കൊതുക് ശല്യം രൂക്ഷം സോഷ്യൽ മീഡിയയിലും കാമ്പയിൻ

കൊ​ച്ചി: കൊ​തു​ക് ശ​ല്യം രൂ​ക്ഷ​മാ​യ​തി​ൽ​ കൊ​ച്ചി കോ‍ർ​പ​റേ​ഷ​നെ​തി​രെ സോ​ഷ്യ​ൽ മീ​ഡി​യ​യി​ൽ കാ​മ്പ​യി​നു​മാ​യി ജ​ന​ങ്ങ​ൾ. ക​ഴി​ഞ്ഞ കു​റ​ച്ച്​ മാ​സ​ങ്ങ​ളാ​യി പ​ക​ലെ​ന്നോ രാ​ത്രി​യെ​ന്നോ വ്യ​ത്യാ​സ​മി​ല്ലാ​തെ കൊ​തു​ക്​ ശ​ല്യ​ത്തി​ൽ പൊ​റു​തി​മു​ട്ടി​യി​രി​ക്കു​ക​യാ​ണ് നാ​ട്ടു​കാ​ർ. കൊ​തു​ക്​ പെ​രു​കാ​തി​രി​ക്കാ​നു​ള്ള ന​ട​പ​ടി​ക​ൾ കോ​ർ​പ​റേ​ഷ​ന്‍റെ ഭാ​ഗ​ത്ത്​ നി​ന്നു​ണ്ടാ​കാ​ത്ത​താ​ണ്​ ജ​ന​ങ്ങ​ളു​​ടെ ഉ​റ​ക്കം കെ​ടു​ത്തു​ന്ന​തി​ലേ​ക്ക്​ എ​ത്തി​​ച്ച​തെ​ന്നാ​ണ്​ നാ​ട്ടു​കാ​രും പ്ര​തി​പ​ക്ഷ​വും ആ​രോ​പി​ക്കു​ന്ന​ത്.​ ഈ ​സാ​ഹ​ച​ര്യ​ത്തി​ലാ​ണ്​ സോ​ഷ്യ​ൽ മീ​ഡി​യ​യി​ൽ കാ​മ്പ​യി​നു​മാ​യി സി​നി​മ താ​ര​ങ്ങ​ള​ട​ക്കം രം​ഗ​ത്തെ​ത്തി​യി​രി​ക്കു​ന്ന​ത്.

ര​ക്​​തം ഊ​റ്റി​ക്കു​ടി​ക്കു​ന്ന കൊ​തു​കി​ന്‍റെ ചി​ത്ര​ത്തി​നൊ​പ്പം 'ജ​ന​ങ്ങ​ൾ ഉ​റ​ങ്ങാ​ത്ത കൊ​ച്ചി, ഉ​റ​ങ്ങു​ന്ന കൊ​ച്ചി​ൻ കോ‍ർ​പ​റേ​ഷ​ൻ, അ​ധി​കാ​രി​ക​ൾ ക​ണ്ണ് തു​റ​ക്കു​ക' എ​ന്ന കു​റി​പ്പോ​ടെ​യാ​ണ്​ ഫേ​സ്ബു​ക്കി​ൽ കാ​മ്പ​യി​ൻ ന​ട​ക്കു​ന്ന​ത്. പ്ര​തി​പ​ക്ഷ​വും സാം​സ്​​കാ​രി​ക സം​ഘ​ട​ന​ക​ളും നി​ര​വ​ധി പ്ര​തി​ഷേ​ധ പ​രി​പാ​ടി​ക​ൾ ന​ട​ത്തി​യി​രു​ന്നു. ഇ​തി​ന്​ പി​ന്നാ​ലെ​യാ​ണ്​ സോ​ഷ്യ​ൽ മീ​ഡി​യ​യി​ൽ കാ​മ്പ​യി​ൻ ആ​രം​ഭി​ച്ച​ത്.

കൊ​ച്ചി​യി​ലെ കൊ​തു​ക് ശ​ല്യ​ത്തി​ല്‍ പ്ര​തി​ഷേ​ധി​ച്ച് പ്ര​തി​പ​ക്ഷ കൗ​ണ്‍സി​ല​ര്‍മാ​ര്‍ ന​ഗ​ര​സ​ഭ​യ്ക്ക് മു​ന്നി​ല്‍ കൊ​തു​കി​നെ കൊ​ല്ലാ​ൻ ഉ​പ​യോ​ഗി​ക്കു​ന്ന ഇ​ല​ക്​​ട്രി​ക്​ റാ​ക്ക​റ്റു​മാ​യി തി​രു​വാ​തി​ര ക​ളി​ച്ച് പ്ര​തി​ഷേ​ധി​ച്ചി​രു​ന്നു. അ​തി​ന്​ പി​ന്നാ​ലെ കൊ​ച്ചി ന​ഗ​ര​സ​ഭ സോ​ണ​ൽ ഓ​ഫീ​സി​ന​ക​ത്ത് ക​യ​റി കൊ​തു​ക് പി​ടി​ത്ത മ​ത്സ​ര​വും മ​ഹാ​ത്മാ സാം​സ്കാ​രി​ക വേ​ദി പ്ര​വ​ർ​ത്ത​ക​ർ സം​ഘ​ടി​പ്പി​ച്ചു. ക​ഴി​ഞ്ഞ ര​ണ്ടു വ​ർ​ഷ​മാ​യി ന​ഗ​ര​സ​ഭ​യു​ടെ നേ​തൃ​ത്വ​ത്തി​ൽ കൊ​തു​കു ന​ശീ​ക​ര​ണ പ്ര​വ​ർ​ത്ത​ന​ങ്ങ​ൾ ഒ​ന്നും ന​ട​ക്കു​ന്നി​ല്ലെ​ന്നാ​ണ്​ പ്ര​തി​പ​ക്ഷം ആ​രോ​പി​ക്കു​ന്ന​ത്. കൊ​തു​കി​ന്‍റെ കു​ത്തേ​റ്റ്​ സ്​​കി​ൻ അ​ല​ർ​ജി​യ​ട​ക്ക​മു​ള്ള​വ​ക്ക്​ ചി​കി​ത്സ​തേ​ടേ​ണ്ടി വ​ന്ന​താ​യി പ​ല​രും സോ​ഷ്യ​ൽ മീ​ഡി​യ​യി​ൽ കു​റി​ക്കു​ന്നു.

സം​സ്ഥാ​ന​ത്ത്​ കോ​വി​ഡ്​ ബാ​ധി​ത​രു​ടെ എ​ണ്ണം ഏ​റ്റ​വും കൂ​ടു​ത​ലു​ള്ള ജി​ല്ല​ക​ളി​ലൊ​ന്നാ​ണ്​ എ​റ​ണാ​കു​ളം. കോ​വി​ഡ് വ്യാ​പ​നം ക​ണ​ക്കി​ലെ​ടു​ത്ത് വീ​ട്ടി​ലി​രി​ക്കാ​ൻ അ​ധി​കാ​രി​ക​ൾ പ​റ​യു​മ്പോ​ൾ വീ​ടു​ക​ളി​ൽ ക​ഴി​യു​ന്ന​വ​ർ കൊ​തു​കി​ന്‍റെ ക​ടി​യേ​റ്റ്​ വ​ല​യു​ക​യാ​ണ്. കോ​വി​ഡി​നൊ​പ്പം കൊ​തു​കു​ശ​ല്യ​വും രൂ​ക്ഷ​മാ​യ​തോ​ടെ പ​രാ​തി​ക​ളു​ന്ന​യി​ട്ടി​ച്ചും കെ​ട്ടി​ക്കി​ട​ക്കു​ന്ന വെ​ള്ള​ങ്ങ​ളി​ലും കാ​ന​ക​ളി​ലും ​മ​രു​​ന്നു​​ത​​ളി​​ക്കാ​നോ ഫോ​ഗി​ങ്ങ്​ ന​ട​ത്താ​നോ അ​ധി​കൃ​ത​ർ ത​യാ​റാ​കു​ന്നി​ല്ലെ​ന്നും ജ​ന​ങ്ങ​ൾ പ​റ​യു​ന്നു. പ​​ശ്ചി​​മ കൊ​​ച്ചി​യി​ല​ട​ക്കം മി​ക്ക​യി​ട​ങ്ങ​ളി​ലും സ​മാ​ന​മാ​യ സാ​ഹ​ച​ര്യ​മാ​ണു​ള്ള​ത്.