ശിശുദിനത്തിൽ 56 കുട്ടികളുടെ ഓൺലൈൻ ചിത്രപ്രദർശനം

കൊച്ചി: ലോകത്തി​െൻറ വിവിധ ഭാഗങ്ങളിലിരുന്ന്​ ഓൺലൈനിലൂടെ ചിത്രരചന പഠിച്ച കുട്ടികൾ വരച്ച ചിത്രങ്ങളുടെ പ്രദർശനം ശിശുദിനത്തിൽ നടക്കുന്നു. പ്രദർശനവും ഓൺലൈനിൽ തന്നെയാണ്. 'ലിറ്റിൽ സ്​ട്രോക്​സ്​ 2' എന്ന് പേരിട്ടിരിക്കുന്ന ചിത്രപ്രദർശനം ശനിയാഴ്ച വൈകീട്ട്​ നാലിന്​ സ്പീക്കർ പി. ശ്രീരാമകൃഷ്ണൻ ഉദ്​ഘാടനം ചെയ്യും. പ്രമുഖ ക്യൂറേറ്റർ ബോസ് കൃഷ്ണമാചാരി മുഖ്യാതിഥി ആയിരിക്കും.

ചിത്രകലാ അധ്യാപികയായ സീമ സുരേഷിൻ്റെ നേതൃത്വത്തിൽ പ്രവർത്തിക്കുന്ന 'ആർട്ട് ഇൻ ആർട്ട് ' ആണ് യുട്യൂബിൽ കുട്ടികളുടെ ചിത്രപ്രദർശനം നടത്തുന്നത്. https://www.youtube.com/channel/UCr90z3ntloyNwZfXT58zrfA എന്ന ലിങ്കിൽ ചിത്രപ്രദർശനം കാണാം.

'ആർട്ട് ഇൻ ആർട്ട് ' സംഘടിപ്പിക്കുന്ന കുട്ടികളുടെ രണ്ടാമത്തെ ഓൺലൈൻ ചിത്രപ്രദർശനമാണിത്. ഈ വർഷം സ്വാതന്ത്ര്യദിനത്തിൽ നടത്തിയ ആദ്യ പ്രദർശനം ഉദ്ഘാടനം ചെയ്തത് മെഗാസ്റ്റാർ മമ്മൂട്ടിയാണ്. ലോകത്തി​െൻറ വിവിധ ഭാഗത്തെ 54 ചിത്രകാരികളുടെ രചനകൾ ഉൾക്കൊള്ളിച്ച് 'ഷീ സ്ട്രോക്സ് ' എന്ന ഓൺലൈൻ ചിത്രപ്രദർശനവും 'ആർട്ട് ഇൻ ആർട്ട് ' സംഘടിപ്പിച്ചിരുന്നു.