സ്ലാബിന് ബലമില്ല; യാത്രക്കാർ ജാഗ്രതൈ
text_fieldsപ്യാരി ജങ്ഷന് സമീപം ഓടക്ക് മുകളിൽ സ്ഥാപിച്ച കോൺക്രീറ്റ് സ്ലാബ് തകർന്നപ്പോൾ
മട്ടാഞ്ചേരി: തോപ്പുംപടി പ്യാരി ജങ്ഷന് സമീപം നട പാതയിൽ ഓടക്ക് മുകളിൽ പാകിയ കോൺക്രീറ്റ് സ്ലാബ് തകർന്ന് യുവതി കാനയിൽ വീണു. നാട്ടുകാരാണ് യുവതിയെ ആഴമേറിയ കാനയിൽനിന്ന് പുറത്തേക്കെടുത്തത്. വ്യാഴാഴ്ച വൈകീട്ട് നാലരയോടെയായിരുന്നു സംഭവം. ചെറിയ പരിക്കേറ്റ സംഭവിച്ച യുവതി പേര് വെളിപ്പെടുത്താതെ ഓട്ടോറിക്ഷയിൽ കയറി പോകുകയായിരുന്നു. നിരവധി യാത്രക്കാർ സഞ്ചരിക്കുന്ന മേഖലയിലെ സ്ലാബുകളുടെ ഗുണമേന്മയില്ലായ്മ വലിയ ദുരന്തത്തിനിടയാക്കുമെന്ന് നാട്ടുകാർ ചൂണ്ടിക്കാട്ടി. രണ്ടു മാസം മുമ്പ് തോപ്പുംപടിയിൽ ഒരു യുവാവ് സ്ലാബ് തകർന്ന് ഓടയിൽ വീണിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.