സ്വ​കാ​ര്യ ബ​സി​ന്‍റെ വ​ഴി​മു​ട​ക്കി കാർ യാത്ര; 25,000 രൂ​പ പി​ഴ ഈടാക്കി

കാ​ക്ക​നാ​ട്: സ്വ​കാ​ര്യ ബ​സി​ന്‍റെ വ​ഴി​മു​ട​ക്കി കാ​ർ യാ​ത്ര, ഒ​ടു​വി​ൽ ബ​സ് അ​പ​ക​ട​ത്തി​ൽ​പെ​ടു​ക​യും ​തു​ട​ർ​ന്ന് കാ​ർ യാ​ത​ക്കാ​ർ ബ​സ് ഡ്രൈ​വ​റെ മ​ർ​ദി​ക്കു​ക​യും ചെ​യ്തു. പൊ​തു​ഗ​താ​ഗ​തം ത​ട​സ്സ​പ്പെ​ടു​ത്തി​യ​തി​ന്കാ​ർ യാ​ത്ര​ക്കാ​ര​ന് എ​റ​ണാ​കു​ളം ആ​ർ.​ടി.​ഒ 25,000 രൂ​പ ​പി​ഴ ചു​മ​ത്തി. ​

കാ​ക്ക​നാ​ട്-​എ​റ​ണാ​കു​ളം റൂ​ട്ടി​ൽ വെ​ള്ളി​യാ​ഴ്ച 6.30നാ​ണ് സം​ഭ​വം. കാ​ക്ക​നാ​ടു​നി​ന്ന്​ എ​റ​ണാ​കു​ള​ത്തേ​ക്ക് യാ​ത്ര​ക്കാ​രു​മാ​യി ​പു​റ​പ്പെ​ട്ട സ്വ​കാ​ര്യ ബ​സി​ന് മു​ന്നി​ൽ ക​ലൂ​ർ സ്റ്റേ​ഡി​യം മു​ത​ലാ​ണ് മാ​ർ​ഗ​ത​ട​സ്സ​വു​മാ​യി കാ​ർ യാ​ത്ര​ക്കാ​ര​നെ​ത്തു​ന്ന​ത്. ബ​സി​നു ക​ട​ന്നു​പോ​കാ​ന്‍ വ​ഴി​കൊ​ടു​ക്കാ​തെ വേ​ഗം കു​റ​ച്ച് ഓ​ടി​ക്കു​ക​യാ​യി​രു​ന്നു. എ​റ​ണാ​കു​ളം സ്വ​ദേ​ശി റി​നോ​യ് സെ​ബാ​സ്റ്റ്യ​നും സു​ഹൃ​ത്തു​മാ​യി​രു​ന്നു കാ​റി​ലു​ണ്ടാ​യി​രു​ന്ന​ത്. ക​ലൂ​ർ, മ​ണ​പ്പാ​ട്ടി പ​റ​മ്പ് സി​ഗ്ന​ലു​ക​ളി​ൽ ബ​സി​നെ ത​ട​ഞ്ഞി​ടാ​നും കാ​ർ യാ​ത്ര​ക്കാ​ർ ശ്ര​മി​ച്ചു.

ലി​സി ജ​ങ്ഷ​നി​ൽ കാ​റി​നെ മ​റി​ക​ട​ന്ന് പോ​യ ബ​സി​നെ പി​ന്തു​ട​ർ​ന്ന് വ​ല​തു​വ​ശം ചേ​ർ​ന്നു തെ​റ്റാ​യ ദി​ശ​യി​ൽ കാ​ർ എ​ത്തു​ന്ന​ത് ക​ണ്ട് ഭ​യ​ന്ന് ഡ്രൈ​വ​ർ ബ്രേ​ക്ക് ച​വി​ട്ടി​യ​പ്പോ​ൾ തൊ​ട്ടു​മു​ന്നി​ലെ മ​റ്റൊ​രു കാ​റി​ൽ ബ​സ് ഇ​ടി​ച്ചു. തു​ട​ർ​ന്ന് പി​ന്നാ​ലെ​യെ​ത്തി​യ റി​നോ​യ് സെ​ബാ​സ്റ്റ്യ​നും സു​ഹൃ​ത്തും ചേ​ർ​ന്ന് ബ​സ് ഡ്രൈ​വ​ർ പി.​എ. ന​വാ​സി​നെ മ​ർ​ദി​ക്കു​ക​യാ​യി​രു​ന്നു. അ​പ​ട​മു​ണ്ടാ​ക്കി​യ ബ​സ് ഡ്രൈ​വ​റെ മ​ർ​ദ്ദി​ക്കു​ന്ന രീ​തി​യി​ലാ​യി​രു​ന്നു യു​വാ​ക്ക​ൾ റോ​ഡി​ൽ സം​ഘ​ർ​ഷ​ത്തി​ന് ശ്ര​മി​ച്ച​ത് സം​ഭ​വ​ത്തി​നി​ടെ ഇ​തു​വ​ഴി വ​ന്ന മോ​ട്ടോ​ർ വെ​ഹി​ക്കി​ൾ ഇ​ൻ​സ്പെ​ക്ട​ർ എ.​ആ​ർ. രാ​ജേ​ഷ് വി​ഷ​യ​ത്തി​ൽ ഇ​ട​പെ​ട്ടു. ര​ണ്ടു വാ​ഹ​ന​ങ്ങ​ളും പ​രി​ശോ​ധി​ച്ച്​ എ​റ​ണാ​കു​ളം ആ​ർ.​ടി.​ഒ​ക്ക് റി​പ്പോ​ർ​ട്ട് ന​ൽ​കു​ക​യും ചെ​യ്തു. തു​ട​ർ​ന്ന് പൊ​തു​ഗ​താ​ഗ​തം ത​ട​സ്സ​പ്പെ​ടു​ത്തി​യ​തി​ന് കാ​ർ യാ​ത്ര​ക്കാ​ര​ന് ആ​ർ.​ടി.​ഒ 25,000 രൂ​പ ​പി​ഴ ചു​മ​ത്തു​ക​യാ​യി​രു​ന്നു.