കൊച്ചി നഗരത്തിലെ നിരീക്ഷണ കാമറ: കരാറുകാർക്ക് മൂന്നുമാസംകൂടി സമയം നൽകും

കൊ​ച്ചി: കോ​ർ​പ​റേ​ഷ​ൻ പ​രി​ധി​യി​ൽ മാ​ലി​ന്യം ത​ള്ള​ൽ നി​രീ​ക്ഷി​ക്കാ​നു​ള്ള കാ​മ​റ​ക​ൾ സ്ഥാ​പി​ക്കു​ന്ന ക​രാ​ർ ക​മ്പ​നി​യു​ടെ പ്ര​വ​ർ​ത്ത​നം എ​ങ്ങു​മെ​ത്താ​ത്ത​തി​നെ​ത്തു​ട​ർ​ന്ന് മൂ​ന്നു​മാ​സം കൂ​ടി നീ​ട്ടി​ന​ൽ​കും.

കോ​ർ​പ​റേ​ഷ​ൻ കൗ​ൺ​സി​ലി​ൽ മേ​യ​ർ എം. ​അ​നി​ൽ​കു​മാ​റാ​ണ് ഇ​ക്കാ​ര്യം അ​റി​യി​ച്ച​ത്. പൊ​തു​സ്ഥ​ല​ങ്ങ​ളി​ല്‍ മാ​ലി​ന്യം വ​ലി​ച്ചെ​റി​യു​ന്ന​വ​രെ ക​ണ്ടെ​ത്തി പി​ഴ ചു​മ​ത്ത​ല്‍ ഉ​ൾ​പ്പെ​ടെ ന​ട​പ​ടി​ക​ള്‍ സ്വീ​ക​രി​ക്കു​ന്ന​തി​നാ​യി ന​ഗ​ര​സ​ഭാ​തി​ര്‍ത്തി​ക്കു​ള്ളി​ല്‍ നി​രീ​ക്ഷ​ണ കാ​മ​റ​ക​ള്‍ സ്ഥാ​പി​ക്കു​ന്ന പ​ദ്ധ​തി ഇ​ഴ​യു​ന്നു​വെ​ന്ന് പ്ര​തി​പ​ക്ഷം കൗ​ൺ​സി​ലി​ൽ ആ​ക്ഷേ​പ​മു​ന്ന​യി​ച്ചു. ഒ​രു​വ​ര്‍ഷം പി​ന്നി​ട്ടി​ട്ടും പ​ദ്ധ​തി അ​ന​ന്ത​മാ​യി നീ​ളു​ക​യാ​ണ്. വീ​ണ്ടും ക​രാ​റു​കാ​ര്‍ക്ക് സ​മ​യം നീ​ട്ടി​ന​ല്‍കാ​നു​ള്ള നീ​ക്കം അ​നു​വ​ദി​ക്കാ​നാ​കി​ല്ലെ​ന്നും പു​തി​യ ക​രാ​റു​കാ​രെ ക​ണ്ടെ​ത്ത​ണ​മെ​ന്നും പ്ര​തി​പ​ക്ഷം ആ​വ​ശ്യ​പ്പെ​ട്ടു.

ഇ​തു​മാ​യി ബ​ന്ധ​പ്പെ​ട്ട ഒ​രു​പ​ണി​യും ആ​രം​ഭി​ച്ചി​ട്ടി​ല്ലെ​ന്നും ഇ​തി​നി​ടെ ക​രാ​ര്‍ നീ​ട്ടി​ന​ല്‍കാ​നു​ള്ള തീ​രു​മാ​നം അം​ഗീ​ക​രി​ക്കാ​നാ​കി​ല്ലെ​ന്നും യു.​ഡി.​എ​ഫ് പാ​ര്‍ല​മെ​ന്റ​റി​കാ​ര്യ നേ​താ​വ് എം.​ജി. അ​രി​സ്റ്റോ​ട്ടി​ല്‍ പ​റ​ഞ്ഞു.

കാ​ല​താ​മ​സം വ​രു​ത്തി​യ​തി​ന്റെ കാ​ര​ണ​മെ​ന്താ​ണെ​ന്ന് ഫ​യ​ല്‍ പ​രി​ശോ​ധി​ച്ച​ശേ​ഷം മാ​ത്ര​മേ തു​ട​ര്‍ ന​ട​പ​ടി​ക​ള്‍ സ്വീ​ക​രി​ക്കാ​വൂ എ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തെ​ങ്കി​ലും മേ​യ​ര്‍ ഇ​തം​ഗീ​ക​രി​ച്ചി​ല്ല. മൂ​ന്നു​മാ​സം​കൂ​ടി ക​രാ​റു​കാ​ര്‍ക്ക് സ​മ​യം ന​ല്‍കാ​മെ​ന്നും അ​തു​വ​രെ​യു​ള്ള പ്ര​വ​ര്‍ത്ത​ന​ങ്ങ​ള്‍ വി​ല​യി​രു​ത്തി​യ​ശേ​ഷം ഉ​ചി​ത​മാ​യ ന​ട​പ​ടി​ക​ള്‍ സ്വീ​ക​രി​ക്കാ​മെ​ന്നും മേ​യ​ര്‍ കൗ​ൺ​സി​ലി​ൽ വ്യ​ക്ത​മാ​ക്കി.

കോ​ഴി​ക്കോ​ട് കോ​ര്‍പ​റേ​ഷ​നി​ല്‍ കാ​മ​റ​ക​ള്‍ സ്ഥാ​പി​ച്ചി​ട്ടു​ള്ള സ​തേ​ണ്‍ ഇ​ല​ക്‌​ട്രോ​ണി​ക്‌​സ് ആ​ന്‍ഡ് സെ​ക്യൂ​രി​റ്റി സി​സ്റ്റം​സ് എ​ന്ന ക​മ്പ​നി​ക്കാ​ണ് ക​രാ​ര്‍ ന​ല്‍കി​യ​ത്.

600 കാ​മ​റ​ക​ള്‍ക്ക് പ​ക​ര​മാ​യി ക​മ്പ​നി​യു​ടെ അ​ത്ര​ത​ന്നെ പ​ര​സ്യ ബോ​ര്‍ഡു​ക​ള്‍ സ്ഥാ​പി​ക്കാ​നും അ​നു​മ​തി ന​ല്‍കി​യി​രു​ന്നു. ഒ​രു വ​ര്‍ഷ​മാ​ണ് ഇം​പ്ലി​മെ​ന്റേ​ഷ​ന്‍ കാ​ല​പ​രി​ധി നി​ശ്ച​യി​ച്ച​ത്. ഈ ​സ​മ​യം നീ​ട്ടി​ന​ല്‍ക​ണ​മെ​ന്നാ​വ​ശ്യ​പ്പെ​ട്ട് ക​രാ​റു​കാ​ര്‍ കോ​ര്‍പ​റേ​ഷ​നെ സ​മീ​പി​ക്കു​ക​യാ​യി​രു​ന്നു.