ഇടമലയാർ ഡാമിന് സമീപം കുടിൽ കെട്ടി ആദിവാസി കുടുംബങ്ങൾ

കോ​ത​മം​ഗ​ലം: ഇ​ട​മ​ല​യാ​ർ ഡാ​മി​ന് സ​മീ​പം കു​ടി​ൽ കെ​ട്ടി അ​റാ​ക്ക​പ്പ് കോ​ള​നി​യി​ലെ ആ​ദി​വാ​സി കു​ടും​ബ​ങ്ങ​ൾ. തൃ​ശൂ​ർ ജി​ല്ല​യി​ലെ വാ​ഴ​ച്ചാ​ൽ -മ​ല​ക്ക​പ്പാ​റ വ​ന​ത്തി​നു​ള്ളി​ലെ 45 കു​ടും​ബ​ങ്ങ​ൾ അ​ധി​വ​സി​ക്കു​ന്ന അ​റാ​ക്ക​പ്പ് കോ​ള​നി​യി​ലെ 11 കു​ടും​ബ​ങ്ങ​ളാ​ണ് ചൊ​വ്വാ​ഴ്ച ഉ​ച്ച​യോ​ടെ ഇ​ട​മ​ല​യാ​ർ ഡാ​മി​ന് മു​ക​ളി​ൽ വൈ​ശാ​ലി ഗു​ഹ​ക്ക് സ​മീ​പ​മെ​ത്തി കു​ടി​ൽ കെ​ട്ടാ​ൻ തു​ട​ങ്ങി​യ​ത്.

മൂ​ന്ന് കു​ടി​ലു​ക​ൾ ഇ​വ​ർ നി​ർ​മി​ച്ചു. വി​വ​ര​മ​റി​ഞ്ഞെ​ത്തി​യ ഇ​ട​മ​ല​യാ​ർ ഫോ​റ​സ്​​റ്റ്​ സ്​​റ്റേ​ഷ​ൻ ജീ​വ​ന​ക്കാ​ർ നി​ർ​ത്തി​​വെ​ക്കാ​ൻ ആ​വ​ശ്യ​പ്പെ​ട്ടു. എ​ന്നാ​ൽ, കു​ടി​ൽ കെ​ട്ടി താ​മ​സി​ക്കു​മെ​ന്ന ഉ​റ​ച്ച തീ​രു​മാ​ന​ത്തി​ലാ​ണ് കു​ട്ടി​ക​ളും സ്ത്രീ​ക​ളും വൃ​ദ്ധ​രു​മ​ട​ങ്ങു​ന്ന 40 അം​ഗ സം​ഘം. ഉ​രു​ൾ​പ്പൊ​ട്ട​ലും വ​ന്യ​മൃ​ഗ​ശ​ല്യ​വും രൂ​ക്ഷ​മാ​യ അ​റാ​ക്ക​പ്പി​ൽ​നി​ന്ന് ത​ങ്ങ​ൾ​ക്ക് അ​നു​യോ​ജ്യ​മാ​യ സ്ഥ​ലം അ​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ട് ക​ല​ക്ട​ർ​മാ​ർ​ക്കും വ​നം വ​കു​പ്പ് അ​ധി​കൃ​ത​ർ​ക്കും നി​ര​ന്ത​രം നി​വേ​ദ​ന​ങ്ങ​ൾ ന​ൽ​കി​യെ​ങ്കി​ലും ന​ട​പ​ടി സ്വീ​ക​രി​ക്കാ​ത്ത സാ​ഹ​ച​ര്യ​ത്തി​ലാ​ണ് പ്ര​ത്യ​ക്ഷ സ​മ​ര​വു​മാ​യി ഇ​വ​ർ രം​ഗ​ത്ത് വ​ന്ന​ത്.

ഇ​വ​രു​ടെ ദു​രി​ത ജീ​വി​തം ജ​നു​വ​രി​യി​ൽ 'മാ​ധ്യ​മം' റി​പ്പോ​ർ​ട്ട്​ ചെ​യ്​​തി​രു​ന്നു. തു​ട​ർ​ന്ന്​ മ​നു​ഷ്യാ​വ​കാ​ശ ക​മീ​ഷ​ൻ ഇ​ട​പ്പെ​ട്ട് ക​ല​ക്ട​റോ​ട് റി​പ്പോ​ർ​ട്ട് തേ​ടു​ക​യും ചെ​യ്​​തി​രു​ന്നു. വാ​ഴ​ച്ചാ​ൽ വ​ന​മേ​ഖ​ല​യി​ൽ ഉ​ൾ​പ്പെ​ടു​ന്ന പ്ര​ദേ​ശ​ത്ത്​ ചി​കി​ത്സി​ക്കാ​ൻ ആ​ശു​പ​ത്രി​യി​ല്ല, റോ​ഡി​ല്ല, വീ​ടി​ല്ല, വൈ​ദ്യു​തി​യും വെ​ള്ള​വു​മി​ല്ല. ഇ​ട​മ​ല​യാ​ർ ജ​ലാ​ശ​യ​ത്തി​ലൂ​ടെ ച​ങ്ങാ​ട​ത്തി​ൽ തു​ഴ​ഞ്ഞും വ​നാ​ന്ത​ര​ത്തി​ലൂ​ടെ ന​ട​ന്നും അ​ഞ്ച് മ​ണി​ക്കൂ​ർ സ​ഞ്ച​രി​ച്ചാ​ണ് ഇ​വ​ർ തൊ​ട്ട​ടു​ത്ത ജ​ന​വാ​സ മേ​ഖ​ല​യാ​യ വ​ടാ​ട്ടു​പാ​റ​യി​ലെ​ത്തു​ന്ന​ത്. രോ​ഗം വ​ന്നാ​ൽ ചി​കി​ത്സി​ക്ക​ണ​മെ​ങ്കി​ൽ 80-ഓ​ളം കി​ലോ​മീ​റ്റ​ർ ദൂ​രെ​യു​ള്ള ചാ​ല​ക്കു​ടി സ​ർ​ക്കാ​ർ ആ​ശു​പ​ത്രി​യി​ലെ​ത്ത​ണം.

ഇ​തി​ന് ര​ണ്ട​ര കി​ലോ​മീ​റ്റ​റോ​ളം പാ​റ​ക്കെ​ട്ടു​ക​ൾ നി​റ​ഞ്ഞ കൊ​ടും​കാ​ട്ടി​ലൂ​ടെ രോ​ഗി​യെ ചു​മ​ന്ന് മ​ല​ക്ക​പ്പാ​റ​യി​ലെ​ത്തി​ക്ക​ണം. കു​ട്ടി​ക​ളും വൃ​ദ്ധ​രു​മാ​യ കു​ടും​ബാം​ഗ​ങ്ങ​ളു​മൊ​ന്നി​ച്ച് സു​ര​ക്ഷി​ത​മാ​യി ജീ​വി​ക്കാ​ൻ ഒ​രി​ട​മാ​ണ് ഇ​വ​ർ തേ​ടു​ന്ന​ത്. ഇ​ട​മ​ല​യാ​ർ ഡാം ​സൈ​റ്റി​ന് മു​ക​ളി​ൽ വൈ​ശാ​ലി ഗു​ഹ​ക്ക്​ സ​മീ​പം ഇ​വ​ർ​ക്ക് ഒ​രി​ക്ക​ൽ സ്ഥ​ലം വ​നം വ​കു​പ്പ് വാ​ഗ്ദാ​നം ചെ​യ്തെ​ങ്കി​ലും ന​ട​പ​ടി​ക​ൾ ഏ​ങ്ങു​മെ​ത്താ​തെ നി​ൽ​ക്കു​ക​യാ​യി​രു​ന്നു.

സ്ഥ​ലം ഒ​ഴി​ഞ്ഞ് പോ​കാ​ൻ 24 മ​ണി​ക്കൂ​ർ സ​മ​യ​മാ​ണ് വ​നം വ​കു​പ്പ് അ​നു​വ​ദി​ച്ചി​രി​ക്കു​ന്ന​ത്. എ​ന്നാ​ൽ, ഒ​ഴി​യി​ല്ലെ​ന്ന ഉ​റ​ച്ച നി​ല​പാ​ടി​ലാ​ണ് ആ​ദി​വാ​സി​ക​ൾ.