മൂവാറ്റുപുഴയിൽ വെള്ളക്കെട്ട്​; വ്യാപക കൃഷി നാശം

മൂ​വാ​റ്റു​പു​ഴ: തി​ങ്ക​ളാ​ഴ്ച രാ​വി​ലെ മു​ത​ൽ പെ​യ്ത ക​ന​ത്ത മ​ഴ​യി​ൽ ന​ഗ​ര​ത്തി​ലെ പ്ര​ധാ​ന പാ​ത​ക​ൾ വെ​ള്ള​ത്തി​ന​ട​യി​ലാ​യി. ഇ​തോ​ടെ ഗ​താ​ഗ​ത​ക്കു​രു​ക്കും രൂ​ക്ഷ​മാ​യി. പേ​ട്ട​റോ​ഡി​ൽ അം​ഗ​ൻ​വാ​ടി​യി​ല​ട​ക്കം വെ​ള്ളം ക​യ​റി. അ​ശാ​സ്ത്രീ​യ​മാ​യി ഓ​ട​യു​ടെ വീ​തി കു​റ​ച്ച​താ​ണ് പേ​ട്ട റോ​ഡി​നെ ദു​രി​ത​ത്തി​ലാ​ക്കി​യ​ത്.

പേ​ട്ട അം​ഗ​ൻ​വാ​ടി​ക്ക് മു​ന്നി​ൽ​നി​ന്ന് ആ​ര​ക്കു​ഴ റോ​ഡി​ലേ​ക്ക് ക​യ​റു​ന്ന ഭാ​ഗ​ത്ത് മ​ണ്ണാ​ൻ​ക​ട​വ് തോ​ട് ദീ​ർ​ഘ​വീ​ക്ഷ​ണ​മി​ല്ലാ​തെ ന​വീ​ക​രി​ച്ച​താ​ണ് പ്ര​ശ്ന​ത്തി​നു കാ​ര​ണ​മാ​യ​ത്. നാ​ല​ടി വീ​തി​യി​ൽ ഒ​ഴു​കി​യ​തോ​ടി​ന്‍റെ ര​ണ്ടു​വ​ശ​വും ഓ​രോ അ​ടി വീ​തി​യി​ൽ കോ​ൺ​ക്രീ​റ്റ് ഭി​ത്തി​കെ​ട്ടി മു​ക​ൾ​ഭാ​ഗം സ്ലാ​ബി​ട്ട് മൂ​ടു​ക​യാ​യി​രു​ന്നു.

മാ​ലി​ന്യം കെ​ട്ടി കി​ട​ക്കു​ന്ന​തു മൂ​ലം കാ​ന​ക​ൾ നി​റ​ഞ്ഞു ക​വി​ഞ്ഞ​താ​ണ് എം.​സി റോ​ഡി​ല​ട​ക്കം ന​ഗ​ര​റോ​ഡു​ക​ളി​ൽ വെ​ള്ള​ക്കെ​ട്ടി​ന് കാ​ര​ണം. മൂ​ന്നു സം​സ്ഥാ​ന പാ​ത​ക​ളും ദേ​ശീ​യ പാ​ത​യും ക​ട​ന്നു​പോ​കു​ന്ന മൂ​വാ​റ്റു​പു​ഴ ന​ഗ​ര​ത്തി​ൽ എം.​സി റോ​ഡി​ലും കൊ​ച്ചി-​ധ​നു​ഷ്കോ​ടി ദേ​ശീ​യ പാ​ത​യി​ലു​മാ​യി​രു​ന്നു വെ​ള്ള​ക്കെ​ട്ട്. എം.​സി റോ​ഡി​ൽ പേ​ഴ​യ്ക്കാ​പി​ള്ളി സൂ​പ്പ​ർ​പ​ടി​യി​ലും വാ​ഴ​പ്പി​ള്ളി​ക്ക​വ​ല​യി​ലും അ​ര​മ​ന ജ​ങ്​​ഷ​നി​ലും വെ​ള്ള​ക്കെ​ട്ടു​യ​ർ​ന്നു. ഇ​തി​ന്​ പു​റ​മെ നി​ര​പ്പ്റോ​ഡി​ലും വെ​ള്ള​ക്കെ​ട്ട് ദു​രി​ത​മാ​യി.

കാ​ന​ക​ൾ നി​റ​ഞ്ഞു ക​വി​ഞ്ഞൊ​ഴു​കി​യാ​ണ്​ എം.​സി റോ​ഡി​ന്റെ വി​വി​ധ ഭാ​ഗ​ങ്ങ​ളു​ൾ​പ്പെ​ടെ ന​ഗ​ര​ത്തി​ലെ വി​വി​ധ കേ​ന്ദ്ര​ങ്ങ​ൾ വെ​ള്ള​ത്തി​ലാ‌​യ​ത്. വെ​ള്ള​ക്കെ​ട്ട് ജ​ന​ങ്ങ​ളെ ദു​രി​ത​ത്തി​ലാ​ഴ്ത്തി. എം.​സി റോ​ഡി​ലെ കാ​ന​ക​ളു​ടെ നി​ർ​മാ​ണ​ത്തി​ലെ അ​പാ​ക​ത‍ മൂ​ലം കെ.​എ​സ്.​ആ​ർ.​ടി.​സി മു​ത​ൽ ആ​റൂ​ർ വ​രെ​യു​ള്ള ഭാ​ഗ​ങ്ങ​ളി​ൽ​വെ​ള്ള​ക്കെ​ട്ട് രൂ​ക്ഷ​മാ​ണ്. വെ​ള്ള​ക്കെ​ട്ട് ഒ​ഴി​വാ​ക്കാ​ൻ ന​ട​പ​ടി ആ​വ​ശ്യ​പ്പെ​ട്ട് നാ​ട്ടു​കാ​ർ പ​ല​ത​വ​ണ രം​ഗ​ത്തു​വ​ന്ന​ങ്കി​ലും ഒ​ന്നും ന​ട​ന്നി​ട്ടി​ല്ല.

എം .​സി റോ​ഡി​ലെ വാ​ഴ​പ്പി​ള്ളി, പേ​ഴ​ക്കാ​പ്പി​ള്ളി എ​ന്നി​വി​ട​ങ്ങ​ളി​ലും വെ​ള്ള​ക്കെ​ട്ട് രൂ​ക്ഷ​മാ​ണ്. ഒ​ന്ന​ര പ​തി​റ്റാ​ണ്ടു മു​മ്പ്​ പെ​രു​മ്പാ​വൂ​ർ മു​ത​ൽ മൂ​വാ​റ്റു​പു​ഴ​വ​രെ എം.​സി റോ​ഡ് വി​ക​സി​പ്പി​ച്ച​പ്പോ​ൾ കാ​ന നി​ര്‍മാ​ണ​വും പൂ​ര്‍ത്തി​യാ​യെ​ങ്കി​ലും നി​ര്‍മാ​ണ​ത്തി​ലെ അ​പാ​ക​ത​മൂ​ലം കാ​ന​ക​ൾ മ​ണ്ണു​നി​റ​ഞ്ഞ് ഉ​പ​യോ​ഗ​ശൂ​ന്യ​മാ​ണ്. ഈ ​പ്ര​ദേ​ശ​ങ്ങ​ളി​ൽ വെ​ള്ള​ക്കെ​ട്ട് അ​ന്നേ രൂ​പ​പ്പെ​ട്ടി​രു​ന്നു. കാ​വും​പ​ടി റോ​ഡി​ൽ പൊ​ലീ​സ് സ്റ്റേ​ഷ​നു സ​മീ​പ​വും അ​ര​മ​ന​പ്പ​ടി, ആ​ര​ക്കു​ഴ റോ​ഡ് എ​ന്നി​വി​ട​ങ്ങ​ളി​ലും വെ​ള്ള​ക്കെ​ട്ട് രൂ​ക്ഷ​മാ​യി. പ​ല റോ​ഡു​ക​ളും തോ​ടു​ക​ൾ​ക്ക് സ​മാ​ന​മാ​യി വെ​ള്ളം നി​റ​ഞ്ഞാ​ണ് ഒ​ഴു​കി​യ​ത്. കൂ​ത്താ​ട്ടു​കു​ളം: ഇ​ട​യാ​ർ-​പി​റ​വം റോ​ഡി​ൽ ക​ണി​പ്പ​ടി റേ​ഷ​ൻ​ക​ട​ക്ക്​ മു​ൻ​വ​ശം മ​രം വൈ​ദ്യു​തി പോ​സ്റ്റ് റോ​ഡി​ലേ​ക്ക് മ​റി​ഞ്ഞു​വീ​ണു. തി​രു​മാ​റാ​ടി നാ​വോ​ളി​മ​റ്റം പ​ന​ച്ചി​ത ട​ത്തി​ൽ ഭ​വാ​നി ആ​ന​ന്ദ​ന്റെ വീ​ടി​ന്​ മു​ക​ളി​ൽ റ​ബ​ർ മ​രം വീ​ണ് വീ​ട് ത​ക​ർ​ന്നു. ഇ​ല​ഞ്ഞി വി​ല്ലേ​ജി​ൽ പെ​രു​മ്പ​ട​വം കു​ന്നു​മ്മ​ൽ ബി​നു​വി​ന്‍റെ വീ​ടി​ന് മു​ക​ളി​ൽ മ​രം വീ​ണ്​ ഭാ​ഗി​ക​മാ​യി വീ​ട് ത​ക​ർ​ന്നു.