ഹാർബർപാലം ഇരുട്ടിലായിട്ട് മാസങ്ങൾ; അപകടം തുടർക്കഥ

മ​ട്ടാ​ഞ്ചേ​രി: കൊ​ച്ചി​യു​ടെ മു​ഖ​മു​ദ്ര​യാ​യി അ​റി​യ​പ്പെ​ടു​ന്ന തോ​പ്പും​പ​ടി ഹാ​ർ​ബ​ർ പാ​ലം ഇ​രു​ട്ടി​ലാ​യി​ട്ട് മാ​സ​ങ്ങ​ൾ പി​ന്നി​ടു​മ്പോ​ഴും അ​ധി​കൃ​ത​ർ ന​ട​പ​ടി സ്വീ​ക​രി​ക്കാ​ത്ത​ത് പ്ര​തി​ഷേ​ധ​ത്തി​നി​ട​യാ​ക്കു​ന്നു. പാ​ലം ഇ​രു​ട്ടി​ലാ​യ​തോ​ടെ അ​പ​ക​ട​ങ്ങ​ൾ ഇ​വി​ടെ പ​തി​വാ​യി​രി​ക്കു​ക​യാ​ണ്. അ​ടു​ത്തി​ടെ ന​ട​ന്ന പാ​ലം ന​വീ​ക​ര​ണ​ത്തി​ന്റെ ഭാ​ഗ​മാ​യു​ള്ള പ്ര​വൃ​ത്തി​ക​ൾ​ക്കി​ട​യി​ൽ വൈ​ദ്യു​തി കേ​ബി​ൾ മു​റി​ഞ്ഞ​താ​ണ് വി​ള​ക്കു​ക​ൾ തെ​ളി​യാ​തി​രി​ക്കാ​ൻ കാ​ര​ണ​മെ​ന്നാ​ണ് പ​റ​യു​ന്ന​ത്.

85 ല​ക്ഷം രൂ​പ​യോ​ളം വി​നി​യോ​ഗി​ച്ചാ​ണ് പൈ​തൃ​ക​പെ​രു​മ പേ​റു​ന്ന ഹാ​ർ​ബ​ർ പാ​ലം ന​വീ​ക​രി​ച്ച​ത്. ന​വീ​ക​ര​ണ​ത്തി​നി​ട​യാ​ണ് വൈ​ദ്യു​തി കേ​ബി​ൾ മു​റി​ഞ്ഞ​തെ​ങ്കി​ലും ക​രാ​റു​കാ​ര​നും പ​രി​ഹാ​ര​ത്തി​നാ​യി ന​ട​പ​ടി സ്വീ​ക​രി​ച്ചി​ല്ല. ന​വീ​ക​രി​ച്ച പാ​ലം ഉ​ദ്ഘാ​ട​നം ന​ട​ക്കു​മ്പോ​ഴും പാ​ലം ഇ​രു​ട്ടി​ലാ​യി​രു​ന്നു. പാ​ല​ത്തി​ലെ വി​ള​ക്കു​ക​ൾ തെ​ളി​യാ​ത്ത​ത് സം​ബ​ന്ധി​ച്ച് ന​ഗ​ര​സ​ഭ അ​ധി​കൃ​ത​രെ പൊ​തു​പ്ര​വ​ർ​ത്ത​ക​ർ പ​ല​ത​വ​ണ അ​റി​യി​ച്ചെ​ങ്കി​ലും ന​ട​പ​ടി ഉ​ണ്ടാ​യി​ട്ട​ില്ല. കേ​ബി​ൾ അ​റ്റ​കു​റ്റ​പ്പ​ണി ന​ട​ത്തേ​ണ്ട​ത് വൈ​ദ്യു​തി വ​കു​പ്പാ​ണെ​ന്ന്​ ന​ഗ​ര​സ​ഭ പ​റ​യു​ന്നു.

വൈ​ദ്യു​തി ബോ​ർ​ഡ് അ​ധി​കൃ​ത​രാ​ക​ട്ടേ കേ​ബി​ൾ മു​റി​ച്ച​ത് പൊ​തു​മ​രാ​മ​ത്താ​യ​തി​നാ​ൽ അ​വ​ർ ശ​രി​യാ​ക്ക​ട്ടേ എ​ന്ന നി​ല​പാ​ടി​ലാ​ണ്. പൊ​തു​മ​രാ​മ​ത്ത് അ​ധി​കൃ​ത​രാ​ക​ട്ടെ നേ​രെ തി​രി​ച്ചും പ​ഴി​പ​റ​ഞ്ഞ് ത​ല​യൂ​രു​ന്ന സ​മീ​പ​ന​മാ​ണ് സ്വീ​ക​രി​ച്ച​തെ​ന്നും ആ​ക്ഷേ​പ​മു​ണ്ട്. വ​കു​പ്പു​ക​ൾ പ​ര​സ്പ​രം പ​ഴി ചാ​രി ത​ടി ത​പ്പു​മ്പോ​ൾ ഹാ​ർ​ബ​ർ പാ​ലം ഇ​രു​ട്ടി​ൽ തു​ട​രു​ക​യാ​ണ്. ഒ​പ്പം അ​പ​ക​ട​ങ്ങ​ളും പ​തി​വാ​കു​ന്നു. പൊ​തു​പ്ര​വ​ർ​ത്ത​ക​ൻ ഹാ​രി​സ് അ​ബു ഇ​ത് സം​ബ​ന്ധി​ച്ച് മു​ഖ്യ​മ​ന്ത്രി​ക്ക് പ​രാ​തി ന​ൽ​കി​ട്ടു​ണ്ട്.