പു​ക്കാ​ട്ടു​പ​ടി റോ​ഡി​ലെ കു​ഴി അ​പ​ക​ട​ക്കെ​ണി

പു​ക്കാ​ട്ടു​പ​ടി: വ​ള്ള​ത്തോ​ൾ വാ​യ​ന​ശാ​ല​ക്ക് സ​മീ​പം റോ​ഡി​ലെ കു​ഴി അ​പ​ക​ട ഭീ​ഷ​ണി. ആ​ലു​വ കി​ഴ​ക്ക​മ്പ​ലം പ്ര​ധാ​ന റോ​ഡി​ലാ​ണ് കു​ഴി. ഒ​ന്ന​ര വ​ർ​ഷം മു​മ്പ് കോ​ടി​ക​ൾ മു​ട​ക്കി ബി.​എം ബി.​സി നി​ല​വാ​ര​ത്തി​ൽ ടാ​റി​ങ് ന​ട​ത്തി​യ റോ​ഡാ​ണി​ത്.

ശ​ക്ത​മാ​യ മ​ഴ​യി​ൽ രൂ​പ​പ്പെ​ട്ട കു​ഴി​യു​ടെ സ​മീ​പ​ത്ത്​ എ​ത്തി​യാ​ൽ മാ​ത്ര​മേ തി​രി​ച്ച​റി​യാ​ൻ സാ​ധി​ക്കൂ. ആ​യ​തി​നാ​ൽ ദി​വ​സ​വും നി​ര​വ​ധി ഇ​രു​ച​ക്ര വാ​ഹ​ന​ങ്ങ​ളാ​ണ് ഇ​വി​ടെ അ​പ​ക​ട​ത്തി​ൽ​പെ​ടു​ന്ന​ത്. നാ​ലും കൂ​ടി​യ ജ​ങ്ഷ​ൻ കൂ​ടി​യാ​യ​തി​നാ​ൽ അ​പ​ക​ട​സാ​ധ്യ​ത കൂ​ടു​ത​ലാ​ണ്. ആ​ലു​വ ഭാ​ഗ​ത്തേ​ക്ക് പോ​കു​ന്ന ബ​സു​ക​ൾ​ക്ക് പു​റ​മെ വ​ലി​യ ടോ​റ​സ് ടി​പ്പ​റു​ക​ളും സ്കൂ​ൾ ബ​സു​ക​ളും സ​ഞ്ച​രി​ക്കു​ന്ന റോ​ഡ് കൂ​ടി​യാ​ണി​ത്.

ചെ​റി​യ കു​ഴി രൂ​പ​പ്പെ​ട്ട​പ്പോ​ൾ മു​ത​ൽ നാ​ട്ടു​കാ​ർ പ്ര​തി​ഷേ​ധ​വു​മാ​യി രം​ഗ​ത്തു​ണ്ടാ​യി​രു​ന്നു. എ​ന്നാ​ൽ, കു​ഴി വ​ലു​താ​യി​ട്ടും പൊ​തു​മ​രാ​മ​ത്ത് വ​കു​പ്പ് ന​ട​പ​ടി സ്വീ​ക​രി​ക്കു​ന്നി​ല്ലെ​ന്ന് നാ​ട്ടു​കാ​ർ പ​റ​ഞ്ഞു. പു​ക്കാ​ട്ടു​പ​ടി ജ​ങ്ഷ​നി​ലും റോ​ഡ് പൊ​ട്ടി​പ്പൊ​ളി​ഞ്ഞ് കു​ഴി രൂ​പ​പ്പെ​ടു​ന്നു​ണ്ട്.