ഗതാഗത നിയമലംഘനങ്ങൾ; 56.54 കോടി രൂപ പിഴ

കൊ​ച്ചി: തി​ര​ക്കേ​റി​യ കൊ​ച്ചി ന​ഗ​ര​ത്തി​ലും ജി​ല്ല​യി​ലെ വി​വി​ധ ഗ്രാ​മ​പ്ര​ദേ​ശ​ങ്ങ​ളി​ലു​മ​ട​ക്കം ന​ട​ന്ന ഗ​താ​ഗ​ത നി​യ​മ​ലം​ഘ​ന​ങ്ങ​ൾ​ക്കെ​തി​രെ കോ​ടി​ക​ൾ പി​ഴ ചു​മ​ത്തി. സെ​പ്റ്റം​ബ​ർ 30 വ​രെ​യു​ള്ള ഒ​രു​ വ​ർ​ഷകാ​ല​യ​ള​വി​ൽ ജി​ല്ല​യി​ൽ 628,291 ച​ലാ​നു​ക​ളാ​ണ് നി​ശ്ച​യി​ച്ച് ന​ൽ​കി​യ​ത്. 56,54,26,356 രൂ​പ​യു​ടേ​താ​ണ് ച​ലാ​നു​ക​ൾ. ഇ​തി​ൽ​നി​ന്ന്​ ആ​കെ 13,79,56,797 രൂ​പ അ​ധി​കൃ​ത​ർ​ക്ക് ല​ഭി​ച്ചി​ട്ടു​മു​ണ്ട്.

ജൂ​ൺ വ​രെ​യു​ള്ള ഒ​രു വ​ർ​ഷ​കാ​ല​യ​ള​വി​നു​ള്ളി​ൽ 18,537 ലൈ​സ​ൻ​സു​ക​ൾ കേ​ര​ള​ത്തി​ലാ​കെ സ​സ്പെ​ൻ​ഡ് ചെ​യ്തി​രു​ന്നു. ഹെ​ൽ​മ​റ്റ് ധ​രി​ക്കാ​തെ​യു​ള്ള ഇ​രു​ച​ക്ര​വാ​ഹ​ന യാ​ത്ര മു​ത​ൽ മ​ദ്യ​പി​ച്ചു​ള്ള ഡ്രൈ​വി​ങ് വ​രെ നീ​ളു​ന്ന നി​ര​വ​ധി നി​യ​മ​ലം​ഘ​ന​ങ്ങ​ൾ​ക്കെ​തി​രെ​യാ​ണ് ന​ട​പ​ടി.

ജി​ല്ല​യി​ൽ അ​ര​ങ്ങേ​റി​യ​വ...

എ​റ​ണാ​കു​ളം ന​ഗ​ര​ത്തി​ൽ മ​ദ്യ​പി​ച്ച് വാ​ഹ​ന​മോ​ടി​ച്ച​തി​ന് ബ​സ് ഡ്രൈ​വ​ർ അ​റ​സ്റ്റി​ലാ​യ​ത് ഇ​ക്ക​ഴി​ഞ്ഞ ദി​വ​സ​മാ​ണ്. രോ​ഗി​യു​മാ​യി പോ​യ ആം​ബു​ല​ൻ​സി​ന് വ​ഴി​മാ​റി​ക്കൊ​ടു​ക്കാ​തെ യാ​ത്ര തു​ട​ർ​ന്ന റി​ക്ക​വ​റി വാ​നി​നെ​തി​രെ​യും ന​ട​പ​ടി​യു​ണ്ടാ​യി. മ​ത്സ​ര​യോ​ട്ടം ന​ട​ത്തി അ​പ​ക​ട​മു​ണ്ടാ​ക്കി​യ സ്വ​കാ​ര്യ​ബ​സ് ഡ്രൈ​വ​ർ​മാ​രു​ടെ ലൈ​സ​ൻ​സ് ഒ​രു​മാ​സ​ത്തേ​ക്ക് സ​സ്പെ​ൻ​ഡ് ചെ​യ്‌​ത​ത​ട​ക്കം സം​ഭ​വ​ങ്ങ​ളു​മു​ണ്ടാ​യി.

350 രൂ​പ​യു​ടെ ഓ​ട്ട​ത്തി​ന് 420 രൂ​പ വാ​ങ്ങി​യ ഓ​ട്ടോ ഡ്രൈ​വ​ർ​ക്ക് 5500 രൂ​പ​യു​ടെ പി​ഴ മോ​ട്ടോ​ർ വാ​ഹ​ന വ​കു​പ്പ് ചു​മ​ത്തി​യി​രു​ന്നു. എ​റ​ണാ​കു​ളം കെ.​എ​സ്.​ആ​ർ.​ടി.​സി ബ​സ് സ്റ്റാ​ൻ​ഡി​ൽ​നി​ന്ന് മെ​ട്രോ സ്റ്റേ​ഷ​നി​ലേ​ക്ക് രാ​ത്രി ഓ​ട്ടം വി​ളി​ച്ച യാ​ത്ര​ക്കാ​ര​നോ​ട് 60 രൂ​പ​യു​ടെ യാ​ത്ര​ക്ക് 100 രൂ​പ ഈ​ടാ​ക്കി​യ സം​ഭ​വ​ത്തി​ൽ ഓ​ട്ടോ​റി​ക്ഷ ഡ്രൈ​വ​റു​ടെ ലൈ​സ​ൻ​സും ഓ​ട്ടോ​യു​ടെ ഫി​റ്റ്ന​സും സ​സ്പെ​ൻ​ഡ് ചെ​യ്‌​തി​രു​ന്നു.

ടാ​ക്സും ഇ​ൻ​ഷു​റ​ൻ​സും ക​ണ്ട​ക്ട​ർ​ക്ക് ലൈ​സ​ൻ​സും ഇ​ല്ലാ​തെ സ​ർ​വി​സ് ന​ട​ത്തി​യ 45 സ്വ​കാ​ര്യ ബ​സു​ക​ളാ​ണ് ഏ​താ​നും ദി​വ​സ​ങ്ങ​ൾ​ക്ക് മു​മ്പ് ന​ട​ന്ന പ​രി​ശോ​ധ​ന​യി​ൽ മോ​ട്ടോ​ർ​വാ​ഹ​ന വ​കു​പ്പ് പി​ടി​ച്ചെ​ടു​ത്ത​ത്. ഇ​വ​രി​ൽ​നി​ന്നാ​യി 1.43 ല​ക്ഷം പി​ഴ​യും ഇ​ടാ​ക്കി. കോ​ള​ജ് വി​ദ്യാ​ർ​ഥി​ക്ക്​ ലൈ​സ​ൻ​സ്​ കി​ട്ടി മ​ണി​ക്കൂ​റു​ക​ൾ​ക്ക​കം സ​സ്പെ​ൻ​ഡ് ചെ​യ്ത​തും ജി​ല്ല​യി​ലാ​ണ്. ബൈ​ക്കി​ന്​ പി​ന്നി​ൽ ര​ണ്ട്​ സു​ഹൃ​ത്തു​ക്ക​ളു​മാ​യി ന​ട​ത്തി​യ നി​യ​മ​ലം​ഘ​ന​ത്തി​ന്‍റെ പേ​രി​ലാ​യി​രു​ന്നു ന​ട​പ​ടി.

അ​മി​ത​വേ​ഗം മു​ത​ൽ മോ​ടി​പി​ടി​പ്പി​ക്ക​ൽ വ​രെ...

കാ​ൽ​ന​ട​യാ​ത്ര​ക്ക് ഭീ​ഷ​ണി​യാ​കും​ വി​ധ​മാ​ണ് ന​ഗ​ര​ത്തി​ൽ വാ​ഹ​ന​ങ്ങ​ൾ ചീ​റി​പ്പാ​യു​ന്ന​ത്. സ്വ​കാ​ര്യ ബ​സും ഇ​രു​ച​ക്ര​വാ​ഹ​ന യാ​ത്രി​ക​രു​മൊ​ക്കെ​യാ​ണ് ഇ​ക്കാ​ര്യ​ത്തി​ൽ മു​ന്നി​ലെ​ന്ന് ജ​ന​ങ്ങ​ൾ വ്യ​ക്ത​മാ​ക്കു​ന്നു. ബ​സു​ക​ളു​ടെ അ​ല​ക്ഷ്യ​മാ​യ ഡ്രൈ​വി​ങ് അ​തി​ലു​ള്ള യാ​ത്ര​ക്കാ​ർ​ക്കും വ​ഴി​യി​ലൂ​ടെ സ​ഞ്ച​രി​ക്കു​ന്ന മ​റ്റ് വാ​ഹ​ന​ങ്ങ​ൾ​ക്കു​മൊ​ക്കെ ഒ​രു​പോ​ലെ ഭീ​ഷ​ണി സൃ​ഷ്ടി​ക്കു​ന്നു​ണ്ട്.

രാ​ത്രി​യെ​ന്നും പ​ക​ലെ​ന്നും വ്യ​ത്യാ​സ​മി​ല്ലാ​തെ ചീ​റി​പ്പാ​യു​ന്ന ഇ​രു​ച​ക്ര വാ​ഹ​ന​യാ​ത്രി​ക​രും ഭീ​ഷ​ണി ഉ​യ​ർ​ത്തു​ന്നു​ണ്ട്. രാ​ത്രി​കാ​ല​ങ്ങ​ളി​ൽ കാ​ത​ട​പ്പി​ക്കു​ന്ന ശ​ബ്ദ​വു​മാ​യി ന​ഗ​ര​ത്തി​ൽ റേ​സി​ങ്ങി​നി​റ​ങ്ങു​ന്ന​വ​രു​മു​ണ്ട്. കാ​റു​ക​ളും ഇ​ക്കൂ​ട്ട​ത്തി​ലു​ണ്ട്. അ​ന​ധി​കൃ​ത മോ​ടി​പി​ടി​പ്പി​ക്ക​ലി​നെ​തി​രെ​യും ക​ർ​ശ​ന ന​ട​പ​ടി​യു​ണ്ടാ​യി​. അ​മി​ത ശ​ബ്ദ, ലൈ​റ്റി​ങ് വി​ന്യാ​സ​ങ്ങ​ൾ ഘ​ടി​പ്പി​ച്ച ബൈ​ക്കു​ക​ൾ മു​ത​ൽ ഹെ​വി വാ​ഹ​ന​ങ്ങ​ൾ​ക്കെ​തി​രെ വ​രെ ന​ട​പ​ടി​യെ​ടു​ത്തു.