തോട്ടാഞ്ചേരിയിലെ ലഹരി മാഫിയക്കെതിരെ അമ്മമാർ

മൂ​വാ​റ്റു​പു​ഴ: ല​ഹ​രി വ​സ്തു​ക്ക​ളു​ടെ ഉ​പ​യോ​ഗ​ത്തി​നും വി​ൽ​പ​ന​ക്കു​മെ​തി​രെ തോ​ട്ടാ​ഞ്ചേ​രി പ്ര​ദേ​ശ​ത്തെ അ​മ്മ​മാ​രു​ടെ നി​വേ​ദ​നം. ആ​യ​വ​ന പ​ഞ്ചാ​യ​ത്തി​ലെ തോ​ട്ടാ​ഞ്ചേ​രി​യി​ലെ മു​ന്നൂ​റോ​ളം അ​മ്മ​മാ​രാ​ണ് ത​ങ്ങ​ൾ ഭീ​തി​യി​ലാ​ണ് ഓ​രോ ദി​വ​സ​വും ത​ള്ളി​നീ​ക്കു​ന്ന​തെ​ന്ന് കാ​ണി​ച്ച്​ ഡോ. ​മാ​ത്യു കു​ഴ​ൽ​നാ​ട​ൻ എം.​എ​ൽ.​എ മു​ഖേ​ന മ​ന്ത്രി​ക്ക് നി​വേ​ദ​നം ന​ൽ​കി​യ​ത്. നി​വേ​ദ​നം തി​ങ്ക​ളാ​ഴ്ച എ​ക്സൈ​സ് മ​ന്ത്രി എം.​ബി. രാ​ജേ​ഷി​ന് സ​മ​ർ​പ്പി​ച്ചു.

ല​ഹ​രി മാ​ഫി​യ​യു​മാ​യി ബ​ന്ധ​പ്പെ​ട്ട സാ​ധാ​ര​ണ വി​ഷ​യ​മാ​യി ഇ​തി​നെ കാ​ണ​രു​തെ​ന്ന് നി​വേ​ദ​ന​ത്തി​നൊ​പ്പം ന​ൽ​കി​യ ക​ത്തി​ൽ എം.​എ​ൽ.​എ ചൂ​ണ്ടി​ക്കാ​ട്ടി. തോ​ട്ടാ​ഞ്ചേ​രി പ്ര​ദേ​ശ​ത്തെ യു​വാ​ക്ക​ള​ട​ക്ക​മു​ള്ള​വ​ർ ല​ഹ​രി​ക്കും ല​ഹ​രി മാ​ഫി​യ​ക്കും അ​ടി​​പ്പെ​ടു​ന്ന​തും പൈ​ശാ​ചി​ക​മാ​യ ആ​ക്ര​മ​ണ​ങ്ങ​ളി​ൽ ഏ​ർ​പ്പെ​ടു​ന്ന​തും പ​തി​വാ​യ​തോ​ടെ​യാ​ണ് അ​മ്മ​മാ​ർ ജ​ന​പ്ര​തി​നി​ധി​യെ​ന്ന നി​ല​യി​ൽ എം.​എ​ൽ.​എ​യെ സ​മീ​പി​ച്ച​ത്. ക​ഴി​ഞ്ഞ ദി​വ​സം മൂ​വാ​റ്റു​പു​ഴ​യി​ലെ ബാ​റി​ൽ യു​വാ​വ് കൊ​ല്ല​പ്പെ​ട്ട സം​ഭ​വ​ത്തി​ൽ തോ​ട്ടാ​ഞ്ചേ​രി പ്ര​ദേ​ശ​ത്തെ ഏ​താ​നും യു​വാ​ക്ക​ൾ പ്ര​തി​ക​ളാ​യി​രു​ന്നു. ഇ​വി​ടെ വ്യാ​പ​ക​മാ​യ ല​ഹ​രി ഉ​പ​യോ​ഗ​വും വി​ൽ​പ​ന​യും ന​ട​ക്കു​ന്ന​താ​യി നി​വേ​ദ​ന​ത്തി​ൽ ഒ​പ്പി​ട്ട അ​മ്മ​മാ​ർ പ​റ​ഞ്ഞു.

ല​ഹ​രി ഉ​പ​യോ​ഗം മൂ​ല​മു​ള്ള ആ​ക്ര​മ​ണ​ങ്ങ​ൾ നി​സ്സ​ഹാ​യ​ത​യോ​ടെ കാ​ണേ​ണ്ടി​വ​രു​ന്ന സാ​ഹ​ച​ര്യ​ത്തി​ലാ​ണ് ഇ​ക്കാ​ര്യ​ത്തി​ൽ പ​രി​ഹാ​ര​ന​ട​പ​ടി​ക​ൾ ആ​വ​ശ്യ​പ്പെ​ട്ട്​ എം.​എ​ൽ.​എ​യെ സ​മീ​പി​ച്ച​ത്. അ​മ്മ​മാ​ർ​ക്കും അ​വ​രു​ടെ കു​ട്ടി​ക​ൾ​ക്കും കു​ടും​ബ​ങ്ങ​ൾ​ക്കും ഏ​തു​നി​മി​ഷ​വും ആ​ക്ര​മി​ക്ക​പ്പെ​ടാ​മെ​ന്ന ഭീ​തി കാ​ര​ണം പു​റ​ത്തി​റ​ങ്ങാ​ൻ ക​ഴി​യാ​ത്ത സാ​ഹ​ച​ര്യ​മാ​ണു​ള്ള​തെ​ന്ന് എം.​എ​ൽ.​എ പ​റ​ഞ്ഞു. ല​ഹ​രി വി​ൽ​പ​ന​യെ എ​തി​ർ​ക്കു​ന്ന​വ​ർ​ക്കും വ​ധ​ഭീ​ഷ​ണി​യു​ണ്ടാ​യി​ട്ടു​ണ്ട്.

ക​ഴി​ഞ്ഞ ദി​വ​സ​ങ്ങ​ളി​ൽ ല​ഹ​രി​മാ​ഫി​യ​യു​ടെ ആ​ക്ര​മ​ണ​ത്തി​ൽ യു​വാ​വി​ന്റെ ജീ​വ​ൻ ന​ഷ്ട​പ്പെ​ട്ടു. മാ​ത്ര​മ​ല്ല, ഇ​വ​ർ സ്കൂ​ൾ കു​ട്ടി​ക​ളെ​യും കോ​ള​ജ് വി​ദ്യാ​ർ​ഥി​ക​ളെ​യും പ്ര​ലോ​ഭി​പ്പി​ച്ചും ഭീ​ഷ​ണി​പ്പെ​ടു​ത്തി​യും മ​യ​ക്കു​മ​രു​ന്നി​നും ല​ഹ​രി ഉ​പ​യോ​ഗ​ത്തി​നും വി​ധേ​യ​രാ​ക്കു​ക​യാ​ണ്. ഈ ​വി​ഷ​യ​ത്തി​ൽ മ​ന്ത്രി അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്ന് എം.​എ​ൽ.​എ അ​ഭ്യ​ർ​ഥി​ച്ചു.