ട്രാഫിക് റെഗുലേറ്ററി കമ്മിറ്റി യോഗം ചേർന്നു; നഗരത്തിലെ ഗതാഗതം സുഗമമാക്കാൻ നടപടി

കൊ​ച്ചി: ന​ഗ​ര​ത്തി​ലെ ഗ​താ​ഗ​തം സു​ഗ​മ​മാ​ക്കു​ന്ന​തി​ന് സ്വീ​ക​രി​ക്കേ​ണ്ട ന​ട​പ​ടി മേ​യ​ര്‍ എം. ​അ​നി​ല്‍കു​മാ​റി​ന്‍റെ അ​ധ്യ​ക്ഷ​ത​യി​ല്‍ ചേ​ര്‍ന്ന ട്രാ​ഫി​ക് റെ​ഗു​ലേ​റ്റ​റി ക​മ്മി​റ്റി യോ​ഗം ച​ര്‍ച്ച​ചെ​യ്തു.

ന​ഗ​ര​ത്തി​ലെ പ്ര​ധാ​ന​പ്പെ​ട്ട സ്കൂ​ളു​ക​ള്‍, കോ​ള​ജു​ക​ള്‍, ആ​ശു​പ​ത്രി​ക​ള്‍ എ​ന്നി​വ വ​രു​ന്ന പ്ര​ദേ​ശ​ങ്ങ​ള്‍ സൈ​ല​ന്‍റ് സോ​ണു​ക​ളാ​യി നി​ല​നി​ർ​ത്താ​ൻ നോ ​ഹോ​ണ്‍ ബോ​ര്‍ഡു​ക​ള്‍ സ്ഥാ​പി​ക്കു​ന്ന ന​ട​പ​ടി വേ​ഗ​ത്തി​ലാ​ക്കും.

കൊ​ച്ചി​യു​ടെ പ്ര​ധാ​ന​പ്പെ​ട്ട ടൂ​റി​സം മേ​ഖ​ല​യാ​യ ഫോ​ര്‍ട്ട്​​കൊ​ച്ചി, മ​ട്ടാ​ഞ്ചേ​രി പ്ര​ദേ​ശ​ങ്ങ​ളി​ല്‍ നേ​രി​ടു​ന്ന ഗ​താ​ഗ​ത പ്ര​ശ്ന​ങ്ങ​ള്‍ പ​രി​ഹ​രി​ക്കാ​ൻ കൊ​ച്ചി എം.​എ​ല്‍.​എ​യു​ടെ നേ​തൃ​ത്വ​ത്തി​ല്‍ യോ​ഗം ചേ​ര്‍ന്ന് നി​ർ​ദേ​ശ​ങ്ങ​ള്‍ ക​മ്മി​റ്റി​യി​ല്‍ സ​മ​ര്‍പ്പി​ക്കും. വാ​ഹ​ന​ങ്ങ​ളു​ടെ അ​ന​ധി​കൃ​ത പാ​ര്‍ക്കി​ങ്​ മൂ​ലം ഉ​ണ്ടാ​കു​ന്ന അ​പ​ക​ട​ങ്ങ​ളും ഗ​താ​ഗ​ത​ക്കു​രു​ക്കും ന​ഗ​ര​ഗ​താ​ഗ​ത​ത്തെ ഗു​രു​ത​ര​മാ​യി ബാ​ധി​ക്കു​ന്ന വി​ഷ​യ​മാ​ണ്.

ക​ലൂ​ര്‍ പൊ​റ്റ​ക്കു​ഴി ജ​ങ്ഷ​നി​ലെ ഗ​താ​ഗ​ത​ക്കു​രു​ക്ക് ഒ​ഴി​വാ​ക്കാ​ൻ പൊ​റ്റ​ക്കു​ഴി മാ​മം​ഗ​ലം റോ​ഡി​ല്‍ വ​ണ്‍വേ സം​വി​ധാ​നം ഏ​ര്‍പ്പെ​ടു​ത്തും. ക​ലൂ​ര്‍ വൈ​ലോ​പ്പി​ള്ളി ലെ​യി​നി​ലും വ​ണ്‍വേ സം​വി​ധാ​നം ന​ട​പ്പാ​ക്കു​ന്ന​താ​ണ്.

ചി​റ്റൂ​ര്‍ റോ​ഡി​ലു​ള്ള സൗ​ത്ത് സ്റ്റോ​പ്പി​ല്‍ നി​ർ​ത്തു​ന്ന ബ​സു​ക​ള്‍ കൃ​ത്യ​മാ​യി ബ​സ് സ്റ്റോ​പ്പി​ല്‍ത​ന്നെ നി​ർ​ത്തു​ന്ന കാ​ര്യം ക​ര്‍ശ​ന​മാ​യി നി​രീ​ക്ഷി​ക്കാ​ൻ ട്രാ​ഫി​ക് പൊ​ലീ​സി​ന് നി​ർ​ദേ​ശം ന​ല്‍കി. ഗ​വ. ഗേ​ള്‍സ് സ്കൂ​ളി​ന് മു​ന്നി​ല്‍ ബ​സു​ക​ള്‍ നി​ർ​ത്തു​ന്ന​ത് മൂ​ല​മു​ള്ള അ​പ​ക​ട​ങ്ങ​ള്‍ ഉ​ണ്ടാ​കാ​തി​രി​ക്കാ​നാ​ണ് ഈ ​ന​ട​പ​ടി.

മേ​യ​റു​ടെ ചേം​ബ​റി​ല്‍ ചേ​ര്‍ന്ന യോ​ഗ​ത്തി​ല്‍ ന​ഗ​രാ​സൂ​ത്ര​ണ​കാ​ര്യ സ്റ്റാ​ൻ​ഡി​ങ്​ ക​മ്മി​റ്റി ചെ​യ​ര്‍മാ​ന്‍, ഫോ​ര്‍ട്ടു​കൊ​ച്ചി ആ​ര്‍.​ഡി.​ഒ, ട്രാ​ഫി​ക് അ​സി. ക​മീ​ഷ​ണ​ര്‍മാ​ര്‍, കോ​ര്‍പ​റേ​ഷ​ന്‍, മോ​ട്ടോ​ര്‍ വാ​ഹ​ന വ​കു​പ്പ്, പി.​ഡ​ബ്ല്യു.​ഡി, കെ.​എ​സ്.​ഇ.​ബി, കേ​ര​ള വാ​ട്ട​ര്‍ അ​തോ​റി​റ്റി എ​ന്നീ വ​കു​പ്പു​ക​ളി​ലെ ഉ​ദ്യോ​ഗ​സ്ഥ​രും പ​ങ്കെ​ടു​ത്തു.