പായിപ്രയിൽ വൈസ് പ്രസിഡന്‍റിനെതിരായ അവിശ്വാസം ഇന്ന്​; ലീഗ് വിട്ടുനിൽക്കും

മൂ​വാ​റ്റു​പു​ഴ: പാ​യി​പ്ര പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റി​നെ​തി​രെ എ​ൽ.​ഡി.​എ​ഫ് കൊ​ണ്ടു​വ​ന്ന അ​വി​ശ്വാ​സ​പ്ര​മേ​യ ച​ർ​ച്ച​യും വോ​ട്ടെ​ടു​പ്പും ​വ്യാ​ഴാ​ഴ്ച ന​ട​ക്കും. വോ​ട്ടെ​ടു​പ്പി​ൽ​നി​ന്ന് മു​സ്​​ലിം ലീ​ഗ് അം​ഗ​ങ്ങ​ൾ വി​ട്ടു​നി​ൽ​ക്കും.

നി​യോ​ജ​ക മ​ണ്ഡ​ലം ഭാ​ര​വാ​ഹി​ക​ളു​ടെ​യും പ്ര​വ​ർ​ത്ത​ക സ​മി​തി അം​ഗ​ങ്ങ​ളു​ടെ​യും സം​യു​ക്ത യോ​ഗ​മാ​ണ് തീ​രു​മാ​ന​മെ​ടു​ത്ത​ത്. കോ​ൺ​ഗ്ര​സ് അം​ഗ​ങ്ങ​ളും വി​ട്ടു​നി​ൽ​ക്കും. ഇ​തോ​ടെ കോ​ൺ​ഗ്ര​സ് അം​ഗ​മാ​യ വൈ​സ് പ്ര​സി​ഡ​ൻ​റ് ഷോ​ബി അ​നി​ലി​നെ​തി​രാ​യ അ​വി​ശ്വാ​സം പാ​സാ​കാ​ൻ സാ​ധ്യ​ത​യി​ല്ല.

22 അം​ഗ പ​ഞ്ചാ​യ​ത്ത് ഭ​ര​ണ​സ​മി​തി​യി​ൽ ഇ​രു​മു​ന്ന​ണി​ക​ൾ​ക്കും 11 അം​ഗ​ങ്ങ​ൾ വീ​ത​മാ​ണു​ള്ള​ത്. നേ​ര​ത്തേ യു.​ഡി.​എ​ഫ് 12, എ​ൽ.​ഡി.​എ​ഫ് 10 എ​ന്നി​ങ്ങ​നെ​യാ​യി​രു​ന്നു ക​ക്ഷി​നി​ല. യു.​ഡി.​എ​ഫ്​ ധാ​ര​ണ​യ​നു​സ​രി​ച്ച് ആ​ദ്യ മൂ​ന്നു​വ​ർ​ഷം കോ​ൺ​ഗ്ര​സി​നും തു​ട​ർ​ന്ന് ര​ണ്ടു​വ​ർ​ഷം ലീ​ഗി​നു​മാ​യി​രു​ന്നു പ്ര​സി​ഡ​ൻ​റ് സ്ഥാ​നം. കോ​ൺ​ഗ്ര​സി​ലെ മാ​ത്യൂ​സ് വ​ർ​ക്കി ടേം ​പൂ​ർ​ത്തി​യാ​ക്കി ഫെ​ബ്രു​വ​രി​യി​ൽ പ്ര​സി​ഡ​ന്‍റ്​ സ്ഥാ​നം രാ​ജി​വെ​ച്ചി​രു​ന്നു.

തു​ട​ർ​ന്ന് ന​ട​ന്ന പ്ര​സി​ഡ​ൻ​റ് തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സ് ബ്ലോ​ക്ക് വൈ​സ് പ്ര​സി​ഡ​ന്റ് കൂ​ടി​യാ​യി​രു​ന്ന പി.​എം. അ​സീ​സ് കൂ​റു​മാ​റി എ​ൽ.​ഡി.​എ​ഫി​ൽ ചേ​ർ​ന്ന് പ്ര​സി​ഡ​ൻ​റാ​യി. തെ​ര​ഞ്ഞെ​ടു​പ്പി​ൽ മ​റ്റൊ​രു കോ​ൺ​ഗ്ര​സ് അം​ഗം നി​സ മൈ​തീ​ന്‍റെ വോ​ട്ട് അ​സാ​ധു​വാ​യ​​തോ​ടെ​യാ​ണ്​ അ​സീ​സ്​ വി​ജ​യി​ച്ച​ത്. ഇ​തോ​ടെ പ​ഞ്ചാ​യ​ത്തി​ൽ ലീ​ഗ്, കോ​ൺ​ഗ്ര​സ് ബ​ന്ധം ത​ക​രു​ക​യാ​യി​രു​ന്നു.

ഇ​ത് മു​ന്നി​ൽ​ക​ണ്ടാ​ണ് വൈ​സ് പ്ര​സി​ഡ​ന്‍റി​നെ​തി​രെ അ​വി​ശ്വാ​സ​വു​മാ​യി എ​ൽ.​ഡി.​എ​ഫ് രം​ഗ​ത്തു​വ​ന്ന​ത്. ലീ​ഗ്, കോ​ൺ​ഗ്ര​സ് ഭി​ന്ന​ത രൂ​ക്ഷ​മാ​യി​രി​ക്കെ ലീ​ഗ് അം​ഗ​ങ്ങ​ൾ അ​വി​ശ്വാ​സ​ത്തെ പി​ന്തു​ണ​ക്കു​മെ​ന്നാ​യി​രു​ന്നു ഇ​ട​തു​മു​ന്ന​ണി​യു​ടെ ക​ണ​ക്കു​കൂ​ട്ട​ൽ.