‘ട്രാക്ക് മാറ്റി’ വേണാട്; മെമു ആവശ്യം ശക്തമാക്കി യാത്രക്കാർ

കൊ​ച്ചി: വേ​ണാ​ട് എ​ക്സ്പ്ര​സി​ന്‍റെ എ​റ​ണാ​ക​ളം സൗ​ത്ത് സ്റ്റേ​ഷ​ൻ വ​ഴി​യു​ള്ള യാ​ത്ര ഒ​ഴി​വാ​ക്കാ​ൻ റെ​യി​ൽ​വേ തീ​രു​മാ​നി​ച്ച​തോ​ടെ യാ​ത്ര ദു​രി​തം പ​രി​ഹ​രി​ക്കാ​ൻ മെ​മു സ​ർ​വി​സ് എ​ന്ന ആ​വ​ശ്യം ശ​ക്ത​മാ​ക്കി യാ​ത്ര​ക്കാ​ർ.

എ​റ​ണാ​കു​ളം-​കോ​ട്ട​യം പാ​ത​യി​ൽ രാ​വി​ലെ​യും വൈ​കി​ട്ടും വ​ൻ​തി​ര​ക്ക് അ​നു​ഭ​വ​പ്പെ​ടു​ന്ന സാ​ഹ​ച​ര്യ​ത്തി​ൽ കൂ​ടു​ത​ൽ ട്രെ​യി​നു​ക​ൾ വ​ള​രെ അ​ത്യാ​വ​ശ്യ​മാ​ണ്. തി​രു​വ​ന​ന്ത​പു​രം-​ഷൊ​ർ​ണൂ​ർ പാ​ത​യി​ൽ രാ​വി​ലെ​യും തി​രി​കെ വൈ​കി​ട്ടും കോ​ട്ട​യം വ​ഴി സ​ർ​വി​സ് ന​ട​ത്തു​ന്ന വേ​ണാ​ട് എ​ക്സ്പ്ര​സ് എ​റ​ണാ​കു​ളം സൗ​ത്ത്, നോ​ർ​ത്ത് റെ​യി​ൽ​വേ സ്റ്റേ​ഷ​നു​ക​ളി​ലെ​ത്തി​യാ​ണ് യാ​ത്ര തു​ട​ർ​ന്നി​രു​ന്ന​ത്. എ​ന്നാ​ൽ മേ​യ് ഒ​ന്ന് മു​ത​ൽ സൗ​ത്ത് ഒ​ഴി​വാ​ക്കി നോ​ർ​ത്ത്- തൃ​പ്പൂ​ണി​ത്തു​റ പാ​ത​യി​ൽ നേ​രി​ട്ട് സ​ർ​വി​സ് ന​ട​ത്തു​മെ​ന്നാ​ണ് റെ​യി​ൽ​വെ അ​റി​യി​ച്ചി​രി​ക്കു​ന്ന​ത്. സൗ​ത്ത് സ്റ്റേ​ഷ​നി​ലെ ന​വീ​ക​ര​ണ ജോ​ലി​ക​ളാ​ണ് ഇ​തി​ന് ഒ​രു കാ​ര​ണ​മാ​യി ചൂ​ണ്ടി​ക്കാ​ട്ട​പ്പെ​ടു​ന്ന​ത്. ഇ​തോ​ടെ എ​റ​ണാ​കു​ളം നോ​ർ​ത്ത്-​ഷൊ​ർ​ണൂ​ർ റൂ​ട്ടി​ൽ നി​ല​വി​ലെ സ​മ​യ​ത്തേ​ക്കാ​ൾ അ​ര​മ​ണി​ക്കൂ​റോ​ളം മു​​മ്പേ വേ​ണാ​ട് ഓ​ടി​യെ​ത്തും. എ​റ​ണാ​കു​ളം നോ​ർ​ത്ത്-​തി​രു​വ​ന​ന്ത​പു​രം റൂ​ട്ടി​ൽ 15 മി​നി​ട്ടോ​ള​വും നേ​ര​ത്തെ​യെ​ത്തും.

സൗ​ത്ത് റെ​യി​ൽ​വേ സ്റ്റേ​ഷ​നി​ലെ​ത്തേ​ണ്ട നി​ര​വ​ധി യാ​ത്ര​ക്കാ​ർ വേ​ണാ​ടി​നെ ആ​ശ്ര​യി​ക്കു​ന്നു​ണ്ട്. സ​മ​യ മാ​റ്റം ജോ​ലി​സ​മ​യ​ത്ത്​ കൃ​ത്യ​സ​മ​യ​ത്ത് എ​ത്തു​ന്ന​ത്​ ബാ​ധി​ക്കു​മെ​ന്നാ​ണ് അ​വ​ർ ചൂ​ണ്ടി​ക്കാ​ട്ടു​ന്ന​ത്. മെ​ട്രോ​യ​ട​ക്കം പൊ​തു​ഗ​താ​ഗ​ത സം​വി​ധാ​ന​ങ്ങ​ൾ സ​ജീ​വ​മാ​യ സാ​ഹ​ച​ര്യ​ത്തി​ൽ ഇ​ത് വ​ലി​യ പ്ര​തി​സ​ന്ധി സൃ​ഷ്ടി​ക്കി​ല്ലെ​ന്നാ​ണ് അ​ധി​കൃ​ത​രു​ടെ ഭാ​ഷ്യം.

അ​തേ​സ​മ​യം കോ​ട്ട​യം-​എ​റ​ണാ​കു​ളം പാ​ത​യി​ൽ അ​തി​ക​ഠി​ന​മാ​യ ട്രെ​യി​ൻ യാ​ത്രാ​ക്ലേ​ശ​മാ​ണ് അ​നു​ഭ​വ​പ്പെ​ടു​ന്ന​ത്. രാ​വി​ലെ എ​റ​ണാ​കു​ള​ത്തേ​ക്ക് സ​ർ​വി​സ് ന​ട​ത്തു​ന്ന കൊ​ല്ലം-​എ​റ​ണാ​കു​ളം മെ​മു, തി​രു​ന​ൽ​വേ​ലി-​പാ​ല​ക്കാ​ട് പാ​ല​രു​വി എ​ക്സ്പ്ര​സ്, വേ​ണാ​ട് എ​ക്സ്പ്ര​സ് എ​ന്നി​വ​യി​ൽ തി​ര​ക്ക് കാ​ര​ണം ക​ടു​ത്ത ദു​രി​ത​മാ​ണ് യാ​ത്ര​ക്കാ​ർ അ​നു​ഭ​വി​ക്കു​ന്ന​ത്. ഇ​തി​ന് പ​രി​ഹാ​ര​മാ​യി പാ​ല​രു​വി, വേ​ണാ​ട് ട്രെ​യി​നു​ക​ൾ​ക്കി​ട​യി​ൽ മെ​മു സ​ർ​വി​സ് ആ​രം​ഭി​ക്ക​ണ​മെ​ന്നാ​ണ് ആ​വ​ശ്യം. ഇ​രു​ട്രെ​യി​നു​ക​ൾ​ക്കു​മി​ട​യി​ൽ ഒ​ന്ന​ര​മ​ണി​ക്കൂ​റി​ലേ​റെ ഇ​ട​വേ​ള​യു​ണ്ട്. ഇ​തി​നി​ട​യി​ൽ ഒ​രു പാ​സ​ഞ്ച​ർ ട്രെ​യി​നോ മെ​മു സ​ർ​വി​സോ വേ​ണ​മെ​ന്നു​ള്ള​ത് വ​ർ​ഷ​ങ്ങ​ളാ​യു​ള്ള ആ​വ​ശ്യ​മാ​ണ്. വേ​ണാ​ടി​ന്‍റെ റൂ​ട്ട് മാ​റ്റം ഉ​ൾ​പ്പെ​ടെ​യു​ള്ള സാ​ഹ​ച​ര്യ​ത്തി​ൽ ഇ​ത് അ​ത്യാ​വ​ശ്യ​മാ​ണെ​ന്ന് അ​വ​ർ പ​റ​യു​ന്നു.