സ്കൂ​ളി​ന്‍റെ ഹൗ​സ് പ​ദ്ധ​തി: കടലടി ഭയക്കാതെ വിനീഷിനും കുടുംബത്തിനും ഇനി അന്തിയുറങ്ങാം

പ​ള്ളു​രു​ത്തി: തോ​പ്പും​പ​ടി ഔ​വ​ർ ലേ​ഡീ​സ് കോ​ൺ​വ​ന്‍റ്​ ഗേ​ൾ​സ് ഹ​യ​ർ സെ​ക്ക​ൻ​ഡ​റി സ്കൂ​ൾ ചെ​ല്ലാ​നം ക​ണ്ട​ക​ട​വി​ൽ പ​ണി​ത വീ​ട് മാ​തൃ​ക​യാ​കു​ന്നു. ക​ട​ൽ ക​യ​റ്റം രൂ​ക്ഷ​മാ​യി അ​നു​ഭ​വ​പ്പെ​ടു​ന്ന ചെ​ല്ലാ​നം മേ​ഖ​ല​യി​ൽ തി​ര​മാ​ല​യ​ടി​യു​ടെ ഭീ​തി​യി​ല്ലാ​തെ അ​ന്തി​യു​റ​ങ്ങാ​ൻ പ്രാ​പ്ത​മാ​യ വീ​ടാ​ണ് സ്കൂ​ളി​ന്‍റെ ഹൗ​സ് ച​ല​ഞ്ച് പ​ദ്ധ​തി പ്ര​കാ​രം നി​ർ​മി​ച്ച 156ാമ​ത്തെ ഭ​വ​നം.

നാ​ല​ടി ഉ​യ​ര​ത്തി​ൽ കോ​ൺ​ക്രീ​റ്റ് തൂ​ണു​ക​ൾ നി​ർ​മി​ച്ച് അ​തി​നു മു​ക​ളി​ലാ​ണ് വീ​ട് നി​ർ​മി​ച്ചി​രി​ക്കു​ന്ന​ത്. സ്റ്റി​ൽ​റ്റ് ഹൗ​സ് എ​ന്നാ​ണ് പ​ദ്ധ​തി​ക്ക് പ​റ​യു​ന്ന​ത്.

കോ​ൺ​ക്രീ​റ്റ് തൂ​ണു​ക​ൾ ഏ​റെ ആ​ഴ​ത്തി​ലാ​ണ് ഉ​റ​പ്പി​ച്ചി​രി​ക്കു​ന്ന​ത്. ക​ട​ൽ ക​ട​ന്ന് വ​രു​ന്ന തി​ര​ക​ൾ കോ​ൺ​ക്രീ​റ്റ് തൂ​ണു​ക​ൾ​ക്കി​ട​യി​ലൂ​ടെ ക​ട​ന്ന് പോ​കും. പാ​തി​രാ​ക്കാ​ണ് തി​ര​യ​ടി​ച്ച് ക​യ​റു​ന്ന​തെ​ങ്കി​ലും മു​ക​ളി​ൽ അ​ന്തി​യു​റ​ങ്ങു​ന്ന​വ​രെ ബാ​ധി​ക്കി​ല്ല. തു​ട​ർ​ച്ച​യാ​യി ക​ട​ലേ​റ്റ ഭീ​ഷ​ണി​മൂ​ലം വീ​ടു​ക​ൾ ന​ശി​ക്കു​ന്ന ചെ​ല്ലാ​ന​ത്ത് ആ​ദ്യ​മാ​യി ന​ട​ത്തു​ന്ന പ​രീ​ക്ഷ​ണ​മാ​ണി​ത്. അ​തും ഒ​രു വി​ദ്യാ​ല​യ​ത്തി​ന്‍റെ സ​മൂ​ഹ ന​ന്മ​യു​ടെ ഭാ​ഗ​മാ​യി പ​ണി​ത വീ​ട്.

വി​നീ​ഷി​നും കു​ടും​ബ​ത്തി​നു​മാ​ണ് വീ​ട് വെ​ച്ചു​ന​ൽ​കി​യ​ത്. അ​ടി​ക്ക​ടി​യു​ണ്ടാ​യ ക​ട​ലേ​റ്റം മൂ​ലം ഇ​വ​രു​ടെ കൊ​ച്ചു​വീ​ടും വീ​ട്ടു​പ​ക​ര​ണ​ങ്ങ​ളും ന​ശി​ച്ചു​പോ​യി​രു​ന്നു. സ്കൂ​ൾ പ്രി​ൻ​സി​പ്പ​ൽ സി​സ്റ്റ​ർ ലി​സി ച​ക്കാ​ല​ക്ക​ലി​നോ​ട് സ​ങ്ക​ടം പ​റ​ഞ്ഞ​തോ​ടെ​യാ​ണ് തീ​ര​ത്തി​ന് യോ​ജി​ച്ച പ​ദ്ധ​തി ഒ​രു​ക്കി​യ​ത്. വി​നീ​ഷി​ന്‍റെ ഏ​ക​മ​ക​ൾ ഈ ​വി​ദ്യാ​ല​യ​ത്തി​ലാ​ണ് പ​ഠി​ക്കു​ന്ന​ത്. നി​ല​വി​ൽ വീ​ടു​ണ്ടാ​യ ഇ​ട​ത്തു​ത​ന്നെ തീ​രം ക​യ​റി വ​രു​ന്ന തി​ര​മാ​ല​ക​ളെ പ്ര​തി​രോ​ധി​ക്കാ​ൻ സി​സ്റ്റ​ർ സ്റ്റി​ൽ​റ്റ് ഹൗ​സ് എ​ന്ന പ​ദ്ധ​തി ഒ​രു​ക്കു​ക​യാ​യി​രു​ന്നു. ര​ണ്ട് നി​ല വീ​ട്ടി​ൽ ര​ണ്ട്​ മു​റി, അ​ടു​ക്ക​ള ,ഹാ​ൾ എ​ന്നി​വ​യു​ണ്ട്.

കോ​ൺ​ഫി​ഡ​ന്റ് ഗ്രൂ​പ്പി​ന്റെ സ​ഹാ​യ​ത്തോ​ടെ നി​ർ​മി​ച്ച ആ​ദ്യ സ്റ്റി​ൽ​റ്റ് ഹൗ​സി​ന്റെ താ​ക്കോ​ൽ ദാ​നം ജ​സ്റ്റി​സ്‌ ദേ​വ​ൻ രാ​മ​ച​ന്ദ്ര​ൻ നി​ർ​വ​ഹി​ച്ചു.

സ്കൂ​ൾ പ്രി​ൻ​സി​പ്പ​ൽ അ​ധ്യ​ക്ഷ​ത വ​ഹി​ച്ചു. കോ​ൺ​ഫി​ഡ​ന്റ് ഗ്രൂ​പ് എം.​ഡി ടി.​എ. ജോ​സ​ഫ് മു​ഖ്യാ​തി​ഥി​യാ​യി. ചെ​ല്ലാ​നം പ​ഞ്ചാ​യ​ത്ത് പ്ര​സി​ഡ​ന്റ് കെ.​എ​ൽ. ജോ​സ​ഫ്, ഫാ. ​ജ​യ്സ​ൺ മു​ള​രി​ക്ക​ൽ, ജോ​യ് തു​ളു​വ​ത്ത്, രൂ​പ ജോ​ർ​ജ്, പ​യ​സ് ആ​ന്റ​ണി, ഫാ. ​ജോ​സ് പ്ര​മോ​ദ്, ജോ​സ​ഫ് സു​മി​ത്, ലി​ല്ലി പോ​ൾ, റോ​ജി സു​മി​ത് എ​ന്നി​വ​ർ സം​സാ​രി​ച്ചു.