വഴിനീളെ മാലിന്യം; രോഗ ഭീതിയിൽ നാട്

മ​ട്ടാ​ഞ്ചേ​രി: തെ​രു​വു​ക​ളി​ൽ മാ​ലി​ന്യം നി​റ​യു​ന്ന​ത്​ സാം​ക്ര​മി​ക​രോ​ഗ ഭീ​തി ഉ​യ​ർ​ത്തു​ന്നു. ഒ​ഴി​ഞ്ഞു​കി​ട​ക്കു​ന്ന പ​റ​മ്പു​ക​ൾ, ആ​ൾ​സ​ഞ്ചാ​രം കു​റ​ഞ്ഞ റോ​ഡു​ക​ൾ എ​ന്നി​വി​ട​ങ്ങ​ളി​ൽ മാ​ലി​ന്യം കു​ന്നു​പോ​ലെ കൂ​ടു​ക​യാ​ണ്. മാ​ലി​ന്യ നീ​ക്ക​ത്തി​ൽ ന​ഗ​ര​സ​ഭ പ​രാ​ജ​യ​മാ​ണെ​ന്ന് തെ​ളി​യി​ക്കു​ന്ന കാ​ഴ്ച​ക​ളാ​ണ് കൊ​ച്ചി​യി​ലെ ഓ​രോ തെ​രു​വോ​ര​ങ്ങ​ളി​ലും കാ​ണു​ന്ന​ത്. വീ​ടു​ക​ളി​ൽ​നി​ന്നു​ള്ള മാ​ലി​ന്യ​ശേ​ഖ​ര​ണം കാ​ര്യ​ക്ഷ​മ​മ​ല്ലെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.

പ്ലാ​സ്റ്റി​ക് മാ​ലി​ന്യം വീ​ടു​ക​ളി​ൽ​നി​ന്നും ശേ​ഖ​രി​ക്കു​ന്ന ന​ട​പ​ടി​ക​ൾ ചി​ല ഡി​വി​ഷ​നു​ക​ളി​ൽ മാ​ത്ര​മേ ആ​രം​ഭി​ച്ചി​ട്ടു​ള്ളൂ. ഇ​തോ​ടെ വീ​ടു​ക​ളി​ൽ പ്ലാ​സ്റ്റി​ക് മാ​ലി​ന്യം കു​ന്നു​കൂ​ടി. ചി​ല​ർ പ്ലാ​സ്റ്റി​ക് ക​ത്തി​ക്കു​ക​യാ​ണ്. ന​ല്ലൊ​രു വി​ഭാ​ഗം കി​റ്റു​ക​ളി​ലാ​ക്കി റോ​ഡി​ലേ​ക്ക് വ​ലി​ച്ചെ​റി​യു​ന്നു​മു​ണ്ട്. മ​ത്സ്യ, മാം​സ അ​വ​ശി​ഷ്ട​ങ്ങ​ൾ ഉ​ൾ​പ്പെ​ടെ​യു​ള്ള മാ​ലി​ന്യം ചീ​ഞ്ഞു​നാ​റു​ക​യാ​ണ്. ബ്ര​ഹ്മ​പു​രം മാ​ലി​ന്യ സം​സ്ക​ര​ണ പ്ലാ​ന്റി​ലെ തീ​പി​ടി​ത്ത​ത്തെ തു​ട​ർ​ന്ന് മാ​ലി​ന്യ​നീ​ക്കം സ്തം​ഭി​ച്ചെ​ന്ന് തെ​ളി​യി​ക്കു​ന്ന കാ​ഴ്ച​ക​ളാ​ണ് ഓ​രോ തെ​രു​വി​ലും ദൃ​ശ്യ​മാ​കു​ന്ന​ത്.

ഇ​തി​നി​ടെ ശു​ചീ​ക​ര​ണ തൊ​ഴി​ലാ​ളി​ക​ൾ ചി​ല​യി​ട​ങ്ങ​ളി​ൽ വ​ഴി​യോ​ര​ങ്ങ​ളി​ലെ മാ​ലി​ന്യം ശേ​ഖ​രി​ച്ചു തു​ട​ങ്ങി​യി​ട്ടു​ണ്ട്. എ​ന്നാ​ൽ, ഏ​റെ ബു​ദ്ധി​മു​ട്ട് ഏ​റി​യ പ്ര​ക്രി​യ അ​ഴു​കി​ക്കി​ട​ക്കു​ന്ന മാ​ലി​ന്യ​ത്തി​ൽ​നി​ന്നും പ്ലാ​സ്റ്റി​ക് മാ​ലി​ന്യം നീ​ക്കു​ക​യെ​ന്ന​താ​ണ്. അ​ടി​യ​ന്ത​ര പ്രാ​ധാ​ന്യം ന​ൽ​കി തെ​രു​വു​ക​ളി​ലെ മാ​ലി​ന്യം നീ​ക്കം​ചെ​യ്തി​ല്ലെ​ങ്കി​ൽ സാം​ക്ര​മി​ക​രോ​ഗ​ങ്ങ​ൾ പ​ട​രാ​ൻ കാ​ര​ണ​മാ​കു​മെ​ന്ന് നാ​ട്ടു​കാ​ർ ചൂ​ണ്ടി​ക്കാ​ട്ടു​ന്നു.

‘അധികാരികൾ പൂർണ പരാജയം’

കൊ​ച്ചി: ന​ഗ​ര​സ​ഭ അ​ധി​കാ​രി​ക​ൾ മാ​ലി​ന്യ​നീ​ക്ക​ത്തി​ൽ പൂ​ർ​ണ പ​രാ​ജ​യ​മെ​ന്ന് തെ​ളി​യി​ക്കു​ക​യാ​ണെ​ന്ന്​ ന​ഗ​ര​സ​ഭ പ്ര​തി​പ​ക്ഷ നേ​താ​വ്​ ആ​ന്റ​ണി കു​രീ​ത്ത​റ. നാ​ളി​തു​വ​രെ ഇ​ത്ത​ര​ത്തി​ൽ ഒ​രു സ്ഥി​തി ഉ​ണ്ടാ​യി​ട്ടി​ല്ല. കൊ​ച്ചി ന​ഗ​ര​സ​ഭ​യു​ടെ ഭാ​ഗ​ത്തു​നി​ന്നു​ള്ള വ​ലി​യൊ​രു വീ​ഴ്ച​യാ​ണി​ത്.

ബ്ര​ഹ്മ​പു​രം മാ​ലി​ന്യ സം​സ്ക​ര​ണ പ്ലാ​ന്‍റി​ലെ തീ​പി​ടി​ത്ത​ത്തെ തു​ട​ർ​ന്ന് മാ​ലി​ന്യ​നീ​ക്കം സ്തം​ഭി​ച്ചി​രി​ക്കു​ക​യാ​ണ് എ​ന്ന് തെ​ളി​യി​ക്കു​ന്ന കാ​ഴ്ച​യാ​ണ് ന​ഗ​ര​ത്തി​ന്റെ വി​വി​ധ പ്ര​ദേ​ശ​ങ്ങ​ളി​ലെ വ​ഴി​ക​ളി​ലും ഇ​ട​റോ​ഡു​ക​ളി​ലും പൊ​തു​യി​ട​ങ്ങ​ളി​ലും കാ​ണു​ന്ന മാ​ലി​ന്യ​ക്കൂ​മ്പാ​രം. ഇ​ത്ത​ര​ത്തി​ൽ മാ​ലി​ന്യം റോ​ഡു​ക​ളി​ൽ കു​ന്നു​കൂ​ടി ക​ഴി​ഞ്ഞാ​ൽ ഇ​തി​ന്റെ ഭ​വി​ഷ്യ​ത്ത് ഭ​യാ​ന​ക​ര​മാ​യി​രി​ക്കും.

മാ​ലി​ന്യ സം​സ്ക​ര​ണം കൃ​ത്യ​മാ​യി ന​ട​ത്തി​യി​ല്ലെ​ങ്കി​ൽ കൊ​ച്ചി ന​ഗ​ര​ത്തെ ഒ​ന്ന​ട​ങ്കം വി​ഴു​ങ്ങു​ന്ന രീ​തി​യി​ൽ പ​ക​ർ​ച്ച​വ്യാ​ധി​ക​ൾ പ​ട​ർ​ന്നു​പി​ടി​ക്കു​മെ​ന്നും ആ​ന്റ​ണി കു​രീ​ത്ത​റ പ​റ​ഞ്ഞു.