കഞ്ചാവുമായി യുവാവ് പിടിയിൽ

കോതമംഗലം: മൂവാറ്റുപുഴ: രണ്ടരക്കിലോ കഞ്ചാവുമായി യുവാവ് പിടിയിൽ. ഊന്നുകൽ നോക്കരായിൽ വീട്ടിൽ ജിതിനെയാണ് (കണ്ണൻ -22) പോത്താനിക്കാട് പൊലീസ് പിടികൂടിയത്. പൈങ്ങോട്ടുകര ഷാപ്പ് ഭാഗത്ത് കഞ്ചാവ് വിൽക്കാനെത്തിയപ്പോഴാണ് ഇയാൾ പിടിയിലാകുന്നത്.

ഇൻസ്പെക്ടർ ജിയോ മാത്യു, എസ്.ഐമാരായ എം.സി. എൽദോസ്, കെ.പി. ഡാന്റി, എ.എസ്.ഐമാരായ ഷാൽബി അഗസ്റ്റിൻ, നിജു ഭാസ്കർ, ഗിരീഷ് കുമാർ, രതീശൻ സീനിയർ സിവിൽ പൊലീസ് ഓഫിസർമാരായ അജീഷ് കുട്ടപ്പൻ, റഷീദ്, ദീപു പി. കൃഷ്ണൻ, സനൂപ് തുടങ്ങിയവർ ചേർന്നാണ് പ്രതിയെ പിടികൂടിയത്.