കാർ കനാലിൽ വീണു; യാത്രക്കാർ അത്ഭുതകരമായി രക്ഷപ്പെട്ടു

മൂവാറ്റുപുഴ: നിയന്ത്രണംവിട്ട കാർ കനാലിൽ വീണു. കാർ ഓടിച്ച പിതാവിനും മകനും പരിക്കേറ്റു. ഞായറാഴ്ച രാത്രി 7.30ഓടെ മൂവാറ്റുപുഴ രണ്ടാർകരയിലാണ് സംഭവം.

വീടിന്‍റെ കാർപോർച്ചിൽനിന്ന് റോഡിലേക്ക് ഇറക്കുന്നതിനിടെയാണ് കാർ 20 അടി താഴ്ചയുള്ള കനാലിൽ പതിച്ചത്. രണ്ടാർ തെക്കേതോട്ടിൽ മുഹമ്മദ് നൂഹ് (38), മകൻ നിഹാദ് (10) എന്നിവർക്കാണ് പരിക്കേറ്റത്.

ഓടിയെത്തിയ നാട്ടുകാരാണ് ഇരുവരെയും ആശുപത്രിയിൽ എത്തിച്ചത്. നിഹാദിനെ വിദഗ്ധ ചികിത്സക്കായി കോലഞ്ചേരിയിലെ സ്വകാര്യ ആശുപത്രിയിലേക്ക് മാറ്റി.