മൂവാറ്റുപുഴ പുതിയ പൊലീസ് സ്റ്റേഷനിൽ സ്ത്രീ,പുരുഷ, ട്രാൻസ് സെല്ലുകൾ
text_fieldsപുതുതായി നിർമിച്ച പൊലീസ് സ്റ്റേഷെൻറ സൗകര്യങ്ങൾ റൂറൽ എസ്.പി കെ.കാർത്തിക് നോക്കിക്കാണുന്നു
മൂവാറ്റുപുഴ : മൂവാറ്റുപുഴയിൽ പുതുതായി നിർമിച്ച പൊലീസ് സ്റ്റേഷനിൽ സ്ത്രീകൾക്കും പുരുഷന്മാർക്കും ട്രാൻസ്ജെൻഡേഴ്സിനും പ്രത്യേക സെല്ലുകൾ ഉണ്ടാകുമെന്ന് റൂറൽ ജില്ല പൊലീസ് മേധാവി കെ.കാർത്തിക് പറഞ്ഞു. പുതുതായി നിർമിച്ച സ്റ്റേഷെൻറ സൗകര്യങ്ങൾ വിലയിരുത്താൻ എത്തിയതായിരുന്നു അദ്ദേഹം.
845 ചതുരശ്ര മീറ്ററിൽ രണ്ടു നിലകളിലായാണ് കെട്ടിടം ഉയരുന്നത്. ആധുനിക സൗകര്യങ്ങളോടെ ആണ് സ്റ്റേഷൻ ഒരുക്കിയിരിക്കുന്നത്.
പ്രത്യേക സന്ദർശക റൂം, ഭക്ഷണശാല, ഉദ്യോഗസ്ഥർക്ക് വിശ്രമ മുറികൾ എന്നിവ പുതിയ കെട്ടിടത്തിൽ ഉണ്ടാകും. 2.95 കോടി രൂപ ചെലവഴിച്ചാണ് കെട്ടിടം നിർമിച്ചത്.
മരിച്ച എ.എസ്.ഐ സി.എ ഗോപിയുടെ കുടുംബത്തിനുള്ള സഹായം ജില്ല പൊലീസ് മേധാവി കെ. കാർത്തിക് കുടുംബത്തിന് കൈമാറി. പൊലീസ് ഓഫിസേഴ്സ് അസോസിയേഷനുകളുടെ എറണാകുളം റൂറൽ, സിറ്റി ജില്ല കമ്മിറ്റികൾ സംയുക്തമായി സമാഹരിച്ച പതിമൂന്ന് ലക്ഷത്തോളം രൂപയാണ് കൈമാറിയത്. മൂവാറ്റുപുഴ ട്രാഫിക് സ്റ്റേഷൻ അങ്കണത്തിൽ നടന്ന ചടങ്ങിൽ ഡി.വൈ.എസ്.പി മുഹമ്മദ് റിയാസ്, കെ.പി.എ സംസ്ഥാന ജനറൽ സെക്രട്ടറി കെ.പി. പ്രവീൺ, ജില്ല ഭാരവാഹികൾ തുടങ്ങിയവർ പങ്കെടുത്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.