കക്കടാശ്ശേരി പാലത്തിന് നടപ്പാത വേണമെന്ന ആവശ്യം ശക്തം

മൂ​വാ​റ്റു​പു​ഴ: ന​വീ​ക​ര​ണം ന​ട​ക്കു​ന്ന ക​ക്ക​ടാ​ശ്ശേ​രി-​കാ​ളി​യാ​ർ റോ​ഡി​ന്‍റെ തു​ട​ക്ക​ത്തി​ൽ ക​ക്ക​ടാ​ശ്ശേ​രി പാ​ല​ത്തി​ന് ന​ട​പ്പാ​ത നി​ർ​മി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി. ഡ്രെ​യി​നേ​ജ് ഉ​ൾ​പ്പെ​ടെ എ​ട്ടു​മീ​റ്റ​ർ വീ​തി​യി​ൽ നി​ർ​മാ​ണം പൂ​ർ​ത്തി​യാ​കു​ന്ന റോ​ഡി​ന്‍റെ ആ​രം​ഭ​ത്തി​ലു​ള്ള പാ​ല​ത്തി​ന്‍റെ വീ​തി ആ​റു മീ​റ്റ​റി​ൽ താ​ഴെ​യാ​ണ്. ഈ ​സാ​ഹ​ച​ര്യ​ത്തി​ലാ​ണ് സ​മാ​ന്ത​ര​മാ​യി ഇ​രു​മ്പ് നി​ർ​മി​ത ന​ട​പ്പാ​ത നി​ർ​മി​ക്ക​ണ​മെ​ന്ന ആ​വ​ശ്യം ഉ​യ​രു​ന്ന​ത്. ആ​റ​ര പ​തി​റ്റാ​ണ്ടു​മു​മ്പ് നി​ർ​മി​ച്ച പാ​ല​ത്തി​ന് റോ​ഡ് ന​വീ​ക​ര​ണ ഭാ​ഗ​മാ​യി ന​ട​പ്പാ​ല​ത്തി​ന്​ പ​ദ്ധ​തി ത​യാ​റാ​ക്കി​യി​രു​ന്ന​ങ്കി​ലും അ​വ​സാ​ന​നി​മി​ഷം ഒ​ഴി​വാ​ക്കു​ക​യാ​യി​രു​ന്നു. ഡി.​പി.​ആ​ർ ത​യാ​റാ​ക്കു​ന്ന സ​മ​യ​ത്ത് ഇ​ക്കാ​ര്യം ഉ​ൾ​പ്പെ​ടു​ത്തി​യി​രു​ന്നെ​ങ്കി​ലും പ്രോ​ജ​ക്ടി​ൽ മാ​റ്റം വ​രു​ത്തി​യ​താ​ണ് ന​ട​പ്പാ​ലം ​ഒ​ഴി​വാ​കാ​ൻ കാ​ര​ണ​മെ​ന്നാ​ണ് സൂ​ച​ന. ആ​യി​ര​ക്ക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു​പോ​കു​ന്ന റോ​ഡ് ഉ​യ​ർ​ന്ന നി​ല​വാ​ര​ത്തി​ൽ ആ​കു​ന്ന​തോ​ടെ ആ​റു മീ​റ്റ​റി​ൽ താ​ഴെ മാ​ത്രം വീ​തി​യു​ള്ള പാ​ല​ത്തി​ലെ ഗ​താ​ഗ​തം കൂ​ടു​ത​ൽ ദു​ഷ്ക​ര​മാ​കും. ക​ക്ക​ടാ​ശ്ശേ​രി, പു​ന്ന​മ​റ്റം പ്ര​ദേ​ശ​ത്തെ ജ​ന​ങ്ങ​ളു​ടെ ബു​ദ്ധി​മു​ട്ട് പ​രി​ഹ​രി​ക്കാ​നാ​ണ് കാ​ൽ​ന​ട​ക്കാ​യി സ്റ്റീ​ലി​ന്‍റെ പാ​ലം പ​ണി​യാ​ൻ തീ​രു​മാ​നി​ച്ച​ത്.

ക​ഴി​ഞ്ഞ സ​ർ​ക്കാ​റി​ന്‍റെ കാ​ല​ത്ത് 68 കോ​ടി ചെ​ല​വി​ൽ നി​ർ​മാ​ണം ആ​രം​ഭി​ച്ച ക​ക്ക​ടാ​ശ്ശേ​രി-​കാ​ളി​യാ​ർ റോ​ഡി​ന്‍റെ നി​ർ​മാ​ണം അ​വ​സാ​ന ഘ​ട്ട​ത്തി​ലാ​ണ്. 20 കി​ലോ​മീ​റ്റ​റാ​ണ് റോ​ഡി​ന്‍റെ നീ​ളം. ടി.​എ. മ​ജീ​ത് പൊ​തു​മ​രാ​മ​ത്ത് മ​ന്ത്രി​യാ​യി​രി​ക്കെ 1958ലാ​ണ് ക​ക്ക​ടാ​ശ്ശേ​രി പാ​ലം നി​ർ​മി​ച്ച​ത്.

മാ​റി​യ സാ​ഹ​ച​ര്യ​ത്തി​ൽ റോ​ഡി​ന് വീ​തി​കൂ​ടു​ക​യും പാ​ല​ത്തി​ന് ​വീ​തി കു​റ​യു​ക​യും ചെ​യ്തി​രി​ക്കു​ക​യാ​ണ്. ഇ​ത് വാ​ഹ​ന​ത്തി​ര​ക്ക് ഏ​റു​മ്പോ​ൾ കാ​ൽ​ന​ട ദു​ഷ്​​ക​ര​മാ​ക്കും. റോ​ഡ് നി​ർ​മാ​ണം പൂ​ർ​ത്തീ​ക​രി​ക്കു​മ്പോ​ൾ ഹൈ​റേ​ഞ്ച് മേ​ഖ​ല​യി​ലേ​ക്കു​ള്ള എ​ളു​പ്പ​വ​ഴി​യെ​ന്ന നി​ല​യി​ൽ വാ​ഹ​ന​ങ്ങ​ളു​ടെ എ​ണ്ണം ഇ​ര​ട്ടി​യി​ലേ​റെ​യാ​കാ​നാ​ണ് സാ​ധ്യ​ത.

വീ​തി കു​റ​വാ​യ​തി​നാ​ൽ ഇ​രു​ദി​ശ​യി​ൽ​നി​ന്ന്​ വ​ലി​യ വാ​ഹ​ന​ങ്ങ​ൾ ​പാ​ല​ത്തി​ൽ ​മു​ഖാ​മു​ഖം വ​രു​മ്പോ​ൾ പാ​ല​ത്തി​ന് ​പു​റ​ത്ത് നി​ർ​ത്തി​ക്കൊ​ടു​ക്കേ​ണ്ട സാ​ഹ​ച​ര്യ​മാ​ണു​ള്ള​ത്.