വൈദ്യുതി പ്രതിസന്ധി നേരിട്ടിട്ടും ബ്രഹ്മപുരം നിലയത്തോട്​ അവഗണന

പ​ള്ളി​ക്ക​ര: വൈ​ദ്യു​തി പ്ര​തി​സ​ന്ധി നേ​രി​ട്ടി​ട്ടും ബ്ര​ഹ്മ​പു​രം താ​പ​വൈ​ദ്യു​തി നി​ല​യ​ത്തോ​ട് ബോ​ര്‍ഡി​ന് അ​വ​ഗ​ണ​ന. 2020 ജൂ​ണ്‍ മു​ത​ല്‍ പ്ര​വ​ര്‍ത്ത​നം നി​ല​ച്ചി​രി​ക്കു​ക​യാ​ണ്. ആ വർഷം ഫെ​ബ്രു​വ​രി​യി​ലാ​ണ് ഇ​വി​ടെ അ​വ​സാ​ന​മാ​യി പ്ര​വ​ര്‍ത്ത​നം ന​ട​ന്ന​ത്. നി​ല​യ​ത്തി​ലെ അ​ഞ്ച് ജ​ന​റേ​റ്റ​റു​ക​ളി​ല്‍ മൂ​ന്നെ​ണ്ണം ഇ​പ്പോ​ഴും പ്ര​വ​ര്‍ത്ത​ന സ​ജ്ജ​മാ​ണ്. എ​ന്നാ​ല്‍, ലോ​ഡ്ഷെ​ഡി​ലേ​ക്ക് എ​ത്തു​ന്ന ത​ര​ത്തി​ല്‍ പ്ര​തി​സ​ന്ധി നേ​രി​ട്ടി​ട്ടും ഇ​വി​ടെ വൈ​ദ്യു​തി ഉ​ല്‍പാ​ദി​പ്പി​ക്കാ​ന്‍ കെ.​എ​സ്.​ഇ.​ബി ത​യാ​റ​ല്ല. ബ്ര​ഹ്മ​പു​ര​ത്ത് ചെ​ല​വ് കൂ​ടു​ത​ലാ​ണെ​ന്ന് പ​റ​യു​ന്ന ബോ​ര്‍ഡ് അ​തി​ലേ​റെ വി​ല കൊ​ടു​ത്ത് വൈ​ദ്യു​തി വാ​ങ്ങു​ന്നു​ണ്ട്.

ഇ​പ്പോ​ള്‍ 60 മെ​ഗാ​വാ​ട്ട് വ​രെ വൈ​ദ്യു​തി ഉ​ല്‍പാ​ദി​പ്പാ​ക്കാ​നാ​കും. ക്രൂ​ഡ് പെ​ട്രോ​ളി​യ​ത്തി​ല്‍നി​ന്നു​ള്ള ഉ​ല്‍പ​ന്ന​മാ​യ ലോ ​സ​ള്‍ഫ​ര്‍ ഹെ​വി സ്​​റ്റോ​ക്ക് (എ​ല്‍.​എ​സ്.​എ​ച്ച്.​എ​സ്) ഇ​ന്ധ​ന​മാ​യി ഉ​പ​യോ​ഗി​ക്കു​ന്ന ഇ​വി​ടെ ഒ​രു യൂ​നി​റ്റ് ഉ​ൽ​പാ​ദി​പ്പി​ക്കാ​ൻ എ​ട്ടു​രൂ​പ​യി​ല്‍ താ​ഴെ​യാ​ണ് വി​ല​വ​രു​ക​യു​ള്ളൂ. എ​ല്‍.​എ​സ്.​എ​ച്ച്.​എ​സ് കൊ​ച്ചി റി​ഫൈ​ന​റി​യി​ല്‍നി​ന്ന്​ ല​ഭി​ക്കു​മെ​ന്ന​തി​നാ​ല്‍ അ​തി​ന് ക്ഷാ​മ​വും വ​രു​ക​യി​ല്ല. ക​ല്‍ക്ക​രി ക്ഷാ​മം രൂ​ക്ഷ​മാ​യ​തോ​ടെ പ​വ​ര്‍ എ​ക്സ്ചേ​ഞ്ചി​ല്‍ നി​ന്നു​ള്ള വൈ​ദ്യു​തി​ക്ക് വ​ന്‍വി​ല ന​ല്‍കേ​ണ്ട​തു​ണ്ട്. രാ​ത്രി​യി​ല്‍ യൂ​നി​റ്റി​ന് 19.32 രൂ​പ​യും പ​ക​ല്‍ 14.69 രൂ​പ​യു​മാ​ണ്.

ന​ഷ്​​ട​മെ​ന്ന് പ്ര​ചാ​ര​ണം ന​ട​ത്തി കോ​ടി​ക​ള്‍ വി​ല​മ​തി​ക്കു​ന്ന​തും ന​ന്നാ​യി പ്ര​വ​ര്‍ത്തി​ക്കു​ന്ന​തു​മാ​യ യ​ന്ത്ര​ഭാ​ഗ​ങ്ങ​ള്‍ നി​സ്സാ​ര വി​ല​ക്ക് വി​റ്റ​ഴി​ക്കാ​നു​ള്ള നീ​ക്ക​മാ​ണ് ഇ​വി​ടെ ന​ട​ക്കു​ന്ന​തെ​ന്നാ​ണ് ആ​രോ​പ​ണം. കൂ​ടാ​തെ പ്ലാ​ൻ​റ്​ സ്ഥി​തി​ചെ​യ്യു​ന്ന കോ​ടി​ക​ള്‍ വി​ല​മ​തി​ക്കു​ന്ന 100 ഏ​ക്ക​റി​ല​ധി​കം സ്ഥ​ലം സ്വ​കാ​ര്യ കു​ത്ത​ക​ക്ക് കൈ​മാ​റാ​ന്‍ ര​ഹ​സ്യ​നീ​ക്കം ന​ട​ക്കു​ന്ന​താ​യും തൊ​ഴി​ലാ​ളി​ക​ള്‍ ആ​രോ​പി​ക്കു​ന്നു. പ്ലാ​ൻ​റി​ല്‍ അ​ന്ത​രീ​ക്ഷ മ​ലി​നീ​ക​ര​ണം പ​രി​ശോ​ധി​ക്കാ​ൻ ഒ​രു​കോ​ടി രൂ​പ മു​ട​ക്കി ക​മ്പ്യൂ​ട്ട​ര്‍ അ​ധി​ഷ്ഠി​ത യ​ന്ത്ര​ഭാ​ഗ​ങ്ങ​ള്‍ സ്ഥാ​പി​ച്ചി​ട്ട് ഒ​രു​വ​ര്‍ഷ​മാ​യ​തേ​യു​ു​ള്ളൂ. അ​ഴി​മ​തി​ക​ളും കെ​ടു​കാ​ര്യ​സ്ഥ​ത​യും​മൂ​ലം 20 മെ​ഗാ​വാ​ട്ട് വീ​തം ശേ​ഷി​യു​ള്ള അ​ഞ്ച് ജ​ന​റേ​റ്റ​റു​ക​ളി​ല്‍ നേ​ര​ത്തേ ര​ണ്ട് യൂ​നി​റ്റു​ക​ള്‍ സ്‌​ക്രാ​പ്പ് ആ​ക്കി പൊ​ളി​ച്ചി​രു​ന്നു. കൂ​ടാ​തെ ഉ​പ​യോ​ഗ​ശൂ​ന്യ​മാ​യ ഇ​ന്ധ​നം വാ​ങ്ങി​യ​തു​മാ​യി ബ​ന്ധ​പ്പെ​ട്ട് അ​ഴി​മ​തി ആ​രോ​പ​ണ​മു​യ​ര്‍ന്നി​രു​ന്നു. ഈ ​അ​ഴി​മ​തി​ക​ള്‍ പു​റ​ത്തു​വ​രാ​തി​രി​ക്കാ​നാ​ണ് തി​ര​ക്കി​ട്ട് പ്ലാ​ൻ​റ്​ പൂ​ട്ടി​യ​തെ​ന്നും ആ​രോ​പ​ണ​മു​ണ്ട്. 1997ല്‍ 450 ​കോ​ടി മു​ട​ക്കി​യാ​ണ് അ​ന്ന് ബ്ര​ഹ്മ​പു​രം താ​പ​വൈ​ദ്യു​തി നി​ല​യം സ്ഥാ​പി​ച്ച​ത്.