ചീ​റി​പ്പാ​ഞ്ഞ കാ​റി​ന് മൂ​ക്കു​ക​യ​ർ; പിടിയിലായത് സ്വി​ച്ചി​ട്ടാ​ൽ ശ​ബ്ദം​മാ​റ്റു​ന്ന കാ​ർ

കാ​ക്ക​നാ​ട്: അ​ധി​കൃ​ത​രെ പ​റ്റി​ച്ച് അ​മി​ത ശ​ബ്ദം​മു​ഴ​ക്കി ചീ​റി​പ്പാ​ഞ്ഞ കാ​റി​നെ​തി​രെ ന​ട​പ​ടി​യു​മാ​യി മോ​ട്ടോ​ർ വാ​ഹ​ന വ​കു​പ്പ്. ഉ​ദ്യോ​ഗ​സ്ഥ​രെ ക​ണ്ടാ​ൽ അ​മി​ത​ശ​ബ്ദം മ​റ​യ്​​ക്കാ​ൻ പ്ര​ത്യേ​ക സം​വി​ധാ​നം ഘ​ടി​പ്പി​ച്ചി​രു​ന്ന വാ​ഹ​നം ക​ഴി​ഞ്ഞ​ദി​വ​സം ന​ട​ത്തി​യ പ​രി​ശോ​ധ​ന​യി​ലാ​ണ് പി​ടി​കൂ​ടി​യ​ത്. രൂ​പ​മാ​റ്റം​വ​രു​ത്തി കാ​ത​ട​പ്പി​ക്കു​ന്ന ശ​ബ്ദ​മാ​യി​രു​ന്ന കാ​റി​ൽ പ്ര​ത്യേ​കം ത​യാ​റാ​ക്കി​യ സ്വി​ച്ച​മ​ർ​ത്തി​യാ​ൽ സാ​ധാ​ര​ണ ശ​ബ്ദ​മാ​യി മാ​റു​ന്ന സം​വി​ധാ​ന​മാ​യി​രു​ന്നു ഉ​ണ്ടാ​യി​രു​ന്ന​ത്. വാ​ഹ​ന​ത്തി​നെ​തി​രെ ക​ര്‍ശ​ന ന​ട​പ​ടി സ്വീ​ക​രി​ക്കു​മെ​ന്ന് അ​ധി​കൃ​ത​ർ അ​റി​യി​ച്ചു.

ഗ​താ​ഗ​ത നി​യ​മ​ലം​ഘ​ന​ങ്ങ​ളും ല​ഹ​രി​മ​രു​ന്ന് ഉ​പ​യോ​ഗ​വും ക​ണ്ടെ​ത്താ​നാ​യി​രു​ന്നു ക​ള​മ​ശ്ശേ​രി പൈ​പ്പ്​​ലൈ​ൻ ജ​ങ്​​ഷ​നി​ല്‍ വി​വി​ധ വ​കു​പ്പു​ക​ൾ സം​യു​ക്ത​മാ​യി പ​രി​ശോ​ധ​ന ന​ട​ത്തി​യ​ത്. 68 വാ​ഹ​ന​ങ്ങ​ള്‍ക്കെ​തി​രെ​യാ​ണ് ഇ​തു​വ​രെ ന​ട​പ​ടി സ്വീ​ക​രി​ച്ച​ത്. ഹെ​ല്‍മ​റ്റ് വെ​ക്കാ​ത്ത​തി​ന് 43 പേ​ര്‍ക്കെ​തി​രെ​യും വ​ണ്‍വേ തെ​റ്റി​ച്ച​തി​ന് മൂ​ന്ന് വാ​ഹ​ന​ങ്ങ​ള്‍ക്കെ​തി​രെ​യും ന​ട​പ​ടി സ്വീ​ക​രി​ച്ചു. ഇ​രു​ച​ക്ര വാ​ഹ​ന​ത്തി​ല്‍ മൂ​ന്നു​പേ​ര്‍ യാ​ത്ര​ചെ​യ്ത​തി​ന് മൂ​ന്ന് വാ​ഹ​ന​ങ്ങ​ള്‍ക്കെ​തി​രെ​യും ലൈ​സ​ൻ​സി​ല്ലാ​ത്ത മൂ​ന്നു​പേ​ര്‍ക്കെ​തി​രെ​യും ന​ട​പ​ടി​യെ​ടു​ക്കും. രൂ​പ​മാ​റ്റം വ​രു​ത്തി​യ മൂ​ന്ന് വാ​ഹ​ന​ങ്ങ​ള്‍ക്ക് പ​ഴ​യ​രീ​തി​യി​ലാ​ക്കാ​ൻ ഒ​രാ​ഴ്ച സ​മ​യം​ന​ല്‍കി.