മാധ്യമം ‘എജുകഫെ’ രജിസ്ട്രേഷന് മികച്ച പ്രതികരണം
text_fieldsകൊച്ചി: കേരളത്തിലെ ഏറ്റവും വലിയ വിദ്യാഭ്യാസ മേളയായ മാധ്യമം എജുകഫെയുടെ രജിസ്ട്രേഷന് മികച്ച പ്രതികരണം. മുൻകൂട്ടി രജിസ്റ്റർ ചെയ്യുന്ന വിദ്യാർഥികൾക്കായി നിരവധി ഓഫറുകൾ എജുകഫെയുടെ വേദിയിൽ കാത്തിരിക്കുന്നുണ്ട്. മാത്രമല്ല, ഓൺലൈനായി രജിസ്റ്റർ ചെയ്യുന്ന വിദ്യാർഥികളിൽനിന്ന് തിരഞ്ഞെടുക്കുന്നവർക്കായി നിരവധി സമ്മാനങ്ങളും ടൂർ പാക്കേജുകളുമടക്കം ഒരുക്കിയിട്ടുണ്ട്.
വിദ്യാർഥികളുടെ സെഷനുകൾക്കുപുറമെ മക്കളുടെ ഉപരിപഠനവുമായി ബന്ധപ്പെട്ട് ആശങ്കയിൽ കഴിയുന്ന രക്ഷിതാക്കൾക്കും അധ്യാപകർക്കുമായി പ്രത്യേകം സെഷനുകളും എജുകഫെയിൽ കാത്തിരിക്കുന്നുണ്ട്. പി.ബി. നൂഹ് ഐ.എ.എസ്, ഗ്രാന്റ്മാസ്റ്റർ ജി.എസ്. പ്രദീപ്, മെന്റലിസ്റ്റ് ആദി, എഴുത്തുകാരിയും മനശാസ്ത്ര വിദഗ്ധയുമായ ആരതി സി. രാജരത്നം, രാജമൂർത്തി, ഡോ. മാണി പോൾ, സി.ഇ.ഒ ഉമർ അബ്ദുസ്സലാം തുടങ്ങി നിരവധി പ്രമുഖർ എജുകഫെയിയിൽ വിദ്യാർഥികളുമായി സംവദിക്കും.
10, 11, 12 ഡിഗ്രി ക്ലാസുകളിലെ കുട്ടികളെ ഫോക്കസ് ചെയ്യുന്ന ഈ ആഗോള വിദ്യാഭ്യാസ മേളയിൽ ഉപരിപഠനം ആഗ്രഹിക്കുന്ന ഏതൊരു വിദ്യാർഥിക്കും കൂടാതെ രക്ഷിതാക്കൾക്കും അധ്യാപകർക്കും ഭാഗമാവാൻ അവസരമുണ്ടാകും. മലപ്പുറം, കോഴിക്കോട്, കണ്ണൂർ, കൊച്ചി തുടങ്ങി നാല് വേദികളിലാണ് ഇത്തവണ എജുകഫെ നടക്കുക. കൊമേഴ്സ്, സിവിൽ സർവിസ്, മാനേജ്മെന്റ്, മെഡിക്കൽ, എൻജിനീയറിങ്, വിദേശ പഠനം തുടങ്ങി എല്ലാ മേഖലകളുമായി ബന്ധപ്പെട്ട കരിയർ സെഷനുകളും സ്റ്റാളുകളും കേരളത്തിൽ ഏറ്റവും കൂടുതൽ വിദ്യാർഥികൾ പങ്കെടുക്കുന്ന ഈ വിദ്യാഭ്യാസ മേളയുടെ ഭാഗമായുണ്ടാകും.
അഭിരുചിക്കനുസരിച്ചുള്ള കരിയർ തെരഞ്ഞെടുക്കുന്നതിന് വിദ്യാർഥികളെ സഹായിക്കാൻ സിജി ടീമിന്റെ സെഷനുകളും സൈക്കോളജിക്കൽ കൗൺസിലിങ്, കരിയർ മാപ്പിങ്, മോട്ടിവേഷണൽ സെഷനുകൾ, ആപ്റ്റിറ്റ്യൂഡ് ടെസ്റ്റുകൾ, മോക് ടെസ്റ്റുകൾ, ടോപ്പേഴ്സ് ടോക്ക്, സക്സസ് ചാറ്റ് തുടങ്ങിവയും എജുകഫെയിൽ അരങ്ങേറും. അന്താരാഷ്ട്ര തലത്തിൽതന്നെ ഏറെ മുൻപന്തിയിൽ നിൽക്കുന്ന സർവകലാശാലകളുടെയും കോളജുകളുടെയും സ്റ്റാളുകളും കൗൺസിലിങ്ങുമെല്ലാം എജുകഫെയെ മറ്റു വിദ്യാഭ്യാസ മേളകളിൽനിന്ന് വ്യത്യസ്തമാക്കുന്നു. നൽകിയിരിക്കുന്ന ക്യു.ആർ കോഡ് സ്കാൻ ചെയ്തോ www.myeducafe.com എന്ന വെബ്സൈറ്റ് വഴിയോ വിദ്യാർഥികൾക്കും അധ്യാപകർക്കും രക്ഷിതാക്കൾക്കും എജുകഫെയിൽ രജിസ്റ്റർ ചെയ്യാം. രജിസ്ട്രേഷനും പ്രവേശനവും സൗജന്യമാണ്. വാട്സപ് മുഖേനയും രജിസ്റ്റർ ചെയ്യാം ഫോൺ നമ്പർ: 9645007172.
വിജ്ഞാനത്തിന്റെ വിജയ മന്ത്രങ്ങളുമായി ജി.എസ് പ്രദീപ് വരുന്നു
കൊച്ചി: വിജ്ഞാനത്തിന്റെ വിജയ മന്ത്രങ്ങളുമായി ജി.എസ് പ്രദീപ് വിദ്യാർഥികൾക്കു മുന്നിലെത്തും. എജുകഫെ കൊച്ചി, കണ്ണൂർ വേദികളിലായിരിക്കും വിശകലന പാടവവും ഓർമ്മശക്തിയുംകൊണ്ട് അമ്പരപ്പിക്കാൻ അദ്ദേഹമെത്തുക. ക്വിസ്റ്റിങ് രംഗത്ത് റിവേഴ്സ് ക്വിസ്റ്റിങ് എന്ന നൂതന ആശയം കൊണ്ടുവന്ന് അതിലൂടെ പ്രേക്ഷക മനസ്സുകളുടെ സ്വന്തം ഗ്രാന്റ്മാസ്റ്റർ ആയി മാറിയ ജി.എസ്. പ്രദീപ് വിദ്യാർഥികളുമായി നേരിട്ട് സംവദിക്കും. ദൃശ്യ മാധ്യമ രംഗത്ത് പുത്തൻ തരംഗം തീർത്ത വിജ്ഞാനത്തിന്റെ അശ്വമേധവുമായി അദ്ദേഹമെത്തുമ്പോൾ അത് വിദ്യാർത്ഥികൾക്ക് കരിയർ മോട്ടിവേഷൻ എന്നതിനപ്പുറം അറിവിന്റെ ലോകത്തേക്കുള്ള പ്രയാണംകൂടിയാകും.
ഓർമ്മശക്തികൊണ്ട് ആളുകളെ അമ്പരപ്പിച്ച ജി.എസ്. പ്രദീപ് വിപരീതപ്രശ്നോത്തരി അവതരിപ്പിച്ച് ലിംക ബുക് ഓഫ് റെക്കോര്ഡ്സില് വരെ ഇടം നേടിയിട്ടുണ്ട്. മുൻവിധികളില്ലാതെ ഒരു പുതിയ ലോകം വിദ്യാർഥികൾക്ക് പകർന്നു നൽകാൻകൂടിയാണ് അദ്ദേഹം എജുകഫെ വേദിയിലെത്തുന്നത്. എജുകഫെയിലെ ജി.എസ് പ്രദീപിന്റെ കരിയർ മോട്ടിവേഷണൽ സെഷൻ തീർച്ചയായും അറിവിന്റെ പരസ്പര കൈമാറ്റത്തിനുള്ള വേദികൂടിയാകുമെന്ന് ഉറപ്പ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.