മത്സ്യമാർക്കറ്റ് സാമൂഹികവിരുദ്ധ താവളമായി

മൂ​വാ​റ്റു​പു​ഴ: ന​ഗ​ര​സ​ഭ​യു​ടെ ആ​ധു​നി​ക മ​ത്സ്യ​മാ​ർ​ക്ക​റ്റ് സാ​മൂ​ഹി​ക​വി​രു​ദ്ധ​രു​ടെ താ​വ​ള​മാ​യി. സാ​മൂ​ഹി​ക​വി​രു​ദ്ധ​രും ആ​ക്രി​ക്ക​ച്ച​വ​ട​ക്കാ​രും മാ​ർ​ക്ക​റ്റ് കൈ​യേ​റി​യ​തോ​ടെ പ​രി​സ​ര​ത്തെ വ്യാ​പാ​രി​ക​ൾ​ക്കും സ്കൂ​ൾ വി​ദ്യാ​ർ​ഥി​ക​ൾ​ക്കും അ​ട​ക്കം ദു​രി​ത​മാ​യി​രി​ക്കു​ക​യാ​ണ്. രാ​പ്പ​ക​ൽ ഭേ​ദ​മ​ന്യ പ്ലാ​സ്റ്റി​ക് മാ​ലി​ന്യ​ത്തി​ന്​ തീ​യി​ടു​ന്ന​തു​മൂ​ലം ഉ​യ​രു​ന്ന പു​ക സ്റ്റേ​ഡി​യം കോം​പ്ല​ക്സി​ലും ന്യൂ ​ബ​സാ​റി​ലു​മു​ള്ള വ്യാ​പാ​രി​ക​ൾ​ക്കും ടൗ​ൺ സ്കൂ​ളി​ലെ വി​ദ്യാ​ർ​ഥി​ക​ൾ​ക്കും മ​റ്റു​മാ​ണ് ദു​രി​തം വി​ത​ക്കു​ന്ന​ത്.

ഒ​രു പ​തി​റ്റാ​ണ്ട് മു​മ്പ് കേ​ന്ദ്ര​സ​ർ​ക്കാ​റി​ന്‍റെ സ​ഹാ​യ​ത്തോ​ടെ മൂ​ന്നു​കോ​ടി ചെ​ല​വ​ഴി​ച്ചു നി​ർ​മി​ച്ച മ​ത്സ്യ​മാ​ർ​ക്ക​റ്റ് അ​ട​ച്ചു​പൂ​ട്ടി ഇ​ടു​ക​യാ​യി​രു​ന്നു. കു​റെ​ക്കാ​ലം മാ​ർ​ക്ക​റ്റി​ൽ വാ​ച്ച​റു​ടെ സേ​വ​നം ല​ഭ്യ​മാ​ക്കി​യി​രു​ന്നെ​ങ്കി​ലും പി​ന്നീ​ട് ഇ​യാ​ളെ ഒ​ഴി​വാ​ക്കി. ഇ​തോ​ടെ​യാ​ണ് സാ​മൂ​ഹി​ക​വി​രു​ദ്ധ​രു​ടെ താ​വ​ള​മാ​യ​ത്. ഇ​വി​ടെ ഉ​ണ്ടാ​യി​രു​ന്ന വ​യ​റി​ങ് ഉ​ൾ​പ്പെ​ടെ​യു​ള്ള സം​വി​ധാ​ന​ങ്ങ​ളും ശീ​തീ​ക​ര​ണ സം​വി​ധാ​ന​ങ്ങ​ളും മ​റ്റ് ഉ​പ​ക​ര​ണ​ങ്ങ​ളും സാ​മൂ​ഹി​ക​വി​രു​ദ്ധ​ർ പൊ​ളി​ച്ചെ​ടു​ത്തു വി​റ്റു. പ​ക​ൽ പോ​ത്തു​വ​ള​ർ​ത്ത​ൽ കേ​ന്ദ്ര​മാ​കു​ന്ന കെ​ട്ടി​ടം രാ​ത്രി സാ​മൂ​ഹി​ക​വി​രു​ദ്ധ​രു​ടെ വി​ഹാ​ര​കേ​ന്ദ്ര​മാ​കും. കാ​ടു​പി​ടി​ച്ചു​കി​ട​ക്കു​ന്ന ഇ​വി​ടെ ഇ​ഴ​ജ​ന്തു​ക്ക​ളു​ടെ വി​ഹാ​ര​കേ​ന്ദ്ര​വു​മാ​ണ്. ഇ​തി​നി​ട​യാ​ണ് ഇ​വി​ടെ പ്ലാ​സ്റ്റി​ക് മാ​ലി​ന്യം ക​ത്തി​ക്കു​ന്ന​ത്.

മു​നി​സി​പ്പ​ൽ സ്റ്റേ​ഡി​യ​ത്തി​നു സ​മീ​പം ഒ​രേ​ക്ക​റോ​ളം വ​രു​ന്ന സ്ഥ​ല​ത്താ​ണ് ആ​ധു​നി​ക മ​ത്സ്യ​മാ​ർ​ക്ക​റ്റ് നി​ർ​മി​ച്ച​ത്. അ​ട​ച്ചു​പൂ​ട്ടി​യി​ട്ടി​രി​ക്കു​ന്ന മാ​ർ​ക്ക​റ്റ് കെ​ട്ടി​ടം ഒ​ടു​വി​ൽ മു​നി​സി​പ്പ​ൽ സ്റ്റേ​ഡി​യ​ത്തി​ന്റ ഭാ​ഗ​മാ​ക്കാ​നു​ള്ള നീ​ക്ക​ത്തി​ലാ​ണ് ന​ഗ​ര​സ​ഭ.