കടലിൽ വള്ളം മറിഞ്ഞു; തൊഴിലാളികളെ രക്ഷപ്പെടുത്തി
text_fieldsമട്ടാഞ്ചേരി: കൊച്ചിക്ക് പടിഞ്ഞാറ് കടലിൽ മത്സ്യബന്ധനത്തിനിടെ വള്ളം മറിഞ്ഞു. വല വലിച്ചു കയറ്റുന്നതിനിടെ വള്ളം മറിയുകയായിരുന്നു. വള്ളത്തിലുണ്ടായിരുന്ന 17 തൊഴിലാളികളിൽ ഒരാൾ നീന്തി കരക്ക്കയറി. 16 പേർ കാരിയർ വള്ളത്തിൽ കയറുകയും തുടർന്ന് ബോട്ടുകാർ രക്ഷപ്പെടുത്തുകയും ചെയ്തു. ഒരു ലക്ഷത്തിലെറെ രൂപയുടെ നഷ്ടം കണക്കാക്കുന്നു. ചൊവ്വാഴ്ച വെളുപ്പിന് അഞ്ചരയോടെയാണ് അപകടം നടന്നത്. ചെല്ലാനം ഹാർബറിൽനിന്ന് മീൻ പിടിക്കാൻ പോയ സാംസൺ എന്നയാളുടെ ഉടമസ്ഥതയിലുള്ള യഹോവ ഉയിരെ എന്ന വള്ളമാണ് അപകടത്തിൽപ്പെട്ടത്. വള്ളവും വലയും മത്സ്യബന്ധന ബോട്ടിന്റെ സഹായത്തോടെ ചെല്ലാനം ഫിഷറീസ് ഹാർബറിലെത്തിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.