മൂവാറ്റുപുഴ നഗരവികസനം; കെ.എസ്​.ഇ.ബി ലൈനുകൾ ഭൂമിക്കടിയിലൂടെ

മൂ​വാ​റ്റു​പു​ഴ: ന​ഗ​ര റോ​ഡ് വി​ക​സ​ന​വു​മാ​യി ബ​ന്ധ​പ്പെ​ട്ട്​ കെ.​എ​സ്.​ഇ.​ബി ലൈ​നു​ക​ൾ ഭൂ​മി​ക്ക​ടി​യി​ലൂ​ടെ കേ​ബി​ൾ വ​ഴി സ്ഥാ​പി​ക്കാ​ൻ ന​ട​പ​ടി​ക​ൾ പൂ​ർ​ത്തി​യാ​യി. ഇ​തി​ന്‍റെ ഭാ​ഗ​മാ​യി പി.​ഒ ജ​ങ്ഷ​ൻ മു​ത​ൽ അ​ര​മ​ന​പ്പ​ടി വ​രെ​യു​ള്ള വൈ​ദ്യു​ത ക​ണ​ക്ഷ​നു​ക​ൾ പു​തുതാ​യി വ​ലി​ച്ചി​രി​ക്കു​ന്ന ഏ​രി​യ​ൽ ബ​ഞ്ച​ഡ് കേ​ബി​ളു​ക​ളി​ലേ​ക്ക് (എ.​ബി.​സി) മാ​റ്റി ന​ൽ​കു​ന്ന പ്ര​വ​ർ​ത്ത​ന​ങ്ങ​ൾ​ക്ക് അ​ടു​ത്ത ദി​വ​സം തു​ട​ക്ക​മാ​കു​മെ​ന്ന് മാ​ത്യു കു​ഴ​ൽ​നാ​ട​ൻ എം.​എ​ൽ.​എ അ​റി​യി​ച്ചു.

കേ​ബി​ളു​ക​ൾ ഈ ​രീ​തി​യി​ൽ മാ​റ്റി സ്ഥാ​പി​ക്കു​ക വ​ഴി ന​ഗ​ര​ത്തി​ൽ കെ.​എ​സ്.​ഇ.​ബി​ക്ക് എ​വി​ടെ​യെ​ങ്കി​ലും ജോ​ലി​ക​ൾ ന​ട​ത്തേ​ണ്ടി വ​ന്നാ​ൽ ആ ​ഭാ​ഗ​ത്തെ വൈ​ദ്യു​തി വി​ത​ര​ണം മാ​ത്രം ഒ​ഴി​വാ​ക്കാ​നും മ​റ്റു സ്ഥ​ല​ങ്ങ​ളി​ലേ​ക്ക് ത​ട​സ്സ​മി​ല്ലാ​തെ വൈ​ദ്യു​തി ന​ൽ​കാ​നും സാ​ധി​ക്കും. സ​ർ​വി​സ് വ​യ​റു​ക​ൾ പോ​സ്റ്റി​ൽ നി​ന്ന് മീ​റ്റ​റി​ലേ​ക്ക് കൊ​ടു​ക്കു​ന്ന രീ​തി മാ​റ്റി ബി​ൽ​ഡി​ങ്ങു​ക​ളി​ൽ ബ​സ് ബാ​ർ ബോ​ക്സ് സ്ഥാ​പി​ച്ച് അ​തി​ൽ നി​ന്ന്​ സ​ർ​വി​സ് വ​യ​റു​ക​ൾ ന​ൽ​കി ക​ണ​ക്ഷ​നു​ക​ൾ പു​നഃ സ്ഥാ​പി​ക്കു​ന്ന രീ​തി​യാ​ണ് ന​ട​പ്പാ​ക്കു​ക. ഇ​ത്ത​രം പ്ര​വ​ർ​ത്ത​ന​ങ്ങ​ളി​ലേ​ക്ക് ക​ട​ക്കു​മ്പോ​ൾ മൂ​വാ​റ്റു​പു​ഴ​യി​ലെ വ്യാ​പാ​ര വ്യ​വ​സാ​യ സ​മൂ​ഹ​ത്തി​ന്‍റെ പൂ​ർ​ണ പി​ന്തു​ണ കെ.​എ​സ്.​ഇ.​ബി അ​ധി​കൃ​ത​ർ​ക്ക് ന​ൽ​ക​ണ​മെ​ന്നും എം.​എ​ൽ.​എ അ​ഭ്യ​ർ​ഥി​ച്ചു.