മൂ​വാ​റ്റു​പു​ഴ ന​ഗ​ര​സ​ഭ​യു​ടെ മാലിന്യ സംസ്കരണ കേന്ദ്രത്തിൽ സ്ഥിരം അഗ്നിരക്ഷ സംവിധാനം

മൂ​വാ​റ്റു​പു​ഴ: ന​ഗ​ര​സ​ഭ​യു​ടെ മാ​ലി​ന്യ സം​സ്ക​ര​ണ കേ​ന്ദ്ര​മാ​യ വ​ള​ക്കു​ഴി ഡം​പി​ങ് യാ​ർ​ഡി​ൽ തീ​പി​ടി​ത്തം പ​തി​വാ​യ​തോ​ടെ സ്ഥി​രം അ​ഗ്നി​ര​ക്ഷ സം​വി​ധാ​നം സ്ഥാ​പി​ക്കു​ന്നു. തു​ട​ർ​ച്ച​യാ​യി ഇ​വി​ടെ തീ​പി​ടി​ത്തം ഉ​ണ്ടാ​കു​ക​യും പു​ക​യും മ​റ്റും ഉ​യ​ർ​ന്ന് പ​രി​സ​ര​വാ​സി​ക​ൾ​ക്ക് ശാ​രീ​രി​കാ​സ്വ​സ്ഥ​ത​ക​ൾ അ​നു​ഭവ​പ്പെ​ടു​ക​യും ചെ​യ്തി​രു​ന്നു. ഇ​തോ​ടെ പ്ര​തി​ഷേ​ധം ശ​ക്ത​മാ​യ​തി​നി​ടെ​യാ​ണ്​ ന​ഗ​ര​സ​ഭ​യു​ടെ തീ​രു​മാ​നം.

മാ​ലി​ന്യ സം​സ്ക​ര​ണ കേ​ന്ദ്ര​ങ്ങ​ളി​ൽ തീ​പി​ടി​ത്തം ഉ​ൾ​പ്പെ​ടെ​യു​ള്ള അ​പ​ക​ട​ങ്ങ​ൾ ഒ​ഴി​വാ​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ത​ദ്ദേ​ശ വ​കു​പ്പും സ​ർ​ക്കു​ല​ർ പു​റ​ത്തി​റ​ക്കി​യി​രു​ന്നു. 5.2 ല​ക്ഷം രൂ​പ​യു​ടെ എ​സ്റ്റി​മേ​റ്റാ​ണ് ഇ​തി​നാ​യി ത​യാ​റാ​ക്കി​യ​ത്. തീ ​പ​ട​ർ​ന്നാ​ൽ ഉ​ട​ൻ അ​ണ​ക്കാ​നു​ള്ള സം​വി​ധാ​ന​ങ്ങ​ളാ​ണ് ഒ​രു​ക്കു​ക. അ​ഗ്നി​ര​ക്ഷ സേ​ന സ്ഥ​ല​ത്ത് എ​ത്തു​ന്ന​തി​നു മു​മ്പു​ത​ന്നെ തീ​യ​ണ​ക്കാ​നു​ള്ള ന​ട​പ​ടി ആ​രം​ഭി​ക്കാ​ൻ ഇ​തി​ലൂ​ടെ സാ​ധി​ക്കും. അ​ഗ്നി​ര​ക്ഷ ഉ​ദ്യോ​ഗ​സ്ഥ​രി​ൽ​നി​ന്നു​ള്ള നി​ർ​ദേ​ശ​ങ്ങ​ൾ​ക്ക​നു​സ​രി​ച്ചാ​ണ്​ സം​വി​ധാ​ന​ങ്ങ​ൾ ഒ​രു​ക്കു​ക.