ലിങ്ക് ചെയ്യാമോ; സ്റ്റേഡിയം ലിങ്ക് റോഡിലെ കുഴികളെ?

കൊ​ച്ചി: ‘എ​ത്ര​യെ​ത്ര അ​പ​ക​ട​ങ്ങ​ളാ​ണ് ഈ ​കു​ഴി​യി​ൽ വ​ണ്ടി​ക​ൾ വീ​ണു​ണ്ടാ​യ​തെ​ന്ന​റി​യാ​മോ? എ​ത്ര​വ​ട്ടം ചോ​ര വീ​ണി​ട്ടു​ണ്ടെ​ന്നോ ഇ​വി​ടെ. ഒ​രു​പാ​ട് കാ​ല​മാ​യി ഈ ​കോ​ല​ത്തി​ൽ കി​ട​ക്കാ​ൻ തു​ട​ങ്ങി​യി​ട്ട്. നാ​ട്ടു​കാ​ര് കു​റെ കാ​ല​മാ​യി ഇ​തൊ​ന്നു ശ​രി​യാ​ക്കി​ത്ത​രാ​ൻ പ​റ​യു​ന്നു. ആ​രും തി​രി​ഞ്ഞു​നോ​ക്കു​ന്നി​ല്ല’’ -സ്റ്റേ​ഡി​യം ലി​ങ്ക് റോ​ഡും പൈ​പ്പ് ലൈ​ൻ റോ​ഡും ത​മ്മി​ൽ ചേ​രു​ന്നി​ട​ത്തെ റോ​ഡി​ലെ വ​ൻ കു​ഴി​ക​ളെ ചൂ​ണ്ടി​ക്കാ​ട്ടി തൊ​ട്ട​രി​കി​ലെ ലോ​ട്ട​റി വി​ൽ​പ​ന​ക്കാ​രി പ്രി​യ ഇ​തു​പ​റ​യു​മ്പോ​ൾ അ​വ​രു​ടെ വാ​ക്കു​ക​ളി​ൽ നി​രാ​ശ​യു​ണ്ടാ​യി​രു​ന്നു. ക​ലൂ​ർ നെ​ഹ്റു സ്റ്റേ​ഡി​യം അ​ന്താ​രാ​ഷ്ട്ര നി​ല​വാ​ര​ത്തി​ലാ​ണെ​ങ്കി​ലും സ്റ്റേ​ഡി​യം ലി​ങ്ക് റോ​ഡ് നി​ല​വാ​ര​ത്തി​ൽ വ​ള​രെ താ​ഴെ​യാ​ണ്. ര​ണ്ടു കി​ലോ​മീ​റ്റ​റി​ലേ​റെ നീ​ള​മു​ള്ള റോ​ഡി​ൽ ര​ണ്ടു വ​ശ​ങ്ങ​ളി​ലു​മാ​യി എ​ത്ര കു​ഴി​ക​ളു​ണ്ടെ​ന്ന് ആ​ർ​ക്കും ക​ണ​ക്കി​ല്ല. ലി​ങ്ക് റോ​ഡും പൈ​പ് ലൈ​ൻ റോ​ഡും ത​മ്മി​ൽ ചേ​രു​ന്നി​ട​ത്തു​ള്ള കു​ഴി​ക​ളാ​ണ് ഏ​റ്റ​വും ഭീ​ക​രം. കു​ഴി മാ​ത്ര​മ​ല്ല, ഇ​വി​ടെ റോ​ഡും ഏ​റ​ക്കു​റെ ത​ക​ർ​ന്നു​കി​ട​ക്കു​ക​യാ​ണ്. ഇ​ട​ത​ട​വി​ല്ലാ​തെ വാ​ഹ​ന​ങ്ങ​ൾ ചീ​റി​പ്പാ​യു​ന്ന റോ​ഡി​ൽ വാ​ഹ​നാ​പ​ക​ട​ങ്ങ​ൾ പ​തി​വു​കാ​ഴ്ച​യാ​ണ്. കാ​റി​നും മ​റ്റും സൈ​ഡ് കൊ​ടു​ക്കു​മ്പോ​ൾ ഇ​രു​ച​ക്ര​വാ​ഹ​ന​ങ്ങ​ൾ കു​ഴി​യി​ൽ വീ​ഴു​ന്ന​താ​ണ് അ​പ​ക​ട​ത്തി​നു പ്ര​ധാ​ന കാ​ര​ണം.

മ​ഴ പെ​യ്ത് കു​ഴി​യി​ലും റോ​ഡി​ലും വെ​ള്ളം നി​റ​ഞ്ഞാ​ലു​ള്ള കാ​ര്യം പി​ന്നെ പ​റ​യേ​ണ്ട. എ​ത്ര പ​രി​ച​യ​മു​ള്ള ഡ്രൈ​വ​ർ​മാ​രാ​ണെ​ങ്കി​ലും ഇ​വി​ടെ​യെ​ത്തു​മ്പോ​ൾ ഒ​ന്നു പ​ത​റും. ത​മ്മ​നം-​പു​ല്ലേ​പ്പ​ടി റോ​ഡി​ൽ​നി​ന്ന് സ്റ്റേ​ഡി​യം ഭാ​ഗ​ത്തേ​ക്കു​ള്ള റോ​ഡി​ലൂ​ടെ പോ​യി, പൈ​പ്പ് ലൈ​ൻ റോ​ഡി​ലേ​ക്ക് തി​രി​യു​ന്ന പോ​യ​ന്‍റി​ൽ ത​ന്നെ​യു​ണ്ട് വ​ലി​യൊ​രു കു​ഴി. ഇ​തു​കൂ​ടാ​തെ ക​ലൂ​ർ ഐ.​എം.​എ ഹൗ​സി​നു മു​ന്നി​ലു​ൾ​പ്പെ​ടെ ഒ​റ്റ​യും തെ​റ്റ​യു​മാ​യി റോ​ഡി​ൽ വേ​റെ​യും കു​ഴി​ക​ളു​ണ്ട്.

കൊ​ച്ചി ന​ഗ​ര​ത്തി​ലെ തി​ര​ക്കൊ​ഴി​വാ​ക്കാ​ൻ നൂ​റു​ക​ണ​ക്കി​ന് വാ​ഹ​ന​ങ്ങ​ൾ തി​രി​ഞ്ഞു​പോ​കു​ന്ന റൂ​ട്ടാ​ണി​ത്. എം.​ജി റോ​ഡി​ലേ​ക്കും ക​ട​വ​ന്ത്ര​യി​ലേ​ക്കും സൗ​ത്ത് റെ​യി​ൽ​വേ സ്റ്റേ​ഷ​നി​ലേ​ക്കു​മെ​ല്ലാം വ​ലി​യ ഗ​താ​ഗ​ത​ക്കു​രു​ക്കി​ല്ലാ​തെ എ​ത്താ​നാ​കു​മെ​ന്ന​താ​ണ് ഈ ​റോ​ഡി​ലൂ​ടെ പോ​കു​ന്ന​തി​ന്‍റെ പ്ര​ധാ​ന കാ​ര​ണം. ജ​ന​പ്ര​തി​നി​ധി​ക​ളും ജി​ല്ല​യി​ലെ ഉ​ന്ന​ത ഉ​ദ്യോ​ഗ​സ്ഥ​രും ന്യാ​യാ​ധി​പ​രു​മു​ൾ​പ്പെ​ടെ ഈ ​റോ​ഡി​ലൂ​ടെ സ്ഥി​രം ക​ട​ന്നു​പോ​യി​ട്ടും ആ​രും റോ​ഡി​ന്‍റെ ശോ​ച്യാ​വ​സ്ഥ പ​രി​ഹ​രി​ക്കാ​ൻ മു​ന്നോ​ട്ടു​വ​രു​ന്നി​ല്ലെ​ന്ന് റോ​ഡ​രി​കി​ലെ ക​ച്ച​വ​ട​ക്കാ​രും മ​റ്റും പ​റ​യു​ന്നു.

‘അ​റ്റ​കു​റ്റ​പ്പ​ണി ഉ​ട​ൻ’

ലി​ങ്ക് റോ​ഡി​ന്‍റെ സ്ഥി​തി ദ​യ​നീ​യ​മാ​ണെ​ന്നും അ​റ്റ​കു​റ്റ​പ്പ​ണി ഉ​ട​ൻ തു​ട​ങ്ങു​മെ​ന്നും കാ​ര​ണ​ക്കോ​ടം ഡി​വി​ഷ​ൻ കൗ​ൺ​സി​ല​ർ ജോ​ർ​ജ് നാ​നാ​ട്ട് പ​റ​ഞ്ഞു. ഇ​തി​നു​ള്ള ടെ​ൻ​ഡ​ർ ന​ട​പ​ടി പൂ​ർ​ത്തി​യാ​യി​ട്ടു​ണ്ട്. അ​ടു​ത്ത​യാ​ഴ്ച പ്ര​വൃ​ത്തി തു​ട​ങ്ങു​മെ​ന്നാ​ണ് അ​റി​ഞ്ഞ​ത്. ത​ൽ​ക്കാ​ലം റീ​ടാ​റി​ങ് ഉ​ണ്ടാ​വി​ല്ലെ​ന്നും കു​ഴി​ക​ൾ കോ​ൺ​ക്രീ​റ്റ് മി​ശ്രി​ത​മു​പ​യോ​ഗി​ച്ച് അ​ട​ക്കു​ക​യാ​ണെ​ന്നും കൗ​ൺ​സി​ല​ർ ‘മാ​ധ്യ​മ’​ത്തോ​ട് പ​റ​ഞ്ഞു. അ​ടി​യ​ന്ത​ര​മാ​യി റോ​ഡ് അ​റ്റ​കു​റ്റ​പ്പ​ണി ന​ട​ത്ത​ണ​മെ​ന്നാ​വ​ശ്യ​പ്പെ​ട്ട് ഇ​ദ്ദേ​ഹം കോ​ർ​പ​റേ​ഷ​നി​ൽ രേ​ഖാ​മൂ​ലം പ​രാ​തി ന​ൽ​കി​യി​രു​ന്നു. ഇ​തി​ന്‍റെ കൂ​ടി അ​ടി​സ്ഥാ​ന​ത്തി​ലാ​ണ് ടെ​ൻ​ഡ​ർ ന​ട​പ​ടി​ക​ൾ സ്വീ​ക​രി​ച്ച​ത്.

വ​രു​ന്നു, പു​തി​യ യു ​ടേ​ൺ പ​രീ​ക്ഷ​ണം

സ്റ്റേ​ഡി​യം ലി​ങ്ക് റോ​ഡും ത​മ്മ​നം-​പു​ല്ലേ​പ്പ​ടി റോ​ഡും ത​മ്മി​ൽ ചേ​രു​ന്ന ഭാ​ഗ​ത്തെ ഗ​താ​ഗ​ത കു​രു​ക്കൊ​ഴി​വാ​ക്കാ​ൻ പു​തി​യ പ​രീ​ക്ഷ​ണ​വു​മാ​യി അ​ധി​കൃ​ത​ർ. എ​റ​ണാ​കു​ളം ഭാ​ഗ​ത്തു​നി​ന്ന് ത​മ്മ​ന​ത്തേ​ക്കു പോ​കു​ന്ന വ​ണ്ടി​ക​ൾ ഈ ​ജ​ങ്​​ഷ​നി​ൽ​നി​ന്ന് നേ​രി​ട്ടു പോ​കാ​തെ യു ​ടേ​ണെ​ടു​ത്ത് പോ​കു​ന്ന രീ​തി​യി​ലാ​ണ് ക്ര​മീ​ക​ര​ണം വ​രു​ന്ന​ത്. സ​മാ​ന​രീ​തി​യി​ൽ ത​മ്മ​നം ഭാ​ഗ​ത്തു​നി​ന്ന് സ്റ്റേ​ഡി​യം ഭാ​ഗ​ത്തേ​ക്കു പോ​കു​ന്ന​വ​രും കു​റ​ച്ചു മു​ന്നോ​ട്ടു​വ​ന്ന് യു ​ടേ​ണെ​ടു​ത്ത് പോ​കേ​ണ്ടി​വ​രും. ഗ​താ​ഗ​ത പ​രി​ഷ്കാ​ര​ത്തി​ന്‍റെ ഭാ​ഗ​മാ​യു​ള്ള മു​ന്നൊ​രു​ക്ക ജോ​ലി​ക​ൾ പു​രോ​ഗ​മി​ക്കു​ക​യാ​ണ്. ഈ ​റോ​ഡ​രി​കി​ലെ ത​ട​സ്സ​മാ​യി നി​ന്ന ര​ണ്ടു വൈ​ദ്യു​തി പോ​സ്റ്റു​ക​ളു​ൾ​പ്പെ​ടെ നീ​ക്കം ചെ​യ്തു. അ​ടു​ത്ത​യാ​ഴ്ച മു​ത​ൽ യു ​ടേ​ൺ പ​രി​ഷ്കാ​ര​വും ന​ട​പ്പാ​ക്കി​യേ​ക്കു​മെ​ന്ന് കൗ​ൺ​സി​ല​ർ പ​റ​ഞ്ഞു. ട്രാ​ഫി​ക് ഈ​സ്റ്റ് സ​ബ് ഡി​വി​ഷ​ൻ ത​യാ​റാ​ക്കി​യ റൂ​ട്ട് മാ​പ്പ് പ്ര​കാ​രം ത​മ്മ​നം ഭാ​ഗ​ത്തേ​ക്കു പോ​കു​ന്ന​വ​ർ 130 മീ​റ്റ​ർ വീ​ത​വും സ്റ്റേ​ഡി​യം ഭാ​ഗ​ത്തേ​ക്കു​ള്ള​വ​ർ 65 മീ​റ്റ​ർ വീ​ത​വും യു ​ടേ​ണി​നാ​യി മു​ന്നോ​ട്ടു​പോ​കേ​ണ്ടി​വ​രും.