മോഷണശ്രമം തടഞ്ഞ വിദ്യാഥിനിയെ നാടോടി സ്​ത്രീ ആക്രമിച്ച സംഭവം; പ്രതിയെ പിടികൂടാനായില്ല​​

മൂവാറ്റുപുഴ: പട്ടാപകൽ വീട്ടിൽ കയറി മോഷണം നടത്തുന്നത് തടയാൻ ശ്രമിച്ച പെൺകുട്ടിയെ അക്രമിച്ച് പരിക്കേൽ പിച്ച ശേഷം രക്ഷപ്പെട്ട നാടോടി സ്ത്രീയെക്കുറിച്ച്​ പൊലീസിന് വിവരമൊന്നും ലഭിച്ചില്ല. സംഭവം നടന്ന് രണ്ട് ദിവസം പിന്നിടുമ്പോഴും ഇരുട്ടിൽ തപ്പുകയാണ് പൊലീസ്.

നഗര മധ്യത്തിലെ കടാതിയിൽ തിങ്കളാഴ്ച ഉച്ചകഴിഞ്ഞ് മൂന്ന്​ മണിയോടെയാണ് സംഭവമുണ്ടായത്. കടാതിനടുക്കുടി ബിജുവി​െൻറ വീട്ടിലായിരുന്നു നാടോടി സ്ത്രീ മോഷണത്തിനായി കയറിയത്​. വീട്ടിൽ അലമാര പരിശോധിക്കുകയായിരുന്ന സ്ത്രീയ വീട്ടിലുണ്ടായിരുന്ന ബിജുവി​െൻറ മകൾ കൃഷ്ണ തടയാൻ ശ്രമിക്കുന്നതിനിടയിലാണ് അവൾക്ക്​ നേരെ ആക്രമണമുണ്ടായത്.

രണ്ടു വിവരലുകൾ ഉപയോഗിച്ചുള്ള ആക്രമണത്തിൽ കഴുത്തിനാണ് പരിക്കേറ്റത്. ഇതിനിടെ ബുധനാഴ്ച സ്ഥലത്തെത്തിയ പോലീസ്​ സംഘത്തി​െൻറ നിർദ്ദേശത്തെ തുടർന്ന് പെൺകുട്ടിയെ മൂവാറ്റുപുഴ ജനറൽ ആശുപത്രിയിൽ വിദഗ്ധ പരിശോധനക്ക് വിധേയമാക്കി. നാടോടി സ്ത്രിയുമായുള്ള മൽപിടിത്തത്തിനിടയിൽ കഴുത്തിലേറ്റ മുറിവി​െൻറ ഭാഗത്തും ശരിരീരത്തി​െൻറ വിവിധ ഭാഗങ്ങളിൽ ചൊറിഞ്ഞു തടിക്കുകയും കഴുത്തിൽ കറുത്ത പാടുകൾ തെളിഞ്ഞു വരികയും ചെയ്തിരുന്നു.