തൃ​ക്കാ​ക്ക​ര ന​ഗ​ര​സ​ഭ സ്ഥാ​പി​ച്ച പ്ലാ​സ്റ്റി​ക് ബോ​ട്ടി​ല്‍ ബൂ​ത്തി​ല്‍ കുപ്പികൾ കുറയുന്നു, മാലിന്യം നിറയുന്നു

കാ​ക്ക​നാ​ട്: തൃ​ക്കാ​ക്ക​ര ന​ഗ​ര​സ​ഭ ല​ക്ഷ​ങ്ങ​ള്‍ ചെ​ല​വ​ഴി​ച്ച് സ്ഥാ​പി​ച്ച പ്ലാ​സ്റ്റി​ക് ബോ​ട്ടി​ല്‍ ബൂ​ത്തി​ല്‍ കു​പ്പി​ക​ൾ​ക്ക് പ​ക​രം മ​റ്റു മാ​ലി​ന്യ​ങ്ങ​ൾ നി​റ​യു​ന്നു. കാ​ക്ക​നാ​ട് എ​ൻ.​ജി.​ഒ ക്വാ​ർ​ട്ടേ​ഴ്സി​ലെ ബ​സ് സ്റ്റോ​പ്പി​ന് സ​മീ​പം ബോ​ട്ടി​ൽ ബൂ​ത്തി​ലാ​ണ് മാ​ലി​ന്യ കാ​ഴ്ച. ബ​സ് കാ​ത്തി​രി​ക്കു​ന്ന​വ​ർ മൂ​ക്കു​പൊ​ത്തി ഇ​രി​ക്കേ​ണ്ട അ​വ​സ്ഥ​യാ​ണ്.

ജ​ലാ​ശ​യ​ങ്ങ​ളി​ലും കാ​ന​ക​ളി​ലും ത​ട​സ്സ​ങ്ങ​ളു​ണ്ടാ​ക്കാ​ൻ കാ​ര​ണ​മാ​കു​ന്ന കാ​ലി​യാ​യ പ്ലാ​സ്റ്റി​ക് കു​പ്പി​ക​ള്‍ ത​ള്ളാ​ൻ കു​പ്പി മാ​തൃ​ക​യി​ല്‍ ഇ​രു​മ്പി​ല്‍ നി​ര്‍മി​ച്ച ബൂ​ത്തു​ക​ളി​ലാ​ണ് നാ​ട്ടി​ലെ സ​ക​ല മാ​ലി​ന്യ​വും കൊ​ണ്ട് നി​റ​ച്ചി​രി​ക്കു​ന്ന​ത്. വീ​ട്ടി​ലെ ഭ​ക്ഷ്യ​മാ​ലി​ന്യം ഉ​ള്‍പ്പെ​ടെ പ്ലാ​സ്റ്റി​ക് ക​വ​റി​ല്‍ കെ​ട്ടി ഇ​തി​ൽ ത​ള്ളി​യി​രി​ക്കു​ക​യാ​ണ്. മാ​സ​ങ്ങ​ള്‍ക്ക് മു​മ്പാ​ണ് ജി​ല്ല ശു​ചി​ത്വ മി​ഷ​ന്റെ സ​ഹ​ക​ര​ണ​ത്തോ​ടെ തൃ​ക്കാ​ക്ക​ര ന​ഗ​ര​സ​ഭ ഉ​പ​യോ​ഗ​ശേ​ഷം ഒ​ഴി​ഞ്ഞ പ്ലാ​സ്റ്റി​ക് കു​പ്പി​ക​ള്‍ വ​ലി​ച്ചെ​റി​യു​ന്ന​ത് ത​ട​യാ​ന്‍ ബോ​ട്ടി​ല്‍ ബൂ​ത്തു​ക​ള്‍ സ്ഥാ​പി​ച്ച​ത്.

പാ​ര്‍ക്കു​ക​ള്‍, പ്ര​ധാ​ന​പ്പെ​ട്ട ജ​ങ്ഷ​നു​ക​ള്‍, വാ​ഹ​ന​ങ്ങ​ള്‍ കൂ​ടു​ത​ല്‍ നി​ര്‍ത്തി​യി​ടു​ന്ന സ്ഥ​ല​ങ്ങ​ള്‍ തു​ട​ങ്ങി 86 ഇ​ട​ങ്ങ​ളി​ലാ​ണ് ബോ​ട്ടി​ല്‍ ബൂ​ത്തു​ക​ള്‍ സ്ഥാ​പി​ച്ച​ത്. ഒ​രെ​ണ്ണ​ത്തി​ന് 16,500 രൂ​പ​യാ​ണ് ചെ​ല​വ്. ഇ​തി​ല്‍ കു​പ്പി​ക​ള്‍ നി​റ​യു​മ്പോ​ള്‍ ശു​ചീ​ക​ര​ണ തൊ​ഴി​ലാ​ളി​ക​ളെ​ത്തി ശേ​ഖ​രി​ച്ച് മാ​ലി​ന്യ സം​സ്‌​ക​ര​ണ​ത്തി​ന് കൈ​മാ​റാ​നാ​ണ് പ​ദ്ധ​തി​യി​ട്ട​ത്. തു​ട​ക്ക​ത്തി​ല്‍ ന​ല്ല രീ​തി​യി​ല്‍ ഒ​ഴി​ഞ്ഞ പ്ലാ​സ്റ്റി​ക് കു​പ്പി​ക​ള്‍ റോ​ഡി​ല്‍ ഇ​ടാ​തെ പ​ല​രും ബൂ​ത്തി​ലി​ട്ടി​രു​ന്നു. എ​ന്നാ​ല്‍, പി​ന്നീ​ട് ക​ണ്ട​ത് പ്ലാ​സ്റ്റി​ക്ക് കു​പ്പി​ക​ള്‍ക്ക് പ​ക​രം പ്ലാ​സ്റ്റി​ക് ക​വ​റു​ക​ളും ഭ​ക്ഷ​ണ​മാ​ലി​ന്യ​വും ഉ​ള്‍പ്പെ​ടെ ത​ള്ളു​ന്ന കാ​ഴ്ച​യാ​ണ്.

കു​പ്പി​ക​ള്‍ നി​റ​യു​ന്ന​ത് കാ​ത്തി​രു​ന്ന ന​ഗ​ര​സ​ഭ അ​ധി​കൃ​ത​ര്‍ മ​റ്റ് മാ​ലി​ന്യം നി​റ​ച്ച ബൂ​ത്തു​ക​ളാ​ണ് പ​ല വാ​ര്‍ഡു​ക​ളി​ലും കാ​ണു​ന്ന​ത്. സാ​മൂ​ഹി​ക വി​രു​ദ്ധ​രു​ടെ ഈ ​ത​ള്ള​ല്‍ കാ​ര​ണം ബോ​ട്ടി​ല്‍ ബൂ​ത്ത് സ്ഥാ​പി​ച്ചി​രി​ക്കു​ന്ന​തി​ന​ടു​ത്ത് താ​മ​സി​ക്കു​ന്ന​വ​രാ​ണ് മാ​ലി​ന്യ​ത്തി​ല്‍ നി​ന്നു​ള്ള ദു​ര്‍ഗ​ന്ധം കാ​ര​ണം ദു​രി​ത​ത്തി​ലാ​യി​രി​ക്കു​ന്ന​ത്. നി​ര​വ​ധി കാ​ല്‍ന​ട​യാ​ത്ര​ക്കാ​ര്‍ സ​ഞ്ച​രി​ക്കു​ന്ന വൃ​ത്തി​യു​ള്ള ന​ല്ല പ്ര​ദേ​ശ​ങ്ങ​ളി​ലാ​ണ് ഈ ​ബോ​ട്ടി​ല്‍ ബൂ​ത്ത് സ്ഥാ​പി​ച്ചി​രി​ക്കു​ന്ന​തെ​ങ്കി​ലും ഇ​പ്പോ​ള്‍ അ​വി​ടെ​യും മാ​ലി​ന്യം വീ​ണു ചി​ഞ്ഞ് നാ​റു​ക​യാ​ണെ​ന്നാ​ണ് പ​രാ​തി.