വിവരാവകാശത്തിന് മറുപടിയില്ല; അപ്പീൽ നൽകിയപ്പോൾ വിവരം നൽകി കോർപറേഷൻ

കൊ​ച്ചി: ക​ഴി​ഞ്ഞ വ​ർ​ഷം വി​വ​രാ​വ​കാ​ശ പ്ര​കാ​രം ന​ൽ​കി​യ അ​പേ​ക്ഷ​യി​ൽ കൃ​ത്യ​മാ​യ മ​റു​പ​ടി ന​ൽ​കാ​ത്ത കൊ​ച്ചി കോ​ർ​പ​റേ​ഷ​ൻ ഉ​ദ്യോ​ഗ​സ്ഥ​ർ അ​പ്പീ​ൽ ഹി​യ​റി​ങ്ങി​നെ തു​ട​ർ​ന്ന് കൃ​ത്യ​മാ​യ വി​വ​രം ന​ൽ​കി. കോ​ർ​പ​റേ​ഷ​നി​ൽ മാ​ലി​ന്യം ശേ​ഖ​രി​ക്കു​ന്ന​തി​നും ബ്ര​ഹ്മ​പു​രം മാ​ലി​ന്യ പ്ലാ​ൻ​റി​ലെ​ത്തി​ക്കു​ന്ന​തി​നു​മാ​യു​ള്ള വാ​ഹ​ന​ങ്ങ​ൾ സം​ബ​ന്ധി​ച്ച് വി​വ​രാ​വ​കാ​ശ പ്ര​വ​ർ​ത്ത​ക​ൻ രാ​ജു വാ​ഴ​ക്കാ​ല​യു​ടെ ചോ​ദ്യ​ങ്ങ​ൾ​ക്കാ​ണ് അ​പൂ​ർ​ണ​മാ​യ മ​റു​പ​ടി ന​ൽ​കി​യ​ത്. കോ​ർ​പ​റേ​ഷ​ന്‍റെ പ​ബ്ലി​ക് ഇ​ൻ​ഫ​ർ​മേ​ഷ​ൻ ഓ​ഫി​സ​ർ​ക്ക് 2023 ജ​നു​വ​രി​യി​ൽ ന​ൽ​കി​യ അ​പേ​ക്ഷ ആ​രോ​ഗ്യ വി​ഭാ​ഗ​ത്തി​ന് കൈ​മാ​റു​ക​യാ​യി​രു​ന്നു.

ആ​കെ ചോ​ദി​ച്ച 11 ചോ​ദ്യ​ങ്ങ​ളി​ൽ അ​ഞ്ചെ​ണ്ണ​ത്തി​ന്​ മ​റു​പ​ടി ന​ൽ​കു​ന്ന​തി​ന്​ പ​ക​രം ഈ ​വി​വ​രം എ​ൻ​ജി​നീ​യ​റി​ങ് വി​ഭാ​ഗ​ത്തി​ൽ നി​ന്ന്​ ല​ഭ്യ​മാ​കു​മെ​ന്നാ​ണ് അ​റി​യി​ച്ച​ത്. ഇ​തേ തു​ട​ർ​ന്ന് അ​പേ​ക്ഷ​ക​ൻ വി​വ​രാ​വ​കാ​ശ ക​മീ​ഷ​നി​ൽ അ​പ്പീ​ൽ ന​ൽ​കി. പി​ന്നാ​ലെ, ഇ​ക്ക​ഴി​ഞ്ഞ മേ​യി​ൽ വി​വ​രാ​വ​കാ​ശ ക​മീ​ഷ​ൻ വി​ളി​ച്ചു​വ​രു​ത്തി കോ​ർ​പ​റേ​ഷ​ൻ ഉ​ദ്യോ​ഗ​സ്ഥ​രെ​യും അ​പേ​ക്ഷ​ക​നെ​യും ഹി​യ​റി​ങ് ന​ട​ത്തു​ക​യാ​യി​രു​ന്നു. ഹി​യ​റി​ങി​ൽ ക​മീ​ഷ​ൻ ഉ​ത്ത​ര​വി​ട്ട​തി​നെ തു​ട​ർ​ന്ന് നാ​ലു ദി​വ​സ​ത്തി​ന​കം ത​ന്നെ കോ​ർ​പ​റേ​ഷ​ൻ എ​ൻ​ജി​നീ​യ​റി​ങ് വി​ഭാ​ഗം ചോ​ദ്യ​ങ്ങ​ൾ​ക്ക് മ​റു​പ​ടി ന​ൽ​കി.

കോ​ർ​പ​റേ​ഷ​ൻ മാ​ലി​ന്യ വാ​ഹ​ന​ങ്ങ​ളു​ടെ അ​റ്റ​കു​റ്റ പ​ണി​ക്കാ​യി ചെ​ല​വ​ഴി​ച്ച തു​ക സം​ബ​ന്ധി​ച്ച ചോ​ദ്യ​ങ്ങ​ൾ​ക്കാ​ണ് ക​മീ​ഷ​ന്‍റെ ഹി​യ​റി​ങ്ങി​ന്​ പി​ന്നാ​ലെ മ​റു​പ​ടി​യെ​ത്തി​യ​ത്. 2020 ഏ​പ്രി​ൽ മു​ത​ൽ 2022 ഡി​സം​ബ​ർ വ​രെ​യു​ള്ള കാ​ല​യ​ള​വി​ൽ 95.85 കോ​ടി രൂ​പ ഈ​യി​ന​ത്തി​ൽ ചെ​ല​വ​ഴി​ച്ച​താ​യി ഉ​ദ്യോ​ഗ​സ്ഥ​ർ മ​റു​പ​ടി​യി​ൽ വ്യ​ക്ത​മാ​ക്കി. ആ​കെ 58 മാ​ലി​ന്യ ലോ​റി​ക​ളാ​ണ് കോ​ർ​പ​റേ​ഷ​നു​ള്ള​ത്. ഇ​തി​ൽ 37 എ​ണ്ണം കി​ഴ​ക്ക​ൻ മേ​ഖ​ല​യി​ൽ നി​ന്നും 23 എ​ണ്ണം പ​ടി​ഞ്ഞാ​റ​ൻ മേ​ഖ​ല​യി​ൽ നി​ന്നും ബ്ര​ഹ്മ​പു​ര​ത്തേ​ക്ക് മാ​ലി​ന്യം കൊ​ണ്ടു​പോ​കാ​നാ​യി വാ​ട​ക​ക്കെ​ടു​ത്ത​വ​യാ​ണ്. കി​ഴ​ക്ക​ൻ മേ​ഖ​ല​ക്ക്​ പ്ര​തി​ദി​ന വാ​ട​ക 3,640 രൂ​പ​യും പ​ടി​ഞ്ഞാ​റി​ന് 3,400 രൂ​പ​യു​മാ​ണ്. മാ​ലി​ന്യ ശേ​ഖ​ര​ണ​വു​മാ​യി ബ​ന്ധ​പ്പെ​ട്ട് കോ​ർ​പ​റേ​ഷ​ന്‍റെ ആ​കെ 959 ജീ​വ​ന​ക്കാ​രി​ൽ 799 പേ​രും സ്ഥി​രം ജീ​വ​ന​ക്കാ​രാ​ണെ​ന്നും വി​വ​രാ​വ​കാ​ശ മ​റു​പ​ടി വ്യ​ക്ത​മാ​ക്കു​ന്നു.