പായൽനിറഞ്ഞ് കായലുകൾ; തൊഴിലിടമില്ലാതെ മത്സ്യത്തൊഴിലാളികൾ

പ​ള്ളു​രു​ത്തി: പോ​ള​പ്പാ​യ​ൽ ശ​ല്യ​ത്തി​ൽ പൊ​റു​തി​മു​ട്ടി മ​ത്സ്യ​ത്തൊ​ഴി​ലാ​ളി​ക​ൾ. വേ​മ്പ​നാ​ട്ടു കാ​യ​ലി​ലും കൈ​വ​രി​ക​ളി​ലും പോ​ള​പ്പാ​യ​ൽ നി​റ​ഞ്ഞ​തോ​ടെ തൊ​ഴി​ലി​ടം ഇ​ല്ലാ​ത്ത അ​വ​സ്ഥ​യി​ലാ​ണ് പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ൾ. വെ​ള്ളി​യാ​ഴ്ച ര​ണ്ട്​ കൊ​ച്ചു വ​ള്ള​ങ്ങ​ൾ പാ​യ​ലി​ൽ കു​ടു​ങ്ങി. പി​ന്നീ​ട് മ​റ്റ് വ​ള്ള​ങ്ങ​ൾ ചേ​ർ​ന്ന് കെ​ട്ടി​വ​ലി​ച്ച് മ​ണി​ക്കൂ​റു​ക​ൾ​ക്കു​ശേ​ഷ​മാ​ണ് വ​ള്ളം പാ​യ​ലി​ൽ​നി​ന്ന്​ മോ​ചി​പ്പി​ക്കാ​നാ​യ​ത്.

കോ​ട്ട​യം മേ​ഖ​ല​യി​ൽ​നി​ന്ന്​ ഒ​ഴു​കി​യെ​ത്തി​യ​താ​ണ് പാ​യ​ലെ​ന്നാ​ണ് മ​ത്സ്യ​ത്തൊ​ഴി​ലാ​ളി​ക​ൾ പ​റ​യു​ന്ന​ത്. ശ​ക്ത​മാ​യ മ​ഴ പെ​യ്യു​ന്ന​തോ​ടെ പാ​യ​ൽ​ക്കൂ​ട്ടം ത​ഴ​ച്ചു​വ​ള​ർ​ന്നി​രി​ക്കു​ക​യാ​ണെ​ന്നും ഇ​വ​ർ പ​റ​യു​ന്നു. കാ​യ​ലി​ന്‍റെ ഉ​പ​രി​ത​ല​ത്തി​ൽ പാ​യ​ൽ ക​ട്ടി​യാ​യി​ക്കി​ട​ക്കു​ന്ന​തി​നാ​ൽ ചീ​ന​വ​ല​ക്കാ​ർ പ്ര​തി​സ​ന്ധി​യി​ലാ​ണ്. വ​ല വെ​ള്ള​ത്തി​ലേ​ക്ക് താ​ഴ്ത്താ​ൻ ക​ഴി​യു​ന്നി​ല്ലെ​ന്നാ​ണ് ഇ​വ​രു​ടെ പ​രാ​തി. വ​ല​യി​ൽ പാ​യ​ൽ തി​ങ്ങി​നി​റ​ഞ്ഞ് വ​ല ഉ​യ​ർ​ത്തു​മ്പോ​ൾ ഭാ​രം താ​ങ്ങാ​ൻ ക​ഴി​യാ​തെ വ​ല​ക​ൾ കീ​റി​പ്പോ​യ​താ​യും ഇ​വ​ർ പ​റ​ഞ്ഞു. കൊ​ച്ചു വ​ള്ള​ക്കാ​രും പാ​യ​ൽ നി​റ​ഞ്ഞ് വ​ല കീ​റു​ന്ന​താ​യി പ​രാ​തി​പ്പെ​ടു​ന്നു. ഊ​ന്നി​വ​ല​ക്കാ​രും വീ​ശു​വ​ല​ക്കാ​രും പ്ര​തി​സ​ന്ധി നേ​രി​ടു​ക​യാ​ണ്. കു​ടും​ബം പ​ട്ടി​ണി​യി​ലേ​ക്ക് നീ​ങ്ങു​ക​യാ​ണെ​ന്ന് തൊ​ഴി​ലാ​ളി​ക​ൾ പ​റ​യു​ന്നു. ഓ​രോ വ​ർ​ഷ​വും പാ​യ​ൽ നി​ർ​മാ​ർ​ജ​ന​ത്തി​ന് പ​ദ്ധ​തി​ക​ൾ പ​ല​തും പ്ര​ഖ്യാ​പി​ക്കു​ന്നു​ണ്ടെ​ങ്കി​ലും ഒ​ന്നും പ്രാ​വ​ർ​ത്തി​ക​മാ​കു​ന്നി​ല്ല. പെ​രു​മ്പ​ട​പ്പി​ൽ വേ​ലി​യേ​റ്റ വേ​ള​യി​ൽ റോ​ഡി​ലേ​ക്കും പാ​യ​ൽ ക​യ​റു​ക​യാ​ണ്.