കണ്ടെയ്‌നർ ലോറി ക്ഷേത്ര മൈതാനിയിലേക്ക് പാഞ്ഞുകയറി; ഒഴിവായത് വൻ ദുരന്തം

ചെ​റാ​യി: നി​യ​ന്ത്ര​ണം​വി​ട്ട ക​ണ്ടെ​യ്‌​ന​ർ ലോ​റി പ​ള്ള​ത്താം​കു​ള​ങ്ങ​ര ഭ​ഗ​വ​തി ക്ഷേ​ത്ര മൈ​താ​നി​യി​ലേ​ക്ക് പാ​ഞ്ഞു​ക​യ​റി. തി​ങ്ക​ളാ​ഴ്ച രാ​ത്രി ഒ​ന്നോ​ടെ​യാ​ണ് സം​ഭ​വം. വ​ല്ലാ​ർ​പാ​ട​ത്തു​നി​ന്ന് ടൈ​ലു​ക​ൾ നി​റ​ച്ച ക​ണ്ടെ​യ്‌​ന​ർ മ​ല​പ്പു​റ​ത്തേ​ക്ക് പോ​കു​ന്ന​തി​നി​ട​യി​ലാ​ണ് അ​പ​ക​ട​ത്തി​ൽ​പെ​ട്ട​ത്. തെ​ക്കേ​വ​ള​വി​ലെ​ത്തി​യ​പ്പോ​ൾ നി​യ​ന്ത്ര​ണം​വി​ട്ട ലോ​റി ക​ൾ​വ​ർ​ട്ടും ചാ​ടി​ക്ക​ട​ന്ന് 30 മീ​റ്റ​റോ​ളം മു​ന്നോ​ട്ടു​നീ​ങ്ങി ക്ഷേ​ത്ര മൈ​താ​നി​യി​ലാ​ണ് ചെ​ന്ന് നി​ന്ന​ത്. ചാ​റ്റ​ൽ മ​ഴ ഉ​ണ്ടാ​യി​രു​ന്ന​തി​നാ​ൽ എ​തി​രെ വ​ന്ന വാ​ഹ​ന​ത്തി​ന് സൈ​ഡ് കൊ​ടു​ക്കു​ന്ന​തി​നി​ടെ നി​യ​ന്ത്ര​ണം വി​ട്ട​താ​ണെ​ന്ന് പാ​ല​ക്കാ​ട്‌ സ്വ​ദേ​ശി​യാ​യ ഡ്രൈ​വ​ർ പ​റ​ഞ്ഞു. പു​ല​ർ​ച്ച മൈ​താ​ന​ത്ത്​ വ്യാ​യാ​മം ചെ​യ്യാ​ൻ ആ​ളു​ക​ൾ എ​ത്തു​ന്ന​ത് പ​തി​വാ​ണ്.

സം​ഭ​വ​സ​മ​യം പ്ര​ദേ​ശ​ത്ത് ആ​ളു​ക​ൾ ഇ​ല്ലാ​തി​രു​ന്ന​തി​നാ​ൽ വ​ലി​യ അ​പ​ക​ടം ഒ​ഴി​വാ​യി. ഇ​തി​നു മു​മ്പും പ​ല​ത​വ​ണ ഈ ​വ​ള​വി​ൽ​നി​ന്നും വാ​ഹ​ന​ങ്ങ​ൾ മൈ​താ​ന​ത്തേ​ക്ക് ക​യ​റി​യി​ട്ടു​ണ്ട്. ഇ​രു​വ​ശ​ത്തു​നി​ന്നും വ​രു​ന്ന വാ​ഹ​ന​ങ്ങ​ൾ​ക്ക് കാ​ണ​ത്ത​ക്ക വി​ധം പ​ള്ള​ത്താം​കു​ള​ങ്ങ​ര​യി​ലെ വ​ള​വു​ക​ളി​ൽ മു​ന്ന​റി​യി​പ്പ് ബോ​ർ​ഡു​ക​ളോ റി​ഫ്ല​ക്ട​ർ സി​ഗ്‌​ന​ലു​ക​ളോ ഇ​ല്ല. ഇ​തി​നു മു​മ്പും പ​ള്ള​ത്താം​കു​ള​ങ്ങ​ര ക്ഷേ​ത്ര​ത്തി​ന്‍റെ ഇ​രു​വ​ള​വി​ലും നി​ര​വ​ധി അ​പ​ക​ട​ങ്ങ​ൾ ഉ​ണ്ടാ​യി​ട്ടു​ണ്ട്. മ​ണ്ണി​ലേ​ക്ക് ആ​ഴ്ന്നി​റ​ങ്ങി​യ ക​ണ്ടെ​യ്ന​ർ ലോ​റി​യി​ൽ നി​ന്ന്​ ടൈ​ലു​ക​ൾ മ​റ്റൊ​രു ലോ​റി​​യി​ലേ​ക്ക്​ മാ​റ്റി ക്രെ​യി​നും മ​ണ്ണു​മാ​ന്തി യ​ന്ത്ര​വും ഉ​പ​യോ​ഗി​ച്ച് റോ​ഡി​ലേ​ക്ക് ക​യ​റ്റാ​നു​ള്ള ശ്ര​മം രാ​ത്രി വൈ​കി​യും ന​ട​ക്കു​ക​യാ​ണ്.