അങ്കമാലിയിലെ ഗതാഗതക്കുരുക്ക്; ബസ​​ുടമകൾ പ്രക്ഷോഭത്തി​ലേക്ക്​

അ​ങ്ക​മാ​ലി: ന​ഗ​ര​ത്തി​ലെ ഗ​താ​ഗ​ത​ക്കു​രു​ക്ക്​ പ​രി​ഹ​രി​ക്കാ​ത്ത​തി​ൽ പ്ര​തി​ഷേ​ധി​ച്ച്​ ബ​സു​ട​മ​ക​ൾ പ്ര​ക്ഷോ​ഭ​ത്തി​നൊ​രു​ങ്ങു​ന്നു. എം.​സി റോ​ഡും ദേ​ശീ​യ​പാ​ത​യും സം​ഗ​മി​ക്കു​ന്ന കു​പ്പി​ക്ക​ഴു​ത്താ​കൃ​തി​യി​ലാ​യ അ​ങ്ക​മാ​ലി ന​ഗ​ര മ​ധ്യ​ത്തി​ലൂ​ടെ വാ​ഹ​ന​ങ്ങ​ൾ ഇ​ഴ​ഞ്ഞാ​ണ് നീ​ങ്ങു​ന്ന​ത്. കാ​ല​ങ്ങ​ളാ​യി തു​ട​രു​ന്ന അ​വ​സ്ഥ​ക്ക് പ​രി​ഹാ​ര​മി​ല്ലാ​ത്ത​ത് സ്വ​കാ​ര്യ ബ​സ് സ​ർ​വി​സു​ക​ളെ​യാ​ണ് സാ​ര​മാ​യി ബാ​ധി​ക്കു​ന്ന​ത്.

മു​ന്ന​റി​യി​പ്പി​ല്ലാ​തെ സ​ർ​വി​സു​ക​ൾ നി​ർ​ത്തി​വെ​ച്ചാ​യി​രി​ക്കും പ്ര​തി​ഷേ​ധി​ക്കു​ക​യെ​ന്ന് അ​ങ്ക​മാ​ലി മേ​ഖ​ല പ്രൈ​വ​റ്റ് ബ​സ് ഓ​പ്പ​റേ​റ്റേ​ഴ്സ് അ​സോ​സി​യേ​ഷ​ൻ പ്ര​സി​ഡ​ൻ​റ് എ.​പി. ജി​ബി, സെ​ക്ര​ട്ട​റി ബി.​ഒ. ഡേ​വി​സ് എ​ന്നി​വ​ർ പ​റ​ഞ്ഞു.

ഗ​താ​ഗ​ത​ക്കു​രു​ക്ക് പ​രി​ഹ​രി​ക്കാ​ൻ പ​ല​ത​വ​ണ ഉ​ന്ന​താ​ധി​കാ​രി​ക​ൾ അ​ട​ക്കം ഇ​ട​പെ​ട്ട് യോ​ഗ​ങ്ങ​ൾ വി​ളി​ച്ചു​ചേ​ർ​ത്തെ​ങ്കി​ലും യാ​തൊ​രു തീ​രു​മാ​ന​വും ന​ട​പ്പി​ൽ വ​രാ​ത്ത​താ​ണ് പ്ര​ശ്ന​ങ്ങ​ൾ​ക്കി​ട​യാ​ക്കി​യി​ട്ടു​ള്ള​തെ​ന്നും ബ​സ്സു​ട​മ​ക​ൾ പ​റ​യു​ന്നു.

ബ​സ് സ്റ്റാ​ന്‍റി​ന്‍റെ ക​വാ​ട​ത്തി​ലും റെ​യി​ൽ​വെ സ്റ്റേ​ഷ​ൻ റോ​ഡി​ലും ഇ​രു​ച​ക്ര​വാ​ഹ​ന​ങ്ങ​ൾ അ​ട​ക്കം അ​ന​ധി​കൃ​ത​മാ​യി പാ​ർ​ക്ക് ചെ​യ്യു​ക​യാ​ണ്.

അ​ധി​കാ​രി​ക​ൾ ഒ​രു ന​ട​പ​ടി​യും സ്വീ​ക​രി​ക്കു​ന്നി​ല്ല. അ​തേ​സ​മ​യം മോ​ട്ടോ​ർ വാ​ഹ​ന വ​കു​പ്പും, പൊ​ലീ​സും ഓ​രോ കാ​ര​ണ​ങ്ങ​ൾ പ​റ​ഞ്ഞ് സ്വ​കാ​ര്യ ബ​സ്സു​ക​ൾ​ക്ക് വ​ൻ തു​ക പി​ഴ ചു​മ​ത്തു​ന്ന​താ​യും ഇ​വ​ർ ചൂ​ണ്ടി​ക്കാ​ട്ടു​ന്നു.