അടിയോടി പാർക്കിനെ ഭൂതത്താൻകെട്ട് അനുബന്ധ ടൂറിസം കേന്ദ്രമായി മാറ്റാൻ നടപടി ആരംഭിച്ചു

കോ​ത​മം​ഗ​ലം: പി​ണ്ടി​മ​ന പ​ഞ്ചാ​യ​ത്ത് പ​ത്താം വാ​ർ​ഡി​ലെ അ​ടി​യോ​ടി ഓ​ക്സി​ജ​ൻ ബ​യോ​ഡൈ​വേ​ഴ്സി​റ്റി പാ​ർ​ക്കി​നെ ഭൂ​ത​ത്താ​ൻ​കെ​ട്ട് അ​നു​ബ​ന്ധ ടൂ​റി​സം കേ​ന്ദ്ര​മാ​യി മാ​റ്റാ​നു​ള്ള ന​ട​പ​ടി​ക​ൾ​ക്ക്​ തു​ട​ക്കം.

ഇ​തി​ന്‍റെ ഭാ​ഗ​മാ​യി ജി​ല്ല ടൂ​റി​സം ഡെ​പ്യൂ​ട്ടി ഡ​യ​റ​ക്ട​ർ ആ​ർ.​സി. പ്രേം ​ഭാ​സ്, ടൂ​റി​സം പ്രോ​ജ​ക്ട് എ​ൻ​ജി​നീ​യ​ർ എ​സ്. ശ്രീ​ജ, ടൂ​റി​സം പ്ര​മോ​ഷ​ൻ കൗ​ൺ​സി​ൽ ഇ​ൻ​ഫ​ർ​മേ​ഷ​ൻ അ​സി​സ്റ്റ​ൻ​റ് സോ​മു കെ. ​തോ​മ​സ് ഉ​ൾ​പ്പെ​ടു​ന്ന സം​ഘം സ​ന്ദ​ർ​ശ​നം ന​ട​ത്തി. പാ​ർ​ക്കി​ന്റെ ആ​ധു​നി​ക രീ​തി​യി​ലു​ള്ള അ​ടി​സ്ഥാ​ന സൗ​ക​ര്യ വി​ക​സ​ന​വും സൗ​ന്ദ​ര്യ​വ​ത്ക​ര​ണ​വും വാ​ർ​ഡം​ഗം എ​സ്.​എം. അ​ലി​യാ​രു​മാ​യി ച​ർ​ച്ച ന​ട​ത്തി.

ജി​ല്ല പ​ഞ്ചാ​യ​ത്തം​ഗം റ​ഷീ​ദ സ​ലിം ഫ​ണ്ട്​ അ​നു​വ​ദി​ച്ച് സ്ഥാ​പി​ച്ച ഓ​പ​ൺ ജി​മ്മും മൂ​ന്നു​വ​ശ​വും വെ​ള്ള​ത്താ​ൽ ചു​റ്റ​പ്പെ​ട്ടു​കി​ട​ക്കു​ന്ന മി​നി ഡാം ​സൈ​റ്റി​ലെ തു​രു​ത്തു​പോ​ലു​ള്ള സ്ഥ​ല​ത്തി​ന്റെ മ​നോ​ഹാ​രി​ത​യും വൈ​വി​ധ്യ​മു​ള്ള മ​ര​ങ്ങ​ളും ത​ണ​ലും കാ​റ്റും സം​ഘ​ത്തി​ന് ഏ​റെ ഇ​ഷ്ട​പ്പെ​ട്ടു. ടൂ​റി​സ​ത്തി​ന് വ​ലി​യ സാ​ധ്യ​ത​ക​ളു​ണ്ടെ​ന്ന് സം​ഘം അ​ഭി​പ്രാ​യ​പ്പെ​ട്ടു.

വി​പു​ല​മാ​യ പ്രോ​ജ​ക്ട് റി​പ്പോ​ർ​ട്ട് സ​ർ​ക്കാ​റി​ന് സ​മ​ർ​പ്പി​ക്കും. അ​ടി​യോ​ടി മെ​യി​ൻ ക​നാ​ലി​ന് കു​റു​കെ അ​ണ​കെ​ട്ടി​യാ​ണ് മൂ​ന്ന്​ ക​നാ​ലു​ക​ളി​ലൂ​ടെ ജ​ല സേ​ച​ന​ത്തി​ന് വെ​ള്ളം ഒ​ഴു​ക്കു​ന്ന​ത്. പാ​ർ​ക്കി​നോ​ട് ചേ​ർ​ന്ന് സ്വ​കാ​ര്യ വ്യ​ക്തി​യു​ടെ മി​നി ജ​ല​വൈ​ദ്യു​തി ഉ​ൽ​പാ​ദ​ന കേ​ന്ദ്ര​വും പ്ര​വ​ർ​ത്ത​ന സ​ജ്ജ​മാ​യി​​ക്കൊ​ണ്ടി​രി​ക്കു​ന്നു. ഇ​തി​ലെ വൈ​ദ്യു​തി ഉ​പ​യോ​ഗി​ച്ച് ഓ​യി​ൽ മി​ൽ പ്ര​വ​ർ​ത്തി​പ്പി​ക്കും അ​ധി​ക വൈ​ദ്യു​തി കെ.​എ​സ്.​ഇ.​ബി.​ക്ക് ന​ൽ​കും.

അ​ടി​യോ​ടി മി​നി ഡാ​മി​ലെ വെ​ള്ളം ഒ​രേ സ​മ​യം ജ​ല​സേ​ച​ന​ത്തി​നും വൈ​ദ്യു​തി ഉ​ൽ​​പാ​ദ​ന​ത്തി​നും ഉ​പ​യു​ക്ത​മാ​ക്കാ​ൻ ഈ ​പ​ദ്ധ​തി​ക്ക് ക​ഴി​യും. ഭൂ​ത​ത്താ​ൻ​കെ​ട്ട്, ചെ​ങ്ക​ര, ചെ​മ്മീ​ൻ​കു​ത്ത്, മു​ത്തം​കു​ഴി ക​നാ​ൽ ബ​ണ്ട് റോ​ഡു​ക​ൾ സു​ര​ക്ഷാ​വേ​ലി നി​ർ​മി​ച്ചും പാ​ത​യോ​ര വി​ള​ക്കു​ക​ൾ സ്ഥാ​പി​ച്ചും സു​ര​ക്ഷി​ത​മാ​ക്കും. ജ​ല​സേ​ച​ന വ​കു​പ്പി​ന്റെ ആ​വ​ശ്യം ക​ഴി​ഞ്ഞ് ബാ​ക്കി കി​ട​ക്കു​ന്ന സ്ഥ​ല​ങ്ങ​ളി​ൽ അ​ല​ങ്കാ​ര ഇ​ല്ലി​ക​ളും പൂ​ച്ചെ​ടി​ക​ളും വൃ​ക്ഷ​ങ്ങ​ളും ന​ട്ട് മ​നോ​ഹ​ര പ​ച്ച​തു​രു​ത്തു​ക​ൾ നി​ർ​മി​ച്ച് വ​ഴി​യോ​ര വി​ശ്ര​മ​കേ​ന്ദ്ര​ങ്ങ​ൾ സ്ഥാ​പി​ക്കും.

അ​ടി​യോ​ടി​യി​ൽ നി​ന്ന്​ ര​ണ്ടാ​യി പി​രി​യു​ന്ന ലോ ​ലെ​വ​ൽ ക​നാ​ൽ റോ​ഡ് പു​ലി​മ​ല ച​ർ​ച്ച് ജ​ങ്ഷ​നു​മാ​യും ഹൈ​ല​വ​ൽ ക​നാ​ൽ റോ​ഡ് അ​യി​രൂ​ർ​പാ​ടം പ​ള്ളി​ക്ക​വ​ല, ജാ​സ് പ​ബ്ലി​ക് ലൈ​ബ്ര​റി ജ​ങ്ഷ​നു​മാ​യും ബ​ന്ധി​പ്പി​ക്കും. ഫാം ​ടൂ​റി​സ​ത്തി​ന് വ​ലി​യ സാ​ധ്യ​ത​ക​ളു​ള്ള പു​ലി​മ​ല, അ​യി​രൂ​ർ പാ​ടം, മു​ത്തം​കു​ഴി, ചെ​മ്മീ​ൻ കു​ത്ത്, ചെ​ങ്ക​ര, ഭൂ​ത​ത്താ​ൻ​കെ​ട്ട്, മാ​ലി​പ്പാ​റ, വേ​ട്ടാ​മ്പാ​റ, ആ​നോ​ട്ടു​പാ​റ പ്ര​ദേ​ശ​ങ്ങ​ളി​ലെ മി​ക​ച്ച വൈ​വി​ധ്യ​മു​ള്ള ഫാ​മു​ക​ളെ ബ​ന്ധി​പ്പി​ച്ച് ഫാം ​ടൂ​റി​സം സ​ർ​ക്യൂ​ട്ട് ത​യാ​റാ​ക്കു​മെ​ന്നും വാ​ർ​ഡ്‌ മെം​ബ​ർ പ​റ​ഞ്ഞു.