മൂവാറ്റുപുഴയിൽ ഹോട്ടലിൽനിന്നടക്കം പഴകിയ മാംസം പിടിച്ചു

മൂവാറ്റുപുഴ: നഗരസഭ ആരോഗ്യ വിഭാഗത്തിന്‍റെ നേതൃത്വത്തിൽ മൂന്ന് ദിവസങ്ങളിലായി ഹോട്ടലുകളിലും മറ്റും വ്യാപക പരിശോധ നടത്തി. ശനിയാഴ്ച 11 സ്ഥാപനത്തിൽ പരിശോധന നടത്തി. ഇതിൽ നാലെണ്ണത്തിന് നോട്ടീസ് നൽകി പിഴ ഈടാക്കി.

രണ്ട് സ്ഥാപനങ്ങളിൽനിന്ന് പാകം ചെയ്യാത്ത ഭക്ഷണവും പഴകിയ മാംസവും പിടിച്ചെടുത്തു. പരിശോധന തുടരുമെന്ന് ഹെൽത്ത് ഇൻസ്പെക്ടർ എ. അഷ്റഫ് പറഞ്ഞു. ജൂനിയർ ഹെൽത്ത് ഇൻസ്പെക്ടർമാരായ ശ്രീജി, സുബൈർ റാവുത്തർ എന്നിവർ നേതൃത്വം നൽകി.