലം മ​ൺ​റോ തു​രു​ത്തി​ലു​ൾ​പ്പെ​ടെ ചി​ത്ര​ക​ല ക്യാ​മ്പ് സം​ഘ​ടി​പ്പി​ച്ചു. സ​മൂ​ഹ​മാ​ധ്യ​മ​ങ്ങ​ളി​ൽ സ​ജീ​വ​മാ​യി​രു​ന്ന ചി​ത്ര​കാ​ര​ൻ ലോ​ക്ഡൗ​ൺ കാ​ല​ത്ത് ഇ​ൻ​സ്റ്റ​ഗ്രാ​മി​ലൂ​ടെ​യും ഫേ​സ്​​ബു​ക്കി​ലൂ​ടെ​യും ലൈ​വാ​യി 100 ചി​ത്ര​ങ്ങ​ൾ വ​ര​ച്ച് ക​ലാ​പ്രേ​മി​ക​ളു​ടെ മ​നം ക​വ​ർ​ന്നി​രു​ന്നു. പ്ര​ശാ​ന്ത സു​ന്ദ​ര​മാ​യ അ​ന്ത​രീ​ക്ഷ​ങ്ങ​ളെ അ​ടു​ത്ത​റി​ഞ്ഞ് അ​വ​യെ പ​ക​ർ​ത്തു​ക​യെ​ന്ന​ത് അ​ദ്ദേ​ഹ​ത്തി​ന്‍റെ ഇ​ഷ്ട​സ​പ​ര്യ​യാ​യി​രു​ന്നു.