താലൂക്ക് ആശുപത്രിക്ക് മുന്നിൽ അപകടം പതിവ്; രോഗികളുമായെത്തുന്ന വാഹനവും റോഡിൽ കുരുങ്ങുന്നു

കോ​ത​മം​ഗ​ലം: താ​ലൂ​ക്ക് ആ​ശു​പ​ത്രി​ക്ക് മു​ന്നി​ൽ ഗ​താ​ഗ​ത​ക്കു​രു​ക്കും അ​പ​ക​ട​വും പ​തി​വാ​കു​ന്നു. ആ​ശു​പ​ത്രി​യു​ടെ പ്ര​വേ​ശ​ന വ​ഴി​യു​ടെ വീ​തി കു​റ​വാ​ണ് പ്ര​ധാ​ന വി​ല്ല​ൻ. താ​ലൂ​ക്കി​ന്‍റെ വി​വി​ധ ഭാ​ഗ​ങ്ങ​ളി​ൽ നൂ​റു​ക​ണ​ക്കി​ന് ആ​ളു​ക​ൾ ചി​കി​ത്സ​തേ​ടി എ​ത്തു​ന്ന ആ​ശു​പ​ത്രി​യാ​ണി​ത്. അ​ടി​യ​ന്ത​ര ഘ​ട്ട​ത്തി​ലും അ​ല്ലാ​തെ​യും രോ​ഗി​ക​ളു​മാ​യെ​ത്തു​ന്ന വാ​ഹ​നം റോ​ഡി​ന്​ വീ​തി കു​റ​വാ​യ​തി​നാ​ൽ മ​റ്റ് വാ​ഹ​ന​ങ്ങ​ൾ പോ​യി​ക്ക​ഴി​യു​ന്ന​തു​വ​രെ കാ​ത്തു​കി​ട​ക്കേ​ണ്ട സാ​ഹ​ച​ര്യ​മാ​ണ്.

ആ​ലു​വ-​മൂ​ന്നാ​ർ റോ​ഡി​ന് സ​മീ​പ​ത്ത്​ സ്ഥി​തി ചെ​യ്യു​ന്ന ആ​ശു​പ​ത്രി​ക്ക​ടു​ത്തു​ള്ള ബ​സ് കാ​ത്തി​രി​പ്പ് കേ​ന്ദ്ര​വും ഗ​താ​ഗ​ത​ക്കു​രു​ക്കി​നും അ​പ​ക​ട​ത്തി​നും വ​ഴി​വെ​ക്കു​ന്നു​ണ്ട്. കാ​ത്തി​രി​പ്പ് കേ​ന്ദ്ര​ത്തി​ന് മു​ന്നി​ൽ ബ​സ് നി​ർ​ത്തി​ക്ക​ഴി​ഞ്ഞാ​ൽ ആ​ശു​പ​ത്രി​യു​ടെ പ്ര​വേ​ശ​ന ക​വാ​ടം മ​റ​യു​ന്ന വി​ധ​ത്തി​ൽ വാ​ഹ​ന​ങ്ങ​ളു​ടെ നീ​ണ്ട നി​ര പ്ര​ത്യ​ക്ഷ​പ്പെ​ടും. പെ​രു​മ്പാ​വൂ​ർ ഭാ​ഗ​ത്തു​നി​ന്ന് വ​രു​ന്ന വാ​ഹ​ന​ങ്ങ​ൾ ഇ​വി​ടെ നി​ർ​ത്തി​യാ​ണ് ആ​ളു​ക​ളെ ഇ​റ​ക്കു​ന്ന​ത്.

പെ​രു​മ്പാ​വൂ​രി​ലേ​ക്ക് പോ​കു​ന്ന വാ​ഹ​ന​ങ്ങ​ൾ ആ​ശു​പ​ത്രി ക​വാ​ട​ത്തി​ന് മു​ന്നി​ൽ നി​ർ​ത്തി ആ​ളെ ക​യ​റ്റു​ന്ന​തും അ​പ​ക​ടം വി​ളി​ച്ചു​വ​രു​ത്തു​ന്നു​ണ്ട്. രോ​ഗി​ക​ളും കൂ​ട്ടി​രി​പ്പു​കാ​രും മ​രു​ന്നി​നും ഭ​ക്ഷ​ണം വാ​ങ്ങാ​നും റോ​ഡ് മു​റി​ച്ച് ക​ട​ക്കു​ന്ന​തും അ​പ​ക​ട​ത്തി​ന് വ​ഴി​വെ​ക്കാ​റു​ണ്ട്. ക​വാ​ട​ത്തി​ന് ചേ​ർ​ന്ന് ഓ​ട്ടോ​റി​ക്ഷ​ക​ൾ പാ​ർ​ക്ക് ചെ​യ്യു​ന്ന​തും ഗ​താ​ഗ​ത​ക്കു​രു​ക്ക് സൃ​ഷ്ടി​ക്കു​ന്നു. കാ​ൽ​ന​ട​ക്കാ​ർ​ക്ക് അ​സൗ​ക​ര്യ​ങ്ങ​ളു​ണ്ടാ​ക്കു​ക​യും ചെ​യ്യു​ന്നു​ണ്ട്.

ഒ​രേ​സ​മ​യം ര​ണ്ട് വാ​ഹ​ന​ങ്ങ​ൾ​ക്ക് ക​ട​ന്നു​പോ​കാ​നു​ള്ള വീ​തി​യി​ല്ലാ​ത്ത​തി​നാ​ൽ രോ​ഗി​യു​മാ​യെ​ത്തു​ന്ന ആം​ബു​ല​ൻ​സു​ക​ൾ​പോ​ലും പി​ന്നോ​ട്ട് എ​ടു​ക്കേ​ണ്ട സാ​ഹ​ച​ര്യ​മാ​ണ്. രാ​വി​ലെ മു​ത​ൽ ഉ​ച്ച​വ​രെ ഏ​റ്റ​വും തി​ര​ക്കേ​റി​യ സ​മ​യ​ത്താ​ണ് ഇ​വി​ടെ അ​പ​ക​ട​ങ്ങ​ളും പ​തി​വാ​കു​ന്ന​ത്. അ​പ​ക​ട​ങ്ങ​ൾ ഒ​ഴി​വാ​ക്കാ​ൻ ആ​ശു​പ​ത്രി വി​ക​സ​ന​സ​മി​തി​യും ന​ഗ​ര​സ​ഭ ഗ​താ​ഗ​ത പ​രി​ഷ്​​ക​ര​ണ ക​മ്മി​റ്റി​യും അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.