സ്റ്റാ​ൻ​ഡി​ലെ വെ​ള്ള​ക്കെ​ട്ട്; കെ.​എ​സ്.​ആ​ർ.​ടി.​സി​ക്ക്​ പ​രാ​തി​യി​ല്ലേ -ഹൈ​കോ​ട​തി

കൊ​ച്ചി: എ​റ​ണാ​കു​ളം സ്റ്റാ​ൻ​ഡി​ലെ വെ​ള്ള​ക്കെ​ട്ട്​ പ​രി​ഹ​രി​ക്ക​ണ​മെ​ന്ന് കെ.​എ​സ്.​ആ​ർ.​ടി.​സി ആ​വ​ശ്യ​പ്പെ​ടാ​ത്ത​തെ​ന്തു​കൊ​ണ്ടെ​ന്ന്​ ഹൈ​കോ​ട​തി.

ക​ഴി​ഞ്ഞ ദി​വ​സ​ങ്ങ​ളി​ലു​ണ്ടാ​യ ക​ന​ത്ത മ​ഴ​യി​ൽ ന​ഗ​ര​ത്തി​ലെ മി​ക്ക​യി​ട​ങ്ങ​ളി​ലും വെ​ള്ള​ക്കെ​ട്ടി​ന്​ ശ​മ​ന​മു​ണ്ടാ​യ​പ്പോ​ഴും കെ.​എ​സ്.​ആ​ർ.​ടി.​സി സ്റ്റാ​ൻ​ഡ്​ ഇ​തി​ന്​ അ​പ​വാ​ദ​മാ​യി​രു​ന്നു. എ​ന്നാ​ൽ, ഈ ​വെ​ള്ള​ക്കെ​ട്ടി​ൽ അ​വ​ർ​ക്ക് ഒ​രു പ​രാ​തി​യു​മി​ല്ലെ​ന്ന്​ ജ​സ്റ്റി​സ് ദേ​വ​ൻ രാ​മ​ച​ന്ദ്ര​ൻ പ​റ​ഞ്ഞു. ഇ​ക്കാ​ര്യ​ത്തി​ൽ നി​ല​പാ​ട് അ​റി​യി​ക്കാ​മെ​ന്ന് കെ.​എ​സ്.​ആ​ർ.​ടി.​സി കോ​ട​തി​യെ അ​റി​യി​ച്ചു. ന​ഗ​ര​ത്തി​ലെ വെ​ള്ള​ക്കെ​ട്ട്​ പ​രി​ഹ​രി​ക്ക​ണ​മെ​ന്ന്​ ആ​വ​ശ്യ​പ്പെ​ടു​ന്ന ഹ​ര​ജി​ക​ളാ​ണ് കോ​ട​തി പ​രി​ഗ​ണി​ക്കു​ന്ന​ത്.

ന​ഗ​ര​ത്തി​ൽ എം.​ജി റോ​ഡി​ലു​ൾ​പ്പെ​ടെ ഇ​ത്ത​വ​ണ വെ​ള്ള​ക്കെ​ട്ടു​ണ്ടാ​യി​ല്ലെ​ന്നും പൊ​തു​വേ സ്ഥി​തി മെ​ച്ച​പ്പെ​ട്ടെ​ന്നും അ​മി​ക്ക​സ് ക്യൂ​റി കോ​ട​തി​യെ അ​റി​യി​ച്ചു. താ​ഴ്‌​ന്ന പ്ര​ദേ​ശ​ങ്ങ​ളി​ൽ വെ​ള്ള​ക്കെ​ട്ടു​ണ്ട്. ക​മ്മ​ട്ടി​പ്പാ​ട​ത്ത്​ വെ​ള്ളം ക​യ​റി​യെ​ങ്കി​ലും അ​ധി​കം വൈ​കാ​തെ താ​ഴ്‌​ന്നു. തേ​വ​ര - പേ​ര​ണ്ടൂ​ർ ക​നാ​ൽ ശു​ചീ​ക​രി​ച്ച​താ​ണ് ഇ​തി​ന്​ കാ​ര​ണം. അ​തേ​സ​മ​യം, കെ.​എ​സ്.​ആ​ർ.​ടി.​സി സ്റ്റാ​ൻ​ഡി​നു​ള്ളി​ലാ​ണ് വെ​ള്ള​ക്കെ​ട്ടു​ണ്ടാ​യ​തെ​ന്നും യാ​ത്ര​ക്കാ​ർ​ക്ക് നി​ൽ​ക്കാ​നാ​വാ​ത്ത സ്ഥി​തി​യാ​ണെ​ന്നും അ​മി​ക്ക​സ് ക്യൂ​റി വി​ശ​ദീ​ക​രി​ച്ചു. ക​ല​ക്​​ട​ർ സ്ഥ​ലം സ​ന്ദ​ർ​ശി​ച്ചി​രു​ന്നു. വെ​ള്ള​ക്കെ​ട്ടു​ണ്ടാ​യാ​ൽ പ​മ്പു ചെ​യ്ത്​ ക​ള​യാ​നാ​വു​മോ​യെ​ന്ന്​ പ​രി​ശോ​ധി​ക്കു​ക​യാ​ണെ​ന്നും വി​ശ​ദീ​ക​രി​ച്ചു.

പി ​ആ​ൻ​ഡ് ടി ​കോ​ള​നി​ക്കാ​രെ പു​ന​ര​ധി​വ​സി​പ്പി​ക്കു​ന്ന​തി​നു​ള്ള കെ​ട്ടി​ട നി​ർ​മാ​ണം വൈ​കു​ന്ന​തി​നെ കോ​ട​തി വീ​ണ്ടും വി​മ​ർ​ശി​ച്ചു. ഇ​ത്​ അം​ഗീ​ക​രി​ക്കാ​നാ​വി​ല്ലെ​ന്നും ക​രാ​ർ ക​മ്പ​നി​യെ ക​രി​മ്പ​ട്ടി​ക​യി​ൽ​പെ​ടു​ത്തേ​ണ്ടി വ​രു​മെ​ന്നും കോ​ട​തി മു​ന്ന​റി​യി​പ്പ്​ ന​ൽ​കി.

എ​ന്നാ​ൽ, വാ​ട്ട​ർ ടാ​ങ്കി​ന്‍റെ​യ​ട​ക്കം ജോ​ലി​ക​ൾ പൂ​ർ​ത്തി​യാ​കാ​നു​ണ്ടെ​ന്നും ജൂ​ലൈ പ​ത്തി​ന​കം കെ​ട്ടി​ട​നി​ർ​മാ​ണം പൂ​ർ​ത്തി​യാ​ക്കു​മെ​ന്നും ക​രാ​റു​കാ​ർ അ​റി​യി​ച്ചു. മു​ല്ല​ശ്ശേ​രി ക​നാ​ൽ ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ എ​ത്ര​യും വേ​ഗം പൂ​ർ​ത്തി​യാ​ക്കാ​ൻ വാ​ട്ട​ർ അ​തോ​റി​റ്റി​ക്ക് കോ​ട​തി നി​​ർ​ദേ​ശം ന​ൽ​കി. ഇ​റി​ഗേ​ഷ​ൻ വ​കു​പ്പും ക​രാ​റു​കാ​രും ത​മ്മി​ൽ ചി​ല ത​ർ​ക്ക​ങ്ങ​ളു​ണ്ടെ​ന്നാ​ണ്​ ഇ​തു​സം​ബ​ന്ധി​ച്ച്​ അ​മി​ക്ക​സ് ക്യൂ​റി ന​ൽ​കി​യ വി​ശ​ദീ​ക​ര​ണം.

ക​ട​വ​ന്ത്ര രാ​ജീ​വ് ഗാ​ന്ധി ഇ​ൻ​ഡോ​ർ സ്റ്റേ​ഡി​യ​ത്തി​നു​സ​മീ​പ​ത്തെ റോ​ഡു​ക​ൾ ത​ക​ർ​ന്ന നി​ല​യി​ലാ​ണെ​ന്ന് കോ​ട​തി ചൂ​ണ്ടി​ക്കാ​ട്ടി.

ഇ​ട​പ്പ​ള്ളി മു​ത​ൽ ക​ണ്ടെ​യ്‌​ന​ർ ടെ​ർ​മി​ന​ൽ റോ​ഡു​വ​രെ​യു​ള്ള ഭാ​ഗ​ത്തെ ദേ​ശീ​യ​പാ​ത​യു​ടെ ത​ക​ർ​ച്ച കോ​ട​തി ചൂ​ണ്ടി​ക്കാ​ട്ടി​യ​പ്പോ​ൾ ഇ​ത്​ പ​രി​ഹ​രി​ക്കാ​ൻ ഉ​ട​ൻ ന​ട​പ​ടി സ്വീ​ക​രി​ക്കു​മെ​ന്ന് ദേ​ശീ​യ​പാ​ത അ​തോ​റി​റ്റി അ​റി​യി​ച്ചു.