പിണ്ടിമന കോട്ടപ്പടി പഞ്ചായത്തുകളിൽ കാട്ടാന ശല്യം

കോ​ത​മം​ഗ​ലം: പി​ണ്ടി​മ​ന പ​ഞ്ചാ​യ​ത്ത് പ​തി​നൊ​ന്നാം വാ​ർ​ഡി​ൽ അ​യി​രൂ​ർ​പാ​ടം ഭാ​ഗ​ത്ത് മൂ​ന്ന് ദി​വ​സ​മാ​യി തു​ട​ർ​ച്ച​യാ​യി കാ​ട്ടാ​ന ശ​ല്യം തു​ട​രു​ന്നു. കോ​ട്ട​പ്പ​ടി പ​ഞ്ചാ​യ​ത്തി​ൽ നാല്​, അഞ്ച്​ വാ​ർ​ഡു​ക​ളോ​ട് ചേ​ർ​ന്ന പ്ര​ദേ​ശ​മാ​ണ് ഇ​വി​ടം. കോ​ട്ട​പ്പ​ടി പ​ഞ്ചാ​യ​ത്ത് അ​ഞ്ചാം വാ​ർ​ഡി​ൽ മ​ങ്ങാ​ര​ത്ത് വ​ർ​ഗ്ഗീ​സ്കു​ട്ടി​യു​ടെ പു​ര​യി​ട​ത്തി​ൽ കാ​ട്ടാ​ന​യും കാ​ട്ടു പ​ന്നി​യും എ​ത്തി.

മോ​ള​ത്താ​ൻ എ​ബി​യു​ടെ പു​ര​യി​ട​ത്തി​ലെ മു​പ്പ​തോ​ളം വാ​ഴ​ക​ൾ ആ​ന​ക​ൾ ന​ശി​പ്പി​ച്ചു. വാ​ർ​ഡ് അംഗം ലാ​ലി ജോ​യി​യു​ടെ പു​ര​യി​ട​ത്തി​ൽ ഉ​ണ്ടാ​യി​രു​ന്ന ക​പ്പ കൃ​ഷി​യും ന​ശി​പ്പി​ച്ചു. തൊ​ട്ടു ചേ​ർ​ന്നു​ള്ള അ​രാ​ക്ക​ൽ മ​ത്താ​യി​യു​ടെ പു​ര​യി​ട​ത്തി​ൽ നി​ൽ​ക്കു​ന്ന പ്ലാ​വി​ലെ ച​ക്ക​ക​ൾ ആ​ന തി​ന്നു.

ആ​ന​ക​ൾ ക​രി​മ്പ​ന​ക്ക​ൽ പൈ​ലി​യു​ടെ പു​ര​യി​ട​ത്തി​ൽ ക​യ​റി കാ​വ​ല​ക്കു​ടി ബോ​സി​ന്റെ പു​ര​യി​ട​ത്തി​ലൂ​ടെ ഇ​ക്ക​ര​ക്കു​ടി ഉ​സ്മാ​ന്റെ പൈ​നാ​പ്പി​ൾ കൃ​ഷി​യി​ലൂ​ടെ ക​ട​ന്ന് അ​മ്മ​ച്ചി കോ​ള​നി​യി​ലെ അ​ംഗൻവാ​ടി​യു​ടെ സ​മീ​പം വ​രെ​യെ​ത്തി. ഇ​തോ​ടെ പ്ര​ദേ​ശ വാ​സി​ക​ൾ ഭ​യ​ച​കി​ത​രാ​ണ്‌.

പൊ​തു​ജ​ന​ങ്ങ​ളു​ടെ ജീ​വ​നും സ്വ​ത്തി​നും സം​ര​ക്ഷ​ണം ന​ൽ​കാ​ൻ ക​ഴി​യു​ന്ന വി​ധ​മു​ള്ള ന​ട​പ​ടി​ക​ൾ സ​ർ​ക്കാ​രു​ക​ളു​ടെ ഭാ​ഗ​ത്തു നി​ന്നും ഉ​ണ്ടാ​ക​ണ​മെ​ന്ന് വാ​ർ​ഡ് മെ​മ്പ​ർ ലാ​ലി ജോ​യി ആ​വ​ശ്യ​പ്പെ​ട്ടു.

മാ​മ​ല​ക്കണ്ട​ത്തും കാ​ട്ടാ​ന

കോ​ത​മം​ഗ​ലം: പ്ര​ദേ​ശ​വാ​സി​ക​ളെ ഭീ​തി​ലാ​ക്കി മാ​മ​ല​ക​ണ്ട​ത്ത് ജ​ന​വാ​സ കേ​ന്ദ്ര​ത്തി​ൽ കാ​ട്ടാ​ന​കൂ​ട്ടം. ഇ​ട​ക്ക് ഒ​റ്റ​യാ​യും കൂ​ട്ട​മാ​യും ആ​ന​ക​ൾ ഇ​റ​ങ്ങാ​റു​ണ്ട​ങ്കി​ലും ജ​ന​വാ​സ മേ​ഖ​ല​യി​ൽ തു​ട​ർ​ച്ച​യാ​യി ആ​ന​ക​ൾ ത​ങ്ങാ​റി​ല്ല. വെ​ള്ളി​യാ​ഴ്ച രാ​വി​ലെ മാ​മ​ല​ക​ണ്ടം റേ​ഷ​ൻ ഷോ​പ്പി​ന് സ​മീ​പ​ത്തെ കൊ​യി​നി​പ്പാ​റ ഭാ​ഗ​ത്ത് കൊ​മ്പ​നും പി​ടി​യും കു​ഞ്ഞു​മ​ട​ങ്ങു​ന്ന ഏ​ഴ് ആ​ന​ക​ളു​ടെ കൂ​ട്ട​മാ​ണ് ഇ​റ​ങ്ങി​യ​ത്. ആ​ന ഭീ​ഷ​ണി​യി​ൽ നി​ന്നും നാ​ട്ടു​കാ​രെ​യും കാ​ർ​ഷി​ക വി​ള​ക​ളേ​യും സം​ര​ക്ഷി​ക്കാ​നു​ള്ള ന​ട​പ​ടി സ്വീ​ക​രി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.